KEYBOARD LAYOUT OF CHAKMA FONTS : A COMPARATIVE STUDY

The most used Chakma fonts in India are Chakma(SuJayan) created by Dangu Er. Jayan Chakma and Sujoy Chakma and Punongjun created by Dangu Er. Jayan Chakma. District School Education Board, Chakma Autonomous District Council (CADC), Mizoram is using Chakma(SuJayan) in their Text Books and here in Tripura we are using Punongjun. In Dechhul (CHTs), Indigenous Cultural Institute, Rangamatye used Chadigang fonts in its Text Books. Recently, Bivuti Chakma and Jyoti Chakma of Ribeng IT Solutions, Rangamatye developed Alaam fonts in collaborating with Indigenous Cultural Institute. They were also successfully developed the only Chakma Unicode font RibengUni. Earlier, there were two fonts in use in Dechhul namely BijoyGiri DPC (created by Deba Priya Chakma) and NishanChakma.

It means, by 2012, we are having at least five ASCII (American Standard Code for Information Interchange) fonts and one Unicode font to write in Chakma. But the problem is. we cannot use all the fonts easily due to different keyboard layouts of each font. The font developers did not followed a fixed pattern while placing fonts in the keyboard. As example, if we learn `a  s d f g / ; l k j h’ formula for English typing, we can use all the fonts available in Roman scripts. Similarly, if we learn `Bijoy’ in Bengali, we can use almost all fonts available for writing in Bengali except Amar Bangla, Satyajit and some other minor systems. But in Chakma, every time we want to use a new font for designing or for some other reasons, we have to learn the new font’s keyboard layout first, which is a time consuming and irritating process.

Now, what is the solution? This paper tries to search for a proper solution for it and proposes a new keyboard layout for a broader consensus. Before that, let us have a look at the present keyboard layouts used by the different Chakma font creators.

Keyboard layouts of Chakma fonts can be broadly divided in to three groups :

(1) 𑄇𑄎𑄞𑄋𑄚 group: This group used a easy formula in their layouts just like qwerty in case of English keyboard layout. Chakma(SuJayan) and Punongjun falls under this group. In this system prominent fonts were placed in prominent places and vowel strokes were put (with Shift option) as per their articulation, eg.  𑄨 (Banhi dena) at I and 𑄪 (Ek tan) at U etc. Sometimes, the vowel strokes were placed as per their appearance like 𑄨 (Banhi dena)  was placed at O in Chakma(SuJayan).

(2) BijoyGiri group: This layout solely rested upon the pronunciation of the fonts and placed them keeping in mind the similarity with English fonts, eg. 𑄇 at k, 𑄈 at K, 𑄃 at a etc. This is identical with Amar Bangla layout in Bengali. BijoyGiriDPC and Chadigang falls under this group.

(3) Bijoy group: Mostafa Jabbar, the famous developer of Bengali writing software `Bijoy’ included a incomplete set of Chakma fonts namely Bijoy Changma in his Bijoy software. He used Bijoy keyboard layout in Bijoy Changma also which was created especially for typing in Bengali. Later on the Chakma font creators followed the layout. NishanChakma, Alaam and RibengUni are based on this layout.

You can see a comparison between different layouts in the chart below.

The question is can’t we create a unified layout for all Chakma fonts ? We asked the question to Dangu Bivuti Chakma, co-creator of Alaam and RibengUni in November 2012 when he released RibengUni. While Dangu Bivuti readily agreed to our proposal but he insisted for a consensus through a conference/seminar between Indian and Bangladeshi Chakmas which involves a substantial amount of time and money. Then what to do ? We tried to search for a middle path to avoid those constrains. We prepared a layout, then mailed it to Bivuti to review the same in Ribeng IT Solutions. After their approval, we named it MaadiRibeng Layout and tried to use it in Punongjun font. No doubt we found it excellent.

What is the basis of this new layout ? Before going to that let us have a look at the English keyboard layout. The top 5 most used English characters are e, a, t, i & n followed by o, r, s, h, l, d, m, u, c, g respectively. It is clear that these frequently used characters were place without shift and in the prominent zone of the keyboard. Similarly, we have to place our most used characters without shift and divide the load equally between left and right hand for easy typing. So, we tried to find out the most used characters in Chakma scripts.

The MAADI team conducted a detailed survey of 145 Chakma articles with 15,388 words published in MAADI and other publications to find out the most used Chakma characters. Study revealed that the top ten used Chakma characters are Ubor tulye (𑄧), E kar (𑄬), Banhi dye (𑄨) Ra (𑄢), Ek tan (𑄪), Na (𑄚), Ba (𑄝), Ra machye (𑄢𑄴), O kar (𑄳𑄅𑄧) and Ma (𑄟) (details are in the above chart). So, we must place these characters without shift for speedy typing. It was the principle guideline in preparing MaadiRibeng Layout combined with pronunciation theory for easy memorization of the layout. Below is the proposed layout :

We request the respected Chakma font creators to review the layout and suggest appropriate alternations. We must agree to a common layout as soon as possible and change the layouts of the existing fonts as per a common layout to make them user friendly. It is also felt that more and more fonts with different looks are needed to add variety in the Chakma Scripts Store. We must give rounds of applause to the Chakma font creators which maybe the greatest achievement by the Chakmas by the beginning of the twenty second millennium.

Advertisements

Chakma Fonts

 

Chakma(SuJayan)

Punongjun

RibengUni

Aalam

Maadi

তিবুরা: চাঙমা লেঘার পইদ্যানে পরাক পরাক হয়েকখান হধা

আকহধা

তিবুরাত চাঙমাগুনোর জননাদা প্রায় এক লাখর ইন্ধি-উন্ধি। ১৯-চো উপজাতির মধ্যে চাঙমাঘুন জননাদাধি দি নম্বর আ গদা তিবুরাত চাঙমাঘান তিন নম্বর ডাঙর ভাষা। তিবুরার লোকসংখ্যার ৩% আ উপজাতি লোকসংখ্যার ১২.৫% চাঙমা। বেচভাক চাঙমা তিবুরার দেরগাঙ, মনুগাঙ, ফেনীগাঙর হুরে হারে আদামানিত বজত্তি গত্থন। মোটামুটি রাজা কৃঞ্চ মানিক্যর আমলত্থুন ধরি (১৭ শ শতক) গুমেদত আ ১৮ শতকর শেজত্থুন ধরি দেরগাঙত চাঙমাগুনোর বজত্তির বিজগী মাজারা তোগেই পা’ যায়। পড়া-শুনোধি তিবুরার চাঙমাঘুন সারেপারা আক্কোলেয়ো উবর হাবর পেশা বা সরকারী চাগরীত তারা এভ’ লেমপোচ্যে। গদা তিবুরাত বানা ১৫ জন চাঙমা টিসিএস/টিপিএস, চের জন বানা কলেজর মাস্টর, হন’ আইএএস অফিসার নেই, এক জন বানা উকিল – ইয়েনিয়ে গমেদালে চাঙমাগুনোর উনোঘান ফগদাঙ গরে। রাজনীতিদিধ’ তারা আর’ বেচ লেমপোচ্যা। চের পাচ্যান এডিসি/বিধানসভা সিদোত চাঙমাঘুনোর জয়-পরাজয় ঠিক গরিভার ক্ষমতা থেলেয়ো তারা হন’ দিন এক্কানত্থুন বেচ কেন্দ্রত – সিয়ে এডিসি ওহ্ক বা বিধানসভা, হন’ দিন জু ন’ পা’ন। তিবুরার চাঙমাগুনোর নিজস্ব হন’ রাজনৈতিক দল নেই বা এমন হন’ দলো নেই যিবে চাঙমা হজমা নেতাগুনোরে লারেগরি রাজনীতি শিগি নেতা ওবার সুযোগ দিবো। যার ফলে ইধু নেতা অনাগান বেজাদি নেতাগুনোর দয়ের উগুরেই ভর গোচ্যে। সেনত্যায় তারা নিজর জাদর সুখ-দুগোর হধা যেত্তোমান ভাবন সিত্থুন বেচ ভাবদে বাধ্য অন হি গরিলে ‘উতারা’ খুজি ওবাক। আর ঠিক ইয়োদই তিবুরার চাঙমাগুনোর বে’ক ফ্রন্টত অহ্দি যেবার শুরু।

চাঙমা লেঘা হেত্তেই দরকার

আমি যে যে কারনে চাঙমা লেঘার পক্ষে সওয়াল গরিই তার হয়েকখান মুলুক কারন অলদে :-

ক) চাঙমা লেঘাগান বানা চাঙমাগুনোর নয় গদা ভারদরই পুরোনি পোতপোত্যা সভ্যতার একখান মাজারা। গদা ভারদত প্রায় এক আহ্জারর হাজাহাচ্যা হধা থেলেয়ো উকখোর আঘন ২০ বাবদরো হম। ভারত সরকারে পুরোনি বিজগী মাজারাগানি বাজেই রাগেবাত্যায় যদি কোটি কোটি তেঙা খরচ গরি পারে সালে চাঙমা লেঘা বাজেই রাগেবাত্যায় হেত্তেই হয়েক লাখ টেঙায়ো খরচ গরি ন’পারিবো ? ভালক্কানি ডাঙর ডাঙর ভাষা আঘে যিয়েনির হন’ নিজর অরক নেই। চাঙমা উক্কোরুন আমা জাদর বার গরি পারে পারা পুরোনি বিজগর চিন্নক ভিলি আমি মনে গরিই। সেনত্যায় সিঘুন ধরি রাঘানা আমা জাদর আরাঙ ধক্কান বজায় রাগেবাত্যায় এগ’পরা দরকার। ভারদর সংবিধানর ২৯(১) ধারাত পোতপোত্যা গরি তুলোপারা আঘে, যে হন’ জাদর নিজর ধগর ভাষা, লেঘা আ বা সুধোম থেলে সিয়েনি বাজেই রাঘেবার তারার অধিকার থেব’ (29(1) Any section of the citizens residing in the territory of India or any part thereof having a distinct language, script or culture of its own shall have the right to conserve the same.)। সেনত্যায় এ ওকখোরুন বাজেই রাঘেবাত্যায় চাঙমাগুনো লঘে কেন্দ্র আ রেজ্য সরকাররো উজেই এজানা দরকার।

খ) চিগোন জাত অনার কারনে চাঙমাগুনে বিজগর নাললো নিজ’ সুবিধেমত ফিরেই ন’ পারন। উগুধো, বিজগে তারারে থুত্যা বোয়েরর সান বার বার উড়েই নেযেয়ে যিন্নি মনে হয় সিন্নি। ১৪ শতকর আগে একদল আমাত্থুন ছিনি রোয়োন বার্মার (ইক্কুনুর মায়ানমার) আরাকান বামত। তারা দৈংনাক্যা নাঙে পরেধি নাঙ হোলেয়োন। আ আমারে নাঙ দুওন আনক্যা মানে পঝিম কুল্যা। ইক্কুনু যেমন দেঝকুল্যা চাঙমাগুনে তিবুরার চাঙমাগুনোরে হন উত্তর কুল্যা। ১৬-১৭ শতকত দৈংনাক্যা চাঙমাগুনোর ইক্কো দল আরাকানত্থুন এনেই আমা লঘে জুক দুওন্নি। সিগুনোই পরেধি তোঙতোঙ্যা নাঙে চিনপচ্য ওহ্য়োন। ১৯৪৭ সনত ভারত স্বাধীনর লক্কে মনে মনজক্কা গরি আমা দেশচান ভাক গরি দুওন। হিঝু চাঙমা বাম পচ্ছে তিবুরার লঘে আ হিঝু চাঙমা বাম মিজোরাম (সেক্কেনর আসাম প্রদেশ)-র লঘে। বেচভাক চাঙমা যে বামত রই গেলাক সে হিল চাদিগাঙান সিধুগোর মানুশচুনোর মনর হধা থুবি মারি ফেলেই দিনেই সিয়েন ভরেই দিলাক মুসলিম জাতীয়তাবাদী দেঝ পাকিস্থানর ভিদিরে। সে বাদে বড়গাঙর গধা পানিত ডুবো খেই ১৯৬৪ সনত প্রায় ৪০ আহ্জার চাঙমা (যিঘুন ইক্কুনু ১ লাখ) ভারদত পার ওনেই অরুনাচল প্রদেশ (সেক্কেনর NEFA) -ত পরঙ ওহ্ই পেয়োন্নি। একলঘে এই ইধুক্কো মানুঝোর পরঙ অনাগান ‘বড় পরঙ’ ঈজেবে নাঙ পেয়ে।

এই যে বিজগর ঘুলোন্যাত পড়ি দেঝে-বিদেঝে চাঙমাঘুন ছিনেছিন্যে ওহ্ই পোচ্যন, যার ফলে তারা পত্তি বামত নাদাগুলেগত পরিনত ওহ্ই পেয়োন। পত্তি বামর ভৌগোলিক ভেইল মজিম তারার খাচ্যেক, উড়োন-পিনোন, হধা বদলি যেয়েগোই। মাত্তর ভেক্কানি বদলি যেনেয়ো দিয়েন জিনিচ এভ’ সঙ তারা বুঘোত আজা গরি রাঘেয়োন – সিত্থুন একখান অলদে বুদ্ধ ধর্মঘান আরক্কান এ চাঙমা লেঘাগান। আমা আনক্যাগুনোসান তোঙতোঙ্যা আ দৈংনাক্যাগুনেয়ো এভ’ সঙ এগই চাঙমা লেঘা লারচার গরন। সেনত্যায় চাঙমা লেঘাঘান আমা গদা পিত্থিমির চাঙমাগুনোর মিলিবার – আনক্যা-তোঙতোঙ্যা-দৈংনাক্যায় মিলিবার একখান দবদবা পধ ওহ্ই পারে।

গ) ইক্কো জাদর দি বাবদর অরক ওহ্ই ন’পারে। যদি অহ্য় সালে তারার বৌদ্ধিক (Intellectual) সম্পত্তিগানি ভাক ওহ্ই যাদে বাধ্য। আমি যদি বাংলাধি লেঘা-লেঘি গরিই – মিজোরাম আ অরুনাচলর চাঙমাগুনে পড়ি ন’ পারিবাক। আ তারা রোমান অরক্কোই চাঙমা হধা লেগিলে আমি সেত্তোমান জুত গরি পড়ি ন’ পারিবোঙ। ওক্কোর ফারক অহ্লে মনো ফারক ওহ্ই যেব’। সিঙিরি আমা ভিদিরে ফারক্কান আর’ বেচ অঝার অহ্ব’। সিয়েন ন’ ওহ্বাত্যায় আমার হামাক্কায় চাঙমা লেঘাঘান ভেক্কুনোর ঝাদিমাদি লারচার গরিভার আক্যাং গরিভার দরকার।

ঘ) বে’ক শিক্ষে কাবিলুনে হোই যেয়োন চিগোন অবুঝ গুরোরে শিক্ষের পত্থম হাবত শিক্ষে দেদে নিজর হধার সান গম আর হিচ্ছু ওহ্ই ন’পারে। সেনত্যায় আমি চাঙমা বামর প্রাথমিক স্কুলানিত চাঙমা হধাদি শিক্ষে চালু গরিভার দাবী বার বার তুলিই। আর চাঙমা হধাদি শিক্ষে দেদে হামাক্কায় দরকার চাঙমা লেঘা। যার যে ভাষার একখান নিজস্ব ধক থায়। সে ধকমজিম শদেশত বঝর ধরি আক্যাঙত্থুন তারার নিজস্ব মুওর হধানি লিঘিবাত্যায় নিজে ওকখোর বানান আ নয় হন’ জাদত্থুন গঝি লন। পর’ জাদত্থুন গঝি ললেয়ো পল্লাত পল্লাত সিঘুন লারচার গরানার ফলে তারার এমন একখান ধার বঝে অন্য ওকখোরলোই পরেধি আর ঠে খাবেই ন’পারে। সেনত্যায় পয়নাঙী চাঙমা হধা হাবিল সুনানু জয়ন চাঙমা হয়, চাঙমা লেঘা ছাড়া চাঙমা হধা শুদ্ধ গরি লিঘি ন’পারে। আর চাঙমা লেঘা ছাড়া চাঙমা গ্রামার বানায়ো উদোল দড়িলোই খাচ্যাঙ বুনে পারা অহ্য়। চাঙমা হধার verb-পুনোর যে root সিগুন ছাগি লোই পারে একমাত্র চাঙমা লেঘাধি ভাঙিলে। সে বাদেয়ো, বাংলা ভাষা যেমন রোমান অক্ষরেধি শিগেনা আহ্জি এঝে পারা, ইংরেজী ভাষা দেবনাগরী ওক্কোরেধি শিগেনা ভাবি ন’পাচ্ছে, ঠিক সেজান চাঙমা হধায়ো বাংলা ওক্কোরেধি শিগেনা মানি লোই ন’পাচ্ছে। আমা বুদ্ধিজীবীঘুন ভালোকভিলোম ধরি চাঙমা হধা লেঘদে বাংলা অহ্রক লারচার গত্থন হেনেই সিয়েন চোঘোত ন’পরে, মাত্তর ভাবিলে ব্যাপারান এগই।

ঙ) ভারদর সেন্সাস রিপোর্টত চাঙমাগানরে বাংলা ভাষার একখান ধেলা ঈজেবে দেঘানি অহ্য়। ২৫ জন বানা লোকসংখ্যার আন্দামানিজ ভাষার ভারদর সেন্সাস রিপোর্টত আলাদা গরি নাঙ আঘে, খামিয়াং, গোদাবরী, পশ্চিম গুরুং, ওঙ্গে, মুগোম – এ চিগোন চিগোন ভাষাগানির নাঙ আঘে – ইয়েনির লোকসংখ্যা ভেক্কানির ১০০ -র ভিদিরে, হিন্তুু গদা ভারদত চের লাখ লোকসংখ্যার চাঙমা ভাষাগানর নাঙ নেই। কমিশনার অফ লিঙ্গুইস্টিক মাইনরিটিজ অফ ইন্ডিয়ায়ো চাঙমাগানরে আলাদা ক্লাসিফায়েড ল্যাঙ্গুয়েজ ভিলি মান্য ন’গরে। ইয়েনির ভেক্কানির কারন অহ্লদে আমার বাংলাধি লেঘা-লেঘি গরানা। বেজাদি গবেষক্কুনে চাঙমা হধার নমুনা কালেকশন গরিলে সিয়েনি বাংলাধি লেঘা অহ্নার কারনে তারা সিয়েনি খুব সহজে পড়ি পারন আ দেঘন বেচভাক হধানি বাংলাধি মিলে। যার ফলে তারার উজু সিদ্ধান্ত অহয় চাঙমাঘান বাংলার উপভাষা। আমি যদি পত্তমত্থুনধরি চাঙমাধি লেঘা-লেঘি গরিদোঙ সালে নমুনাঘান দেঘানার লগে লগেই – ইয়েন একখান পুরোপুরি জুদো ভাষা – এ হধাগান গবেষক্কুনোর মনত হামাক্কায় জাগিলুন। সেনত্তেই আমা ভাষাগান যে জুদো একখান আলাদা ভাষা, ইয়েন কন’ বাংলার উপভাষা নয় এ হধাগান প্রমান গরিবাত্তেই আমার চাঙমা ওক্কোরুন বেজ গরি লারচার গরিভার দরকার আঘে।

তিবুরাত চাঙমা লেঘা আন্দোলন

ভাবিলে অক্তে অক্তে আমক ওহ্ই পায় যে, জিয়েনত্তে আঝলে আমার হন’ আন্দোলনরই দরকার ন’ এল’ সিয়েনত্তে আমি আন্দোলন গরি পে’র। আর ইয়েনো সত্য যে আন্দোলন বলতে জিয়েন বুঝোয় সে বাবদর হন’ আন্দোলন চাঙমাগুনোর তপ্পেত্তুন এভ’সঙ তিবুরাত হন’ দাবী আদায়ত্তেই হন’ কালেই ন’ অহয়। জিয়েন ওহ্ইয়ে সিয়েন অহ্লদে অক্তে অক্তে ঈদোত তুলি তুলি হয়েক জনে মিলিনেই মন্ত্রীগুনোসিধু ডেপুটেশন দেনা। সিত্তুন বেচ আক্কোদে পাদারা চাঙমা মনত পুঝোর জাগে, ‘‘ও তারা হি ভাবিবাক ?’’ যা ওহ্ক, আন্দোলন গরা ন’পরে হঙর এ কারনে :-

১) স্কুলোত চাঙমা হধা চালু অহ্লেদ’ গারেগায় চাঙমা লেঘা চালু ওহ্বার হধা। ইংরেজচুনে হি ভারদত পত্থম সলাত ইংরেজী শিক্ষে চালু গরদে হন’ প্রচলিত ওক্কোরলোই ইংরেজী শিগেবার চেষ্ঠা গচ্যন ? নাহি হন’ ভারতীয় ভাষা সে ভাষার ওকখোর ফেলেনেই জুদো বাবদর ওকখোরদি শিগেনা শুরু গচ্যন ? ভাষা চালু অহ্লে সে ভাষার যদি নিজস্ব ওকখোর থান সিঘুন চালু ওহ্বাগোই।

২) তিবুরা সরকারর মন্ত্রীত্থুন ধরি আমলাসঙ বেঘে বার বার হোয়োন চাঙমা ভাষা ভালেদী শল্লাদারী কমিটিয়ে (Advisory Committee for Development of Chakma Language) সুপারিশ গরিলে তারার চাঙমা লেঘা চালু গত্তে হন’ আপত্তি নেই। সে শল্লাদারী কমিটির মানুচ্যুন ভেক্কুন চাঙমা। আমার আমন’ মানুচ। সেনত্যায় আমাত্তুনোই আমি চাঙমা লেঘাগান মাঘি পে’র। জিয়েন আঝলে আমনরে চিতপুরেপারা।

এবার তেকহাবাগরি চাঙমা লেঘা দাবীর পত্থান এক্কেনা পিঝেদি ফিরি রিনি চা’ যোক। পত্থম সলাত ১৯৭৪-৭৫ সনত যেক্কে সুনানু মোহিনী মোহন চাঙমাদাঘি স্কুলোত প্রাইমারী থরত চাঙমা সাবজেক্ট চালু গরিভার দাবীঘান তুল্যন সেক্কেনে বাংলা অহ্রক্কুন হিয়ো জনর মনদো ন’এলাক। এ জাগুলুক্কান পত্থম ভেদা দিয়ে ১৯৮৩ সনর ১১ নভেম্বর যেক্কে সরকারে পত্থম বারত্তেই অনিল কুমার চাঙমারে সভানানু গরি চাঙমা ভাষা ভালেদী শল্লাদারী কমিটি বানেয়ে। সেক্কে তে পত্থম বারত্তেই এডিসি মেম্বার ওয়ে। গাবুচ্যা, তোকতোক্যা কার্বারী। সিইএম নারায়ন রুপিনী আ শিক্ষেমন্ত্রী দশরথ দেবর লগে দোল উধন-বঝন। শল্লাদারী কমিটির সভানানু ওহ্নেই তে আরকানি নেযেল’ ইস্কুলোত চাঙমা ভাষা চালু গরিভার। মাত্তর জোল বোদিলো বই ছাবেবার হধা উধিনেই। হিঙিরি ছাবেব’ চাঙমা বই ? চাঙমা লেঘা ছাবেবার হন’ প্রেসধ’ নেই ? সে বারদই পত্থম প্রস্তাব উত্থে চাঙমা লেঘার বদলে নাহি বাংলা অহ্রক লুও অহ্ব’ ? জাগুলুক সির নেযেবাত্যায় শল্লাদারী কমিটিয়ে ১৯৮৪ সনর ২১ আ ২২ জানুয়ারী মাছমারাত বিরেট গরি সম্মেলন ডাগিলো। সম্মেলনত দেঘা গেল’ বাংলা অহ্রগর পক্ষে হন’ জন নেই, ভেক্কুনে চাঙমা লেঘার হিত্যাধিই রায় দিলাক। অনেগে এমনই হুমকি দিলাক যদি বাংলা ওকখোরধি বই ছাবানি অহয় সালে সিঘুন তারা পুড়ি ফেলেই দিবাক। সে গন্ডগুলোত অনিল চাঙমা তার এডিসি মেম্বার থেবার সময়ানত (১৯৮৩-৮৮) আর চাঙমা লেঘা চালু গরি ন’পারিলো।

১৯৮৮-৯২ সঙ তিবুরার ক্ষমতাত এল’ কংগ্রেস-টিইউজেএস জোট সরকার। চাঙমাগুনোত্থুন এমএলএ এল’ ধনীছড়ার সুশীল কুমার চাঙমা। তে চাঙমা লেঘা চালু ন’ অহ্নার কারন আমলাগুনোর তাল বাহানা ভিলি মনে গরে। সে সময়দই শুনো যেয়ে শিক্ষা ক্ষেত্রে নুও ওকখোর চালু গরদে ভিলে হি কেন্দ্রর স্বরাষ্ট্র মন্ত্রকর অনুমোদন লাগে। এমএলএ নানুর নেতৃত্বেই স্বরাষ্ট্র মন্ত্রক’ লঘে যোগাযোগ গরি জানা গেল’ নুও ওকখোর যদি সে জনগোষ্ঠীয়ে চান্নে অহয় সালে তারার হন’ আপত্তি নেই। হিন্তু সুশীল কুমার চাঙমায়ো তা আমলত চাঙমা লেঘা চালু গরি ন’পারে।

এ বে’ক ঘটনানিয়ে চাঙমা ভাষা আন্দোলনানরে বদলি দিনেই বানেয়ে চাঙমা লেঘা আন্দোলন। চাঙমাগুনে আর চাঙমা ভাষা চালু গরিভার দাবী ন’গরন, বদলে দাবী গরন চাঙমা ওক্কোর চালু গরিভার।

১৯৯৩ সনত আর’ ফিরি এল’ অনিল কুমার চাঙমার আমল। এবার তে এডিসি মেম্বার নয় এমএলএ। এর মধ্যে অভিজ্ঞতা তার যেমন বাচ্যে ক্ষমতায়ো বাচ্যে। এ সময়দই তার নেতৃত্বে নুও দমগে চাঙমা লেঘা চালু গরিভার আরকানি গরিবাত্যায় যেনেই ঘদি গেল’ তিবুরার চাঙমা লেঘা আন্দোলনর বেঘত্থুন রহস্যজনক ঘটনাঘান।

ঘটনার শুরু ০৮-১০-১৯৯৩ তারিগোত। সেদিনর শল্লাদারী কমিটির বৈঠগত চেরান সিদ্ধান্ত লুও ওয়ে। ১) চাঙমা লেঘাদি প্রাথমিক থরর বই বানানা আ চাঙমা অহ্রক্কুন স্বীকৃতি দিবাত্যায় সরকাররে হোজলী গরানা, ২) চাঙমা লেঘা চালু গরিভার পইদ্যানে দোলেই জানিবাত্যায় ইক্কো টিম সিএডিসি পাধানা, ৩) চাঙমা টেকস্ট বই বানেবাত্যায় দি জন চাঙমা ভাষা কাবিল ডেপুটেশনে লেঙ্গুয়েজ সেলত আনানা আ ৪) ট্রাইবেল লেঙ্গুয়েজ সেলর অফিসচান নুও জাগাত নেযানা। (সেক্কেনে টিএলসি অফিসচান উমাকান্ত হোস্টেলর হুরে উমাকান্ত স্কুলোরই দিব্যা-তিন্নো গুধি লোনেই এল’)

মাত্তর আমক ওহ্বার হধা, এ সিদ্ধান্তগানির শেজর দিয়েন কার্য্যকরী অহ্লেয়ো পত্থম দিয়েন আঝল সিদ্ধান্ত আর বহন’ দিন বাস্তবায়ন ন’ অহ্য়। হেত্তেই ন’ অহ্য় সে পইদ্যানে জেরর মিটিঙানিত বার বার হধা তুলো ওয়ে। মাত্তর সিয়েনি বাস্তবায়ন গরিবাত্যায় শল্লাদারী কমিটিয়ে সরকাররে চাপ ন’দিনেই উগুধো শিক্ষে দপ্তরর মাধ্যমে No.F.19(8-11)-DSE/88(2-3)/850-58, dated, Agartala, the 05-09-1995 নং চিধিমূলে ঘোষনা গরিলো যে চাঙমা সাবজেক্ট স্কুলোত বাংলা লেঘাদি চালু অহ্ব’। খবরান শুনোনার লঘে লঘে চেরোপালাত্থুন জগার উধিলো। মায়-মুরুব্বীগুনে শল্লাদারী কমিটির সভানানু অনিল চাঙমারে বেরেই বেরেই ধরিলাক। অজমনে ১১-১২ নভেম্বর’১৯৯৫ তারিগোত এল’ পেজাত্তলত অল ইন্ডিয়া চাকমা কালচার‌্যাল কনফারেন্সর সম্মেলন। ইন্ধি এডিসি ইলেকশন এঝঙ এঝঙ। শুনো যেয়ে, বিবদত্থুন উদ্ধোর ওহ্বত্যায় অনিল চাঙমা দুমুরি যেয়ে মুখ্যমন্ত্রী দশরথ দেবর সিধু। তাত্থুন মু নপে’ই লুহ্ঙেগোই শিক্ষে মন্ত্রী অনিল সরকারর সিধু। এবার অনিল সরকারে তা মিস্টার অনিল চাঙমারে বাজেবাত্যায় যেনেই গরিলো একখান বিরেট ভুল। তে চাঙমা লেঘা চালুর পইদ্যানে ক্যাবিনেট সিদ্ধান্ত নিভার আরকানি ন’ গরিনেই সরাসরি নিজ’ ক্ষমতা বলে অনিল চাঙমারে হোই দিলো তোমা চাঙমা অহ্রক্কুন শিক্ষে ক্ষেত্রে ক্লাস থ্রি সঙ চালু গরা অহ্ল’। সরকারী নোটিস নিহ্গিলিলো। যার নাম্বার No.F.19(8-11)-DSE/88(L-3)/1061-73, dated, Agartala, the 02-11-1995।

এ খবরান অনিল চাঙমা শল্লাদারী কমিটির ১৩-১১-১৯৯৫ তারিগোর মিটিঙোত জানেলে সুওদ খুজির বরব’ খেলি যায়। সে দিনোর মিটিঙোত ‘চাঙমা পত্থম পইধ্যা’ নাঙে বইভো শিক্ষে দপ্তরর সিধু অনুমোদনত্তেই পাধানি অহ্য়। সভাত্থুন মুখ্যমন্ত্রীর উদিঝে মাননামা আ প্রেস রিলিজো দিয়ে অহ্য়। রেডিওত, পত্র-পত্রিকাত হুর হুর গরি খবর নিহ্গিলিলো চাঙমা লেঘা চালু ওয়ে ভিলি। মাত্তর না ছাবা অহ্ল’ ‘চাঙমা পত্থম পইধ্যা’ না চালু অহ্ল’ চাঙমা লেঘা। এক বঝর পরে ৩১-০৮-১৯৯৬ তারিগোর শল্লাদারী কমিটির মিটিঙোত জানি পারা গেল’ যে ‘চাঙমা পত্থম পইধ্যা’ বইভোর আহ্দে লেকখে কপি সুমুত্তো গদা চাঙমা ভাষা ভালেদী ফাইল্লো অফিসত্থুন আহ্জি যেয়েগোই।

গদা চাঙমাঘুন রাগে-ধুন্দুগে-আমগে অলর ওহ্লাক। এবার হাম চলিলো তলে তলে, লারে লারে। শল্লাদারী কমিটিয়ে ঠিক দিবঝর পরে ১০-০৮-১৯৯৮ তারিগোত চুর গরি সিদ্ধান্ত গরিলো বাংলা অহ্রক গঝি লোভার। সিয়েন সরকারে তার UO.No.256/Min/Edn/99 dated 01-04-99 চিধি মোতাবেক মানি ল’ল। সে অনুযায়ী ২০০৪ সনর ২১ মে পত্থম বারত্যায় ৯ য়ান স্কুল লোনেই বাংলা লেঘাদি চাঙমা হধা চালু গচ্ছোন। সে পরেধি সিয়েনি একবার ২০ য়ান, আরেকবার ২৯ য়ান – এ দি দফায় বাড়েনেই ইক্কুনু ৫৮ য়ান চাঙমা বামর স্কুলোত বাংলা লেঘাধি চাঙমা ভাষা চালু আঘে। নাঙে চালু অহ্লেয়ো সে স্কুলানিত পড়েবাত্যায় এচ্চে সঙ হন’ মাস্টর রিক্রুট গরা ন’ অহ্য়। সে স্কুলানিত ঘেচ্চেকগরি চাঙমা সাবজেক্ট পড়ানি অহ্র না ন’অহ্র সে উধো লোভারো হন’ গরচ শল্লাদারী কমিটিয়ে মনে ন’গরে।

এই যে ২৭ বঝর ধরি চাঙমা ভাষা ভালেধির নাঙে চিগোনগুরো খারা চলের ইয়েনিত্যাই দায়ী হন্না ? তিবুরার বে’ক চাঙমাঘুনে একলঘে হোভাক, দায়ী শল্লাদারী কমিটি। সরকারে ন’ মানে, আমলাগুনে নানা বাবদর গর দুওন, চাঙমা লেঘার মাস্টর নেই, চাঙমা বই ছাবেই ন’পারে, ফাইল আহ্জি যেয়েগোই, বই আহ্জি যেয়েগোই, লারে লারে চেষ্ঠা গরির – এ বাবদর হন’ যুক্তি দিনেই তারা তারার পাপত্থুন রেহাই ন’ পা’ন।

চাঙমা লেঘা চালু ন’ অহ্নার পিঝেধি আঝল কারনানি তলেধি ছাগি লোভার চেষ্ঠা গরা অহ্ল’ –

১) চাঙমাগুনোর ঔপনিবেশিক মানসিকতা ঃ রোগ চাবি থলে গম নয়। পরাক পরাক গরি হলে ভালা যে, যুগ যুগ ধরি চাঙমাঘুন পরর রাজনৈতিক, সাংস্কৃতিক, অর্থনৈতিক অধীনত্তল থাগদে থাগদে ইক্কুনু শিঙোরসঙ ঔপনিবেশিক মানসিকতালোই আক্রান্ত। যার ফলে আমি ‘রাধামন’রে বানেই ‘রাধা মোহন’ আ ‘ফেজাত্তল’রে বানেই ‘পেঁচারথল’। আমা তেম্মাঙসভাত একজন বেজাদি গরবা এলে আর আমা মুওত্থুন চাঙমা হধা ন’ নিহ্গিলে। যা হিঝু পন্ডিগি জিনিচ আমি তারার ভাষাধি লেঘিবার চেষ্ঠা গরিই কারন ‘তারা’ ন’ বুঝিলে হিচ্ছু লাভ নেই, চাঙমাঘুনদ’ হিচ্ছু নয়। ঠিক এ কারনেই হন’ মিটিঙ সেমিনারত চাঙমা লেঘার দাবী গরিলে আমা শল্লাদারী কমিটির সজাগ চাবাঙীগুনে মনত তুলি দুওন, ‘‘ভেজাল গরিলে ইক্কুনু পেত্তেই সিয়েনিয়ো আর ন’ পেভঙ।” যেন চিগোন গুরোরে বুঝোই পারা, ‘‘পেজাল গরিলে মামা আর পিধে ন’দিবো!” ইয়েনর কারনে চাঙমাগুনে বানা চাঙমা লেঘা নয়, অন্য হন’ দাবীই আদায় গরি ন’ পারন।

২) রুধুকমরা শল্লাদারী কমিটি ঃ তিবুরাত সরকার বদলে, শাসক দল বদলান, শল্লাদারী কমিটির সভানানু আ অন্যান্য মেম্বারুন বদলি যান – মাত্তর একজন ন’বদলে – সে মহা শক্তিশালী মেম্বারবোই বকলমে শল্লাদারী কমিটির সভানানু। বাগী চাবাঙীগুনোরে তে তার মনেমনজক্কাগরি ভরাই। সিগুনোর বেচভাগর হন’ লেঘা-লেগি গরিভার অভিজ্ঞতা নেই। তারাত্থুন সেত্তোমান শল্লাদারী কমিটিত থেবারো মন নেই। সে বলবান মেম্বারবোই কমিটিত তার বলবলা বজায় রাঘেবাত্যায় দুনিয়ে উধিচ নপেয়ে মেম্বারুন গদা তিবুরাত্থুন তোগেই নিহ্গিলায়। গদা তিবুরার চাঙমাগুনোর সমর্থন আঘে, সে বাবদর কাবিল মেম্বারলোই কমিটিবো নুও গরি বানেলে আমার আঝা, মিছিল-মিটিঙ-আন্দোলন হিচ্ছু ন’গচ্ছে গরিই চাঙমা লেঘা চালু অহ্ব’।

৩) মেম্বারুনোর চাঙমা লেঘা ন’ জানানা ঃ বেচভাক মেম্বারেই চাঙমা লেঘা ন’জানন। যার ফলে তারার চাঙমা লেঘার হিত্যা দয়ে নেই, মেয়েয়ো নেই। থেলেদ’ তারা হন আমলত চাঙমা লেঘা শিগিলাক্কুন। এবার সে চাঙমা লেঘা ন’ জান্যে মানুচ্যুনোর আহ্দত যুদি চাঙমা লেঘাদি টেক্সট বই বানেবার ভার পরে তারাধ’ চোঘেদি আন্ধার দেবাগোই। পরর আহ্দদো দায়িত্ব দিবার ন’চান, সালে তারার নাঙর ভুদিবো এক্কা অহ্লে হমিবো। ইন্ধি বাংলাধি অহ্লে তারা চোখ হাহ্দিয়ো লিঘি পারন। সালে পথ বানা একখান, সরকাররে বাঝেই দিনেই চাঙমা লেঘাগান যিঙিরি সিঙিরি ঠেগেই রাঘানা। লাগিলে জমা দিয়ে টেক্সট বোয়ুনো ঘুবেই দেনা। এ নাঙ লোনেই সলাসলি গরানার কারনে বানা চাঙমা লেঘাদি লেকখে বই নয়, বাংলাধি লেকখে চাঙমা টেক্সট বইয়ো ট্রাইবেল ল্যাঙ্গুয়েজ সেলর অফিসত্থুন আহ্জি যেয়োন্নোই একমাত্র বোয়ুন সে মহা শক্তিশালী চাবাঙীবোর লেকখে ন’অনার কারনে। চিত্রা মল্লিকা চাকমা আ গঙ্গ্াজয় চাকমা লেকখে ‘সদরক’ আ অনিল কুমার চাকমা আ ফুলেশ্বর চাকমা লেকখে ‘গণিত’ – এ দিব্যা ক্লাস ওয়ানর বোয়োরে শল্লাদারী জধার ১৫-১০-১৯৮৭ তারিগোর মিটিঙোত অনুমোদন দিয়ে অহয়, মাত্তর সিঘুন আর পরেধি তোগেই সুক পা’ ন’যায়।

ইক্কু দেঘা যোক চাঙমাগুনোর নিজস্ব সুধোমর লেঘা থানা সত্বেয়ো হেত্তেই সরকারে বাংলা অহ্রক গঝি লোয়ে সে পইদ্যানে হনে হি হন। ইয়োত আঝল তিন্নো দলর হধা তুলি ধরা অহ্ল’ ঃ-

১) SCERTঃ–  চাঙমা ভাষা ভালেদী শল্লাদারী কমিটিবো মূলতঃ এ SCERT -র আহ্নজামে হাম গরে। বাংলা, ককবরক, চাঙমা, বিঞ্চুপ্রিয়া মনিপুরী, মনিপুরী এ ভাষাগানির যার যে লাক স্কুলোত পড়িভার বই বানানা তার কাম। তারার মতামত মানবলা ডিরেক্টরে RTI-র আহ্নজামে এক পুঝোরর জুওবত No.F.21(3-1)-TLC/SCERT/97(L)/6049, dt.25-03-2008 চিধি দিনেই তিবুরা চাঙমা ছাত্র জধার কাবিদ্যাঙরে জানেয়ে, বাংলা অহ্রক গঝি লুও ওয়ে চাঙমা ভাষা ভালেদী শল্লাদারী কমিটির হধা মজিম। ১৭ অক্টোবর ২০০৭ সনত সেক্কেনর স্কুল শিক্ষে মন্ত্রী কেশব মজুমদারে চাঙমা ছাত্র-গাবুচ্যার ইক্কো দল তা সিধু চাঙমা লেঘা দাবী গরিনেই ডেপুটেশন দিবাত্যায় গেলে তেয়ো এগই হধা হোয়ে। তা মতে, তোমার (মানে চাঙমাগুনোর) শল্লাদারী কমিটির হধা মজিম তিবুরা সরকােের চাঙমা ভাষার পইদ্যানে বে’ক কামসিরি আহ্দত লয়। তারা যদি চান্নে অহ্য় চাঙমা অহ্রক গঝি লোভার সালে সরকারর হন’ আপত্তি নেই।

২) শল্লাদারী কমিটির চাবাঙীগুনোর মতামত ঃ– ন’জন চাবাঙী, একজন সভানানু আ একজন কনভেনর (শ্যামলী দেববর্মা, ডেপুটি ডিরেক্টর, এসসিইআরটি), জন গদে গদে হন’ জনেই চাঙমা লেঘার মুজুঙো-মুজুঙি বিরোধ ন’গরন। তারা বেচভাগে হন্নে তারায়ো চা’ন চাঙমা লেঘা চালু ওহ্ক, মাত্তর সরকারে ন’মানিলে তারা হি গরিভাক ?

৩) শল্লাদারী কমিটির সভানানুর মতামত ঃ– শল্লাদারী কমিটির সভানানু মানবলা এমএলএ সাহেবে। তেয়ো হধা তুলিলে উগুধো ন’গরে, মাত্তর ইক্কো না ইক্কো দেম অনসুর তুলে। যেমন, ১৭ অক্টোবর ২০০৭ সনত কেশব মজুমদারর হধাঘান শুনোনার হয়েকদিন পরেই সেক্কেনর ‘মাদি’-র কাবিদ্যাঙ কুসুম চাঙমা, সেক্কেনর চাঙমা ছাত্র জধার কাবিদ্যাঙ অনিরুদ্ধ চাঙমা, প্রদীপ চাঙমা সমেত হয়েক জনে তাল্লোই তার মাছমারার ঘরত তেম্মাঙ গরিবাত্যায় যেয়োন। তারে যেক্কে হোয়োন্নোই তিবুরা সরকারে ভিলে তোমা শল্লাদারী কমিটিয়ে সিদ্ধান্ত নিলেই চাঙমা লেঘা চালু গরি দিবো, তদা তাঙরি তে হলেদে, ‘‘চাঙমা লেঘা চালু অহ্লে হন্না পড়েভ’ ? দুও না মরে সার্টিফিকেটবলা চাঙমা মাস্টর। মুই ইক্কে চাঙমা লেঘা চালু গরি দোঙর।”

তার এ হধাগানর উগুরে ভর দিনেই তিবুরাত CADC-র বলাবলে পেজাত্তল লিটল ফ্লাওয়ার স্কুলোত তিনমাস্যা চাঙমা লেঘা সার্টিফিকেট কোর্স ২০০৮ সনর ৫ জানুয়ারী ফাঙ গরা ওয়ে আ সিত্তুন ৩৮ জন মাধ্যমিক পাশ ছাত্র/ছাত্রী গমেদালে পাশগরি নিহ্গিলি এচ্যন। আগেধি হোয়েধে সার্টিফিকেটবলা চাঙমা মাস্টর পেলেই তে চাঙমা লেঘা চালু গরি দিবোদে হধাগান পুরি ফেলেই গেল্লে ১২ সেপ্টেম্বর ২০১০ তারিগোত গদা তিবুরা চাঙমা ছাত্র জধার হজমা গঝি ল’না ফাঙ সভাত তে মতামত দিলঘিদে চাঙমা লেঘার ভিলে বিশারদ নেই। যে জাগাত তিবুরাত চলন্দি ককবরক, বিঞ্চুপ্রিয়া মনিপুরী এ ভাষাগানি পড়েবাত্যায় উজু উজু মাধ্যমিক পাশ বা ফেল অহ্লেই চলে, আমা এমএলএ নানুর হেত্তেই চাঙমা লেঘা পড়েবাত্যায় তিনমাস্যা সার্টিফিকেট কোর্সে ন’হুলোর ? হেত্তেই তার চাঙমা লেঘাদি বিশারদ পরানে মাঘের ?

মুজুঙোর পধ

উগুরোর বে’ক হধানি থুবেনেই রিনি চেলে আমাত্থুন শল্লাদারী কমিটির গাফিলতি বার বার নজরত এঝে। যে জাগাত গদা তিবুরার চাঙমাগুনোর তপ্পেত্তুন চাঙমা লেঘাগান স্বীকৃতি পেভার লাড়েয়োত তারা মুজুঙোর সুরোত থেবার হধা এল’ সে জাগাত শল্লাদারী জধার সভানানুভো হাক্কে ইয়েন হাক্কে উভোন হোনেই চাঙমা লেঘার দাবীঘান বিজিদি ফেলেই দেগোই। হয়েকজন মেম্বারেধ’ চাঙমা লেঘার হধা তুলোদেই ডরান। যদি ডরান সালে সিত্তুন পদত্যাগ গরিলেই তারা পারন। আ একজন মেম্বারেধ’ উল্লোগরি চাঙমা লেঘার হধা তুলিলে সভামায় হন’ জনরে অগমান গরদেয়ো তুদি পড়ি ন’থায়। সেয়ান্যা গরি সভামায় তা অগমান গরা হাহ্নাত্থুন বিমল মমেন চাঙমা, ফুলেশ্বর চাঙমা (দুওজন শল্লাদারী কমিটির আগরির চাবাঙী), কুসুম কান্তি চাঙমা – হন’ জন বাদ ন’যান। অথচ তার জানা আঘে, এক হালে মনিপুরীগুনে বাংলা অহ্রক গঝি লোনেই হি ভুল গচ্যন। ইক্কু তারা সরকার সুমুত্তো তারার নিজস্ব ওকখোরুন মনিপুরোত চল গরিভার চাধন, মাত্তর ন’পাত্তন।

সেনত্যায় আমার ইক্কুনু যিয়েন পত্থম দরকার সিয়েন অহ্লদে শল্লাদারী কমিটিত্থুন চাঙমা লেঘার দাবীঘান আদায় গরানা। তাত্তেই কামসিরি এতাভিদিরে শুরু ওয়ে। গেল্লে অক্টোবর মাহ্জর ৩১ তারিখ পত্তি শল্লাদারী কমিটির চাবাঙীগুনোসিধু মুকপাত্তি (Representative) ডেপুটেশন দিয়ে ওয়ে। নভেম্বর মাহ্জর ২৮ তারিখ গণ স্বাক্ষর লোনেই আ ডিসেম্বর মাহ্জর ২৫ তারিখ গণ ডেপুটেশন দিয়ে অহ্ব’। তুও ন’ অহ্লে ইঙিরি লারে লারে গরি আন্দোলন গিয়ের গরিনেই চাবাঙীগুনো ঘর’ মুজুঙে গণ অবস্থান, অনশন এমনকি আমরন অনশন সঙ দরকারমজিম আন্দোলনান টানি নেযা পরিবো। এর মধ্যে ফেব্র“য়ারী মাহ্জর শেজাশেজিত পারিলে গদা তিবুরার চাঙমা বামানিত একখান বাইক র‌্যালী গরিভার আরকানিয়ো ঈজেবর ভিদিরে রাঘা ওয়ে। আন্দোলনর চাবত পড়ি শল্লাদারী কমিটি চাঙমা লেঘা চালু গরিভার সুপারিশ গরিনেই রেজিলিউশন পাশ গরিনেই শিক্ষা দপ্তরর আহ্দত জমা দিলেতে সেক্কে শুরু অহ্ব’ আন্দোলনানর পরর পইদ্যাবো।

শেজহধা

তবে ইয়েনো সত্য হধা যে, বানা সরকারীভাবে চাঙমা লেঘা চালু গরিভার দাবীঘান আদায় গরানাই শেজ হধা নয়। যদি আমি বেচভাগে চাঙমা লেঘা পড়ি ন’পারিই, লেখক-সাহিত্যিক্কুনে চাঙমা লেঘা লারচার ন’গরন আ চাঙমা লেঘাদি পত্র-পত্রিকা, বই-পত্র অনসুর গরি ন’ নিহ্গিলে সালে চাঙমা লেঘা আন্দোলনর আঝল উদ্দেশ্যগানই শিঙোরসঙ বজঙ ওহ্ই যেবগোই।

সাজন্যেত নানুনেই গুরো

১৮ আঘস্টত আমি হি পেলহ্ঙ?

১৮আঘস্ট ২০১১। আগরতলা রাচপধত ৪০০-র উগুরে চাঙমার ৭ জানুয়ারি ২০১১-ত লোয়ে চাঙমা ভাচ ভালেদি শল্লাদারি জধার চাঙমা লেঘা চালু গোরিভার সিদ্ধান্তগান বলাবত গোরিভার দাবি গোরিনেই মিছিল। এ মিছিলানে আমারে হি দিলো ? ২৯ আঘস্ট ফদাঙতাঙ ওয়ে ইয়েনে আমারে চাঙমা লেঘা দি ন পারিলো। সালে আমার হি গাত পরিলো ?

গমে তলবিচ গরিলে ১৮ আঘস্টর আরকানিগানে আমারে চাঙমা লেঘা আনি দি ন পারিলেয়ো সবায় গাত ন পরে। ভালক্কানি হারনে সেদিন্যে তিবুরার চাঙমা বিজগত ইক্কো নুও ধেলা হোর উত্তে ভিলিই আমি ধরি নেজেই পারিইঃ

১) হম হম গরি অহ্লেয়ো এবারদই পলিম তিবুরার বে’ক বামত্তুন মানুচ এনেই হনক্কান হামত জুক দুওন্নি, ফেনি, গুমেত, মনুগাঙ, দেরগাঙ এক জাগাত মিল্লোন – ইয়েন চিগোন হধা নয়। ইয়েন হিঝু ইরুক জুগোর উদো লো-লি গোরিভার পত্থানি দবদবা ওহ্বার হারনেয়ো ধুরি পারা জায়।

২) তিবুরার চাঙমা জাত ভালেদি হামত গঙ ন থেবার এক্কান মুলুক হারন আমা বুরো আ গাবুচ্যেগুনো ভিদিরে গম তালমিল ন থানা। বুরো, গাবুচ্যে আ ছাত্রগুনোরে এক জাগাত মিলেবাত্যেই এবারদই পলিম এক্কান ভেইল ধরি চেরেসথা গরা ওয়ে। অল ইন্ডিয়া চাকমা কালচারেল কনফারেন্স, ইয়ং চাকমা এনোসিয়েশন আ ত্রিপুরা চাকমা স্টুডেন্টস এসোসিয়েশন – এবারর সান জুদি মুজুঙোর দিনুনোদ’ ঘেচ্ছেকগোরি এক ঘজায় হাম গরি পারন সালে তিবুরার চাঙমাগুনোর মুজুঙোর দিনুনোর বিজক জুদোবাবদর অহ্দে বাধ্য আ

৩) এ আরকানিগানত আমার জিয়েন বেগ’ দাঙর উঝোল হোই পারিই সিয়েন অহ্লদে – এ আরহানিগানে হামাক্কায় গোরি চাঙমাগুনোর রুমে রুমে ভিদি থেয়ে ্ঔপনিনেশিক মানসিকতার পাগোচ্যে গাচ্ছোত দরমর’ হুপ বোঝেই পাচ্ছে। আগেধি মনে গরা অহ্দ’ আমি ব্যানারানিত হি লেগিলোঙ তারা ন বুঝিলে আমার হন’ লাপ নেই, আমি শ্লোগানেদি হি মাঘির সিয়েনি তারা ন বুঝিলে হনা ন হনা সঙ – এই জে চাঙমাগুনোর ‘তারা’ কেন্দ্রিক মানসিকতা – ইয়েন চাঙমাগুনোর জুক জুক ধুরি পরর অধীনত্তল থেবার ফল, জিয়েনরে হুও অহ্য় ঔপনিনেশিক মানসিকতা। আগরতলা টাউনর শন শত বেজাদির সেরেদি চাঙমা লেঘাদি বর বর গোরি লেখ্যে ব্যানার ধুরিনেই বুক ফুলেই উজেই জানা, হাজা চাঙমা হধাদি জোগার পারি পারি শ্লোগান দেনা – ইয়েনিয়ে তিবুরার চাঙমা বিজগর তেক ঘুরেই দিবো সিয়েন দায়হাম মারি হুও জায়।

মাদি, সেপ্তেম্বর, ২০১১, ন’ বঝর, নাদা-৬৬

অক্টোবরর ৮ আ ৯ রেজ্য হাবর মিলনিসভা – চাঙমা কাস্টমারি ল লোনেই তেম্মাঙ

মাধব মাস্টর আদাম ঃ অজিত কান্তি চাঙমা, নলিলাক্স চাঙমা আ অনিরুদ্ধ চাঙমা ঃ চাঙমা কাস্টমারী লভুও সোর গরিবেত্যেই ১৩ আঘস্ট ২০১১ মনুগাঙর মাধব মাস্টর আদামত আগরির এমএলএ অনিল চাঙমার সভানানুগিরিত এক্কান মিলনিসভা বিদি জেয়ে। তেম্মাঙত সময়র নাগানাক্যে আ শিলেসুরি, ঝরঝরি, গন্ডাসরা আ শান্তির বাজারর মুকপাত্তিঘুন গারির অনতিত্যেই জুক দি ন পারিবাল্লি হারনে মিলনি সভাত বানা তেকহাবা তেম্মাঙ ওয়ে। ঠিক গরা ওয়ে এজেত্তে অক্টোবরর ৮ আ ৯ তারিখ বিরেতগরি গদা তিবুরাত্তুন দাগিনেই এগই জাগাত মিলনিসভা গরা অহ্ব’।

সে পইদ্যেনে অনিল চাঙমারে সভানানু, নিরঞ্জন চাঙমা আ বভ্রু বাহন চাঙমারে এজাল সভানানু বানেনেই ১৫ জন্যে ইক্কো দাগনিদিয়ে জধা বানানি ওয়ে। সুওত বাগি চাবাঙিঘুন ওহ্লাক্কে এমএলএ অরুন কুমার চাঙমা, শোভা রঞ্জন চাঙমা (কাঞ্চনপুর), আনন্দ মোহন চাঙমা (তুইচাঙমা), অশোক মিত্র হারবারি (মাধব মাস্টর আদাম), কাকলি চাঙমা (আগরতলা), পদ্ম রঞ্জন চাঙমা (ছমনু), দেবানন্দ চাঙমা (দেবীপুর), সুমন্ত সেন চাঙমা (গন্ডাছড়া), ললিলাক্স চাঙমা (ঝরজরি), কমল কিশোর দেওয়ান (শিলেসুরি), জগৎ জ্যোতি চাঙমা (তিলকপারা) আ মনোরঞ্জন চাঙমা (নবীনসরা)।

এতা ভিদিরে পত্তি চাগালাত কাস্টমারী লভুও ভাক গরিদ্যে অহ্ভ’ আ তারা চাগালা ভিদিরে তেম্মাঙ গরিনেই হি হি সোর গরা পরিবো, হি হি ভরা পরিবো আ হি হি বাদ দ্যে পরিবো থিক গরিভাক। সে থিক গোচ্ছে সোর গরানিগানি সে চাগালার মুকপাত্তিগুনে মিলনিসভাত তুলি ধরিবাক্কি।

তিবুরার উপজাদিগুনোর সুধোম বেইয়ে বিজের আরুক্কানি সরকারীধগে গঝি লোভার আরকানির জুক্কোল ইজেবে কাস্টমারী ল কোডিফিকেশনর হাম আরম্ভ গোচ্ছে এডিসি। রিদি-সুদোমানি সাগি-তুনি বই-ধক বানেনেই গৌহাটির ল রিচার্স ইন্সটিটিউটত গঝা পরিবোগোই। তারা সুওত ভারত-সংবিধেনর উগুধো হন’ হিচ্ছু আঘে নেনা, গুরো আ মিলেগুনোর গা-রোখ্যে অজন মজিম আঘে নেনা আ নানাক্কান নিমোন গরি বিজিরেনেই তলবিচনামা দিবাক আ তারার তলবিচনামা ইঁ-বাবত্যে পেলেহ্ এডিসি কাস্টমারী ল-ঘুন বিল বানেনেই গঝি লোভার আরকানি নেজেব’।

এ আহ্বালত চাঙমা কাস্টমারী লভুও ঝাদিমাদি সোর গরিভার এগ’ পরা দরকার এই পোচ্ছে। মাত্তর খবর লোনেই জানা জেয়ে তিবুরা চাঙমা সামাজিক রেজ্য পঞ্চায়েত পরিষদর সভানানু এমএলএ অরুন কুমার চাঙমা নিজেয়ো খবর ন পায় চাঙমা কাস্টমারী ল ভুও, জিভে ১০-১১ বঝর আঘে লেঘা ওয়ে, সুওত হি আঘে। বার বার মাঘানা সত্তেয়ো তারে হন’ জনে ইক্কো কপি ন দুওন।

গেল্লে ৬/৭ বঝর ধরি তারা এক বারো চিগোন এক্কান তেম্মাঙদো বঝি ন পারন। গদা তিবুরাত চাগালা পঞ্চায়েত আ ষুলয়ানী পঞ্চায়েত বানেবার হন আরকানি নেই। একমাত্র দেরগাঙ বাদে তিবুরার হন’ চাঙমা বামত চাগালা পঞ্চায়েত আ ষুলয়ানী পঞ্চায়েত নেই। রেজ্য পঞ্চায়েত পরিষদর আদাম পঞ্চায়েত্তানির হন’ র পা’পি নেই। জার ফলে আদাম পঞ্চায়েত্তানি তারার মনে মনজক্কা বিজের গরন, রেজ্য পঞ্চায়েদর সম্মেলনত গঝি লোয়ে সিদ্ধান্তর উগুধো হাম গরন, এক ধাল্যে বিজের গরন, আদামর চিগোন চিগোন জাগুলুক্কানিয়ো পাধি ওফিসত তানি নেজান আ এক-এক্কো আদাম পঞ্চায়েত ন বদল্লে গরি ৮-৯ বঝর ধরি হাম গরধন। ইয়েনিয়ে চাঙমা জাদর বেঘত্তুন বলবলা জধাবো মরামরা বানেয়ে আ মানুঝোর বিশ্চেজো চাঙমা সামাজিক পঞ্চায়েদর উগুরে দিন দিন হমি জার।

এ আহ্বালত জেক্কে চাঙমা গাবুচ্যে জধা (YCA)-র মুকপাত্তিগুনে মুরুব্বিগুনোরে ঝাদিমাদি কাস্টমারি লভুও সোর গরিভার প্রস্তাপ দুওন, তারা বেচভাগে মতামত দুওন, ইক্কুনু জেয়ান্নে ওহ্ক এডিসিরে পাশ গরিবেত্যেই দেনা আ পরেধি সোর গরানা। চাঙমা গাবুচ্যে জধার মুকপাত্তি অনিরুদ্ধ চাঙমা গেল্লে ৬ আগস্ট খুমুলুঙত এডিসির সিইএম রনজিত দেববর্মালোই হধা হোনেই জানি পাচ্ছে, কাস্টমারী লভুও গমে সোর ন গরিলে (মানে ইন্ডিয়ান পেনাল কোর্ডর লঘে মিলেনেই আ গুরো-মিলেগুনোর গা-রোখ্যে রাগেনেই) গৌহাটির ল রিসার্চ ইন্সটিটিউটে তলবিচনামা দিবার জু হম আ এক বার এডিসি-ত পাশ অহ্লে সিবে সোর গত্তে ভালক্কানি ঘদর-মদর গরা পরিবো। সেক্কেনে চাঙমাগুনে, এমনকি এডিসিয়েয়ো সিবে মনে-মনজক্কাগরি সোরগরি পাত্ত নয়। সেক্কেনে সোর গরিভার প্রস্তাপ্পানি চাঙমা জাদর তপ্পেত্তুন গৌহাটির ল রিসার্চ ইন্সটিটিউটত গঝা পরিবোগোই আ তারা সিয়েন দোল মনে গরিলে তে এডিসি আহ্দত জমা দ্যে গরিবেঘি। সেক্কে এডিসিয়ে সোর গরানি প্রস্তাপ অধিবেশনত তুলিভাক আ অধিবেশনত সোরগরানি প্রস্তাপ পাশ অহ্লে তে সিয়েনি সোর ওয়ে ভিলি মানা অহ্ব’। সে আহ্বালত পর’ আহ্দত আমা কাস্টমারি লভুও গঝানি অহ্ব’ নেনা সে পইদেনেয়ো অনেগে হধা তুলধন।

মাদি, আঘস্ত, ২০১১, ন’ বঝর, নাদা-৬৫

চ্যাং-ম্যাং দত কম

ন দোরেম মুই হমলে

লারেই লারেই লারেই চে’ই, লারেই সারা গুদি নেই। সেই লারেই গত্তে দরেলে ন অহ্য়। জাদত্তেই, দেঝত্তেই ঘিলেগান পিঝেদি দিনেই লারেয়োত বুক ফুলেই মুজুঙেধি উজেই জা পরে। পাদারা জাদে, পাদারা মানুঝে লারেই গোরি ন পারন আ লারেই গোরি ন পারিলে অধিকারর হধা হনায়ো তারা মুওত ন সাজে।

মাত্তর আমা তিবুরার চাঙমাগুনোরে রিনি চেলে হধাগান মিঝে মনে অহ্য়। আমাত্তুন হুও ন হুরিনেই পানি পরানে মাঘে, ন মাক্যে গোরি বে’ক বাবদর অধিকার পরানে মাঘে। হয়েক জন সমাচ্যে মিলিনেই আমার ইয়েন নেই, উভোন নেই, আমারে ইয়েন ন দোন, উভোন নদোন হলে আমি বিরেত আন্দোলন গরি ফুরেয়েই মনে গরিই। আ দঝ’ মুজুঙে চাঙমা জাত্তো এবাবদর. চাঙমা জাত্তো ওবাবদর গরি গবি পারিলেধ’ হধাই নেই – সিবেরে আমি জাত ভালেদি হামত্তেই মেডেল দিবেত্তেই ধারাচ গরিই।

বেঘত্তুন বেচ আমক ওহ্বার হধা – আমা গদা জিঙহানিগানত ন দোরেনেই এক্কা ধিবে হুহ্লি অহ্ক হধা হোভাত্তেই হন’ সময় নেই। গদা জিঙহানিগানত ন দোরেবার হন’ সময় নেই আমার। ছাত্র লক্কে আমি দোরেই – নিজো জাদত্তেই হধা হলে লেঘা-পড়া শিগি-সাগাই চাগুরি ন পেভঙ। চাগরি পেলে আমি দোরেই – বেচ বেচ গোল্লে মরে উতারা প্রমোশন ন দিবাক, জু-সুনজুক ন দিবাক, বর বর সরকারি কমিটিত বর বর পোস্ট ন দিবাক আ নলে রুখ্যাঙত বদলি গরি দিবাক (অনেগে দর দেঘান, সাসপেন্ডো গরি পারন) । চাগুরি সেচ গরি পেন্সনত গেলেয়ো আমার দর ন জায় – আমার পেন্সন বন্ধ ওহ্ই পারে বা ম পো-সাবাগুনে চাগুরি ন পে’ই পারন।

গদা পিত্থিমিত পারাপাঙ একমাত্র তিবুরার চাঙমাগুনেই আঘন্নে জারা নিজোত্তেই, নিজো জাদত্তেই হধা হনাগান পাপ মনে গরন, দুচ মনে গরন। পেদর পিঝেদি দুমুরোদে গরিপ্পুনোর জাদর হধা ভাবিবার সময় নেই, ধনিগুনোর জাদর হধা ভাবিবার গরচ নেই। ছাত্রই ন ভাবিবাক, চাগরিবলাই ন ভাবিবাক, গরিবে ন ভাবিবাক, ধনিয়েয়ো ন ভাবিবাক – সালে জাদর হধা ভাবিবো হন্না ?

এই জে আমার জনমভুরি পিত্তোমরা ভাপ, নিজোরে চিগোন মনে গরানা, নিজোরে পরর অধীনত্তল মনে গরানা – ইয়েনর হি হন’ দারু আঘে ? অভিধম্মর বিদর্শনরসান আঘে নেনা হন’ পত, জিয়েনে এ আহ্জার বঝরর পাদারা ঔপনিবেশিক মানসিকতাগানি হাজেনেই আনি দি পারে স্বাধীন মানসিকতা ?

মাদি, আঘস্ত, ২০১১, ন’ বঝর, নাদা-৬৫

আয় সুক আয়

মুই জলি ন উধিম হেত্তেই

দেচহুল আ সিধুগোর চাঙমাগুনোর আহ্বালর হধা ভাবিলে কবিতা চাঙমার হবিদে সুরবো গারেগায় ইধোত উধে – ‘মুই জলি ন উধিম হেত্তেই।’ আঝলে অয়, অলর গরি থেবার বে’ক পত্থানি এক্কান এক্কান গরি নাদা গেলে হিঙিরি থেই পারে জলি ন উধি ?

বাংলাদেচ সরকারে তা সংবিধানত জুম্মোগুনোর, জুম্মোধ’ ওহ্বোলার হধা, আদিবাসীগুনোর নাঙ লেঘা থোগো ন চায়। সরকারর মুকপাত্তি দুনিয়ের বে’ক দেঝর মুকপাত্তিগুনো মুজুঙে বাংলাদেঝত আদিবাসী নেই হোই পারে। এমনকি প্রধান মন্ত্রীয়ো সাংবাদিক সম্মেলনত আদিবাসী নেই ভিলি ফগদাঙ গরি পারে। সে সরকারে জে ঘেচ্ছেক গরিয়ো চিগোন জাত্তুনোর মাজারা লুগেই দিবার আরকানি নেজেবদে সিয়েন এক্করে বান্ধা হধা।

জে আওয়ামী লীগ সরকারে জেএসএস-র লগে চুক্তি গরিলো, জে দল্লোরে জুম্মোগুনে আগেত্তুন ধরি হিঝু অহ্লেয়ো সদর ভাবন, সে আওয়ামী লীগর সরকারে এক কলমর গুদোয় বে’ক চাঙমাগুনোরে বাঙাল বানেই দিলো। তে এসান গরিবধে পারাপাঙ জেএসএস-র মুলুক্কুনে সবনেয়ো ভাবি নবারন। সিত্তুনদ’ বিএনপি ভালা এল, তে ধ সংবিধানর ‘বাংলাদেচর ভেক্কুনে বাংলাদেশী ইজেবে চিনপচ্য পেভাক’-এ লেঘাগান পুঝি ফেলেই নদে।

ইধোত উধে ১৯৭২ সনর হধা। সেক্কেয়ো ঠিক এবাবদর গরি শেখ মুজিবুরোর মলাদারির সরকারে সংবিধানত লেক্যে, ‘বাংলাদেঝর ভেক্কুনে বাঙালী ভিলিনেই চিনপচ্য ওহ্বাক।’ সেক্কেনে এমপি মানবেন্দ্র নারায়ন লারমা সংসদত থিয়েনেইে হোয়ে, “একজন বাঙাল জেমন হন দিন চাঙমা ওহ্ই ন পারে, সেধক্যে এক জন চাঙমায়ো হন দিন বাঙাল ওহ্ই ন পারে। আমি বাংলাদেঝর মানুচ ইজেবে বাংলাদেশী, বাঙাল নয়।” হধা মানামানি ন ওনেই তে সংসদত্তুন নিহ্গিলি এচ্ছেগোই।

মাত্তর এবারত এগই জাগাত এগই হধা আরকবার জেক্কে গাগদামি বাংলাদেচ সরকারে লেঘের, সেক্কে উল্লো গরিয়ে হন জন নেই। হিলচাদিগাঙর তিন জন এমপি-দীপঙ্কর তালুকদার, যতীন্দ্র লাল ত্রিপুরা আ বীরবাহাদুর সেক্কে চেয়ারর লুভে বুপ সাজি রয়োন। ইউপিডিএফ আ জেএসএস – তারা তারা মারামারি গত্তে বরবেচ হিজেক সারি ন তাঙরন।

বানা রাজা দেবাশীষ রায় এবার রাজারলাক হাম গোচ্ছে। বাংলাদেচ আদিবাসী ফোরাম. জেএসএস, সিধুগোর বামপন্থী, মানবাধিকার হাম্মো আ অঝার মনর জধাগুনোর মুকপাত্তিগুনোরে সমার লোনেই ৩০ জুন সংবিধান সোরগরানার আগর দিন সঙ বাংলাদেচ সরকাররে তে মানেবার চেষ্ঠা গরি জেয়ে। মাত্তর সিয়েনি আমল দিবের বেদা বাংলাদেচ সরকারে নয়। বাংলাদেঝর সান ন ইল্যে সরকাররে জে হোজলি গরানা বেনামা বেনামা সিয়েন আরকবার প্রমান পা’ গেল’।

মাদি, জুলাই, ২০১১, ন’ বঝর, নাদা-৬৪