ফুল সদক চাকমা
।।১।।
আদরি নাঙান জেক্কে তা বোরোঙাভুও আদরি থোই দের সেক্কে তে পারাপাং সবনেয়ো ভাবি ন’পারে সে নাঙানর লাজে তা নাদিন্নো্র একদিন মাদি লঘে মিঝি জেবার পরানে হ’ভ’। চিগনোত্থুন ধরিনে আদরি এক্কেনা চামাত্যে। তার ব’চ দি মাহ্চ বিদি ন’ জাদে হরঙা-পিজেঙা-জেদেঙাগুনো মুওত আদরর আদরি নাঙান আদুরি ওহ্ই উদিলো।
পাচ বঝর বয়জত তে জানি পারিলো তা নাঙান এগপরা দোল নেই – লাচ গরে পারা। আদামর ইচকুলোত ক্লাস থ্রিত উদিনেই অনেক হোজোলি, ভালক রেত ভাত ন হেনেই ঘুম জানা আ হয়েক পিলে চোঘো পানির বদলে তে তা বাবরে রাজি গরেল তা নাঙান ইচকুলোত আদরির বদলে ফুলরানি গরি দিবেল্লোত্যেই।
আদরি হাগোজে-পত্রে তা দোলনেই নাঙানত্থুন সোরান পেল। মাত্তর হামে-হরজে সোরান ন’ পেল। ঘরত-বারে, ঘরবুও-আদাম্যে ভেক্কুনে তা সে আদুরি নাঙানোই চিতনপুচ্যে গোরি ধরি রাঘেলাক।
Continue reading
MAADI 