দৈংনাক্যা চাঙমা

এ লেঘাগান ফাঙ গরা জোক হয়েককো র’লোই। র’ঘুন ওহলাককে বিসু, পাইনুন, তারু হল আ হাললান।পরিয়ে সগললককুনোর র’ঘুন পারাপাঙ চিনোঙ চিনোঙ না না লাগের। ইয়েনি বাসিং চাকমা, মংসানু চাকমা, ম্যামা প্রত চাকমা, মেয়ং চাকমা, ঝামং চাকমাদাঘির মুওর হধা। তারার ঘর হিল চাদিগাঙর দঘিনেধি কক্সবাজার জেলার থেকনাপ বামত। তারা ভেককুন দৈংনাক্যা চাঙমা। তারাললোই আমি ফারক ওহয়েই এচচেততুন ৬/৭ সত বঝর আগে। সেনততেই আমাললোই তারার মুওর হধাগানি এততোমান ফারক। বানাহ মুওর হধাদি নয়, তারাললোই আমি উরোন-পিনোনদি আ রিদি-সুধোমদিয়ো ফারক ওহই জেয়েয়োই ভজমান। ভালক বঝর আগে বিজগর বিজোল তেগত আহরা-আহরি ওহইয়ে সে দৈংনাক্যা চাঙমাগুনো পইদ্যেনে আমি এচচে হয়েককান হধা তুলোপারা গরিভোঙ।

আনক্যা, তনচোঙ্যে আ দৈংনাক্যা চাঙমাঃ চাঙমাগুনোর আঝল তিননো ধেলা- ক) আনক্যা চাঙমা, খ) তনচোঙ্যে চাঙমা আ গ) দৈংনাক্যা চাঙমা। আনক্যা চাঙমাঘুন বাংলাদেঝর হিল চাদিগাঙ, ভারদর তিবুরা, মিজোরাম, অরুনাচল প্রদেচ আ আসাম রেচজোত বেচভাগে আঘন। তনচোঙ্যে চাঙমাঘুনোর বেচভাগর ঘরপাদা হিল চাদিগাঙর রাঙামাত্যা আ বানদরবান জেলা। সেবাদে ভারদর মিজোরাম আ তিবুরাদো আঘন। দৈংনাক্যা চাঙমাঘুনোর থান বার্মা বা মিয়ানমারর আরাকানর উততোর বামর রাসিদং, ভুসিদং, ক্যকত আ বাংলাদেঝর থেকনাফ বামত। জনেধি চেলেহ বেঘততুন নাদা উজুলো ওহলাককে আনক্যা চাঙমাঘুন, সে পরেধি দৈংনাক্যা চাঙমাঘুন আ বেঘততুন হম তনচোঙ্যে চাঙমাঘুন। হধা-হাবর-চুবোর-সুধোম রিনি চেলেহ ভারদর আরজো সুধোমর বেঘততুন হায়হুই আনক্যা চাঙমাঘুন, সে পরেধি তনচোঙ্যে চাঙমাঘুন আ আরজো সুধোমলোই বেঘততুন ফারক দৈংনাক্যা চাঙমাঘুন। তারা উগুরে বার্মা-আরাকানর প্রভাপ বেচ। সিয়েন অবস্য ওহবারো হধা। এ বার্মা-আরাকানর প্রভাপ তনচোঙ্যেগুনো উগুরেয়ো হম নয়। তবে জে জিধু জে নাঙে থাদোক চাঙমাঘুন আমি ভেককুন বুতধ ধর্মী।

পুনজিবাদি সমাচ আ চাঙমা জাদর পত তোগানি

জে হন দেঝর, জে হন জাদর ভালেত ওহবার হয়েক্কো থায়থিক সলা আঘন। পুরোনি সাম্যবাদি সমাজত্তুন সামন্ততান্ত্রিক সমাচ, সিত্তুন পুনজিবাদি সমাচ, সিত্তুন সমাচতান্ত্রিক সমাচ বানানির মধ্যেদি ইক্কো জাত লারে লারে গরি আক্কোয় জায়। আমি হন জাত্তো হন সমাজত আঘে সিয়েন চিনিহ পারিই দেঝর বেচভাক সয়সম্পত্তিগানি হা আহদত আঘে সিয়ান চেনেই। এক্খান দেঝর সম্পত্তি হধে ইয়োত বুঝার জাগা-জমিন, হনি, হল-হারখানা- এক হধায় জে জে জিনিচ্চানিলোয় মানুচ হামেই গরি পারন সিয়ানিই সম্পত্তি।

উগুরে সমাজর জে চেরভুও হাবর হধা হুও ওহয়ে সিয়েনির ভিদিরে পুরোনি সাম্যবাদি আ সমাচতান্ত্রিক সমাজত দেঝর বেচভাক সম্পত্তিগানি থায় দঝর আহদত আ সামন্ততান্ত্রিক আ পুনজিবাদি সমাজত দেঝর বেচভাক সম্পত্তিগানি থায় বানা হয়েকজনর আহদত। হিনতু তুও পুরোনি সাম্যবাদি আ সমাচতান্ত্রিক সমাচ আ সামন্ততান্ত্রিক আ পুনজিবাদি সমাজর ভিদিরে বেচহম আঘে। সামন্ততান্ত্রিক সমাজত বেচভাক হে্ত্রে হিয়ের বলানোই আঝল বল, আঝল খমতা থায় এক জনর আহদত আ তার লকধরিয়ে হয়েকজনর আহদত। পুনজিবাদি সমাজত পুনজির বলই আঝল বল আর

গনতন্ত্র আ চাঙমা রাচনিতি

 

গনতন্ত্ররে আব্রাহাম লিঙ্কনে হোয়েধে, “Government of the people, by the people and for the people” তার অর্থ, গনতন্ত্র অহলদে, দঝত্তেই, দঝর আহ দঝরে শাসন গরিভার ব্যাবস্থা। আমা ভারদত জে শাসন ব্যাবস্থাগান চলের সিয়ানরে হুও অহয়, প্রতিনিধিত্বমূলক গনতান্ত্রিক শাসনব্যাবস্থা। মানে, আমি, আমাত্তুন বে’ই বে’ই হয়েকজন গম মানুঝোরে রেজ্জোর রাজধানীত বা দেঝর রাজধানী দিল্লীত পাধেই দিই আমারে চেভাত্যেই, আমারে শাসন গরিবেত্যেই।

গনতন্ত্র জনিয়ো দঝর শাসন ব্যাবস্থা, হালিক, এক্খান দেঝর গদা মানুচ্ছুন হনদিন উজুগরি শাসন গরিভার হাম আহদত লোই নপারন এক্খান দেঝর ভিদিরে মানুচ অমহত্য বেচ ওহবার হারনে। হারন, ভাবি চ, আমি বেক তিবুরার মানুচ্ছুনে জনি রাজধানী আগরতলা জেনেই হোয়োই, আমা তিবুরাঘান এঝান গরি চলোক, অমুক হামান উনান্যে গরি গরা পরিবো – সালেন হেধক্যে এক্খান জনজাগুলুক ভেদা দিবো। সেনত্যেই আমামধ্যে জিঘুন চোক ফুত্যে-মু ফুত্যে, মন-দিল গম, তারারে বেইনেই, ভুত দিনেই, আমি পাধেই আগত্তলা বা দিল্লীত, সরকার বানেনেই, আমা হধা ধগে আমারে শাসন গরিবেত্যই। ইয়েনরে হয়ধে প্রতিনিধিত্বমূলক গনতন্ত্র।

পজিটিভ রাচনীতি, নেগেটিভ রাচনীতি

আমন’ ধক্যে চাঙমা চাঙমা গোরি থেয়্যে (অনেগর মতে হুয়ো বেঙ) মুনিচ্যরে আবাধা গরি রাচনীতি বাবদর মেলাক জিনিঝোর পইদ্যেনে হলম ধরিলে অনেগে আমক ওহ্বাক হামাক্কায়। অহ্লেয়ো ইরুক হয়েক্কো পতপত্যে চাঙমা পুও-ছাবায় রাচনীতিত লাম্যন হিনেত্তেই তারার উধিঝে এ লেঘাগান। তবে ইয়োত তুলোপারা গোচ্যে জিনিচ্চানি বে’ক জাগার পইদ্যেনে থে’ হেলেয়ো আঝলে সিয়েনি চা’ ওহ্য়ে মুলত তিবুরার রাচনীতির নজরে। সেনত্তেই, জে পরভুও লক্কুন তিবুরা হুল্লে নয় তারা হয়ত বেক ব্যাপারানি বুঝোদে এক্কা লেবর-ঝেবর ওহ্ই পারে সেনত্তেই মুই তারাত্তুন আকমুলিম হেমা চাঙর।

পজিটিভ রাচনীতি হি আ নেগেটিভ রাচনীতিই বা হি ? ভিশন ছাড়া পজিটিভ রাচনীতি ওহ্ই ন’ পারে। পজিটিভ রাচনীতি গরিয়েই পতপত্যে গরি দেঘে তার দায়িত্য পরিলে তে আদামানি হেধক্যে গরি সাজেব’। পত্তানি হেধক্যে গরি বানেব’। হন ছড়ান’ উগুরে হেধক্যে গরি রেগা দিবো। হন হন জাগাত ইস্কুল-কলেচ বানেব’। সে ইস্কুলানি হিঙিরি চলিবো। হন হন জাগাত হাসপাতাল বানেব’। সে হাসপাতালানির পতপত্যে ছাবা তা চোঘোত ভাজি বেড়ায়। তে হবর পায় তে হেধক্যে আদাম চায়, হেধক্যে রেজ্য চায়, হেধক্যে দেচ চায়।

Changmhaghun Actionist na Reactionist?

 

Nanan leghat ami onsur deghiy `omuk reactionist’ `somukdaghi reactionist’. Ajhole `reactionist’ hi ? Reactionistore bangladhi honne`protikriyashil’. Tar mane ohlode `je protikriya ba reaction gore’. Sadharon cholti meaning ohlode je hono political ba social change goribhar actionot reaction gore aa se changot gor diber chestha gore.

Tobe ami iyot reactionist-or exact meaningot no jebong. Ami iyot uju uju bujibonge, je hono hamot reaction deghai te reactionist. Se nojore judi chei sale debhong ami Changmaghun bhekkun reactionist. Hono jonor hono action sara amar nijo action no oi. Ami je historically jat ijhebe reactionist tar proman aghe. 18th centuryt Ingrecchunor bech tulo-hhajana maganar reaction ijhebe ami taralloi juddho gochyei, 1947-t dech belogor somoyot CHTgan Pakistanot phelei dile reaction gochye S. K. Chakma, 1960s-t Pakistan sorkaror Borgangot godha aa tar fole ek lhagor hure hure manuch dubonar reaction gochye M. N. Larma aa siyen poredhi dangor ohnei dech-hulor ikkunur self determinationor andolonot solong bodolye. Aa ikkuyo Arunachal, Tibura aa Mizoramot Changmagunor je ham/movement-ani degha jar siyeniyo nimon gori rini chele bhekkani reactionary characteror.

রুধুক মরা জাদর লেমপচ্যা রাজনীতি

 

১৯৪৭ সনর ১৫ আগস্ট ভারদ স্বাধীন অহ্য়। তার ঠিক দি বঝর দি মাঝ পরে তিবুরা রেজ্যঘান ভারদর লঘে মিঝি যায় ১৯৪৯ সনর ১৫ ই অক্টোবরত। সারা ভারদর লঘে ১৯৫২ সনত তিবুরাদো ভোট অহ্য়। লোকসভা আ ইলেকটোরাল কলেজর ভোট। সেক্কেনর চাঙমাঘুনোর রাজনৈতিক ভাবে হন চেতনা এল ভিলি মনে ন অহ্য়। যদিও সেক্কেনে মাছমারার লেদ্রাই দেওয়ান তিবুরার রাজা বীর বিক্রম কিশোর মানিক্যর সভাত ‘সর্দ্দার’ উপাধি লোনেই তিবুরা রাজসভাত বজিভের জু পেয়ে আ কাঞ্চনপুরর ফরা কিংকর চাকমার দশরথ দেবর গণমুক্তি পরিষদর লঘে যোগাযোগ এল ভিলি শুনো যেয়্যে। সেবাদে ত্রিশর দশকর ত্রিপুরা রাজ্য গণ পরিষদ বা ত্রিপুরা রাজ্য জনমঙ্গল সমিতি, চলি­শর দশকর জনশিক্ষা সমিতি, গণমুক্তি পরিষদ বা কংগ্রেস-কমিউনিস্ট-ফরোয়ার্ড ব্লক হন দলদোই চাঙমাঘুন গমেদালে ঘুনজি-মুনজি এলাক ভিলি খবর পা ন যায়। যদিও উপজাতির মধ্যে তারা লোক সংখ্যাদি এলাক দ্বিতীয় আ শিক্ষাদীক্ষাধিয়ো এলাক ত্রিপুরী স¤প্রাদায়র ঠিক পরে। তিবুরার চাঙমাঘুনোর এ রাজনীতি অনীহার হয়েকখান কারন আঘে। সিয়েনি অহ্লদে-

১৮ আঘস্টত আমি হি পেলহ্ঙ?

১৮আঘস্ট ২০১১। আগরতলা রাচপধত ৪০০-র উগুরে চাঙমার ৭ জানুয়ারি ২০১১-ত লোয়ে চাঙমা ভাচ ভালেদি শল্লাদারি জধার চাঙমা লেঘা চালু গোরিভার সিদ্ধান্তগান বলাবত গোরিভার দাবি গোরিনেই মিছিল। এ মিছিলানে আমারে হি দিলো ? ২৯ আঘস্ট ফদাঙতাঙ ওয়ে ইয়েনে আমারে চাঙমা লেঘা দি ন পারিলো। সালে আমার হি গাত পরিলো ?

গমে তলবিচ গরিলে ১৮ আঘস্টর আরকানিগানে আমারে চাঙমা লেঘা আনি দি ন পারিলেয়ো সবায় গাত ন পরে। ভালক্কানি হারনে সেদিন্যে তিবুরার চাঙমা বিজগত ইক্কো নুও ধেলা হোর উত্তে ভিলিই আমি ধরি নেজেই পারিইঃ

১) হম হম গরি অহ্লেয়ো এবারদই পলিম তিবুরার বে’ক বামত্তুন মানুচ এনেই হনক্কান হামত জুক দুওন্নি, ফেনি, গুমেত, মনুগাঙ, দেরগাঙ এক জাগাত মিল্লোন – ইয়েন চিগোন হধা নয়। ইয়েন হিঝু ইরুক জুগোর উদো লো-লি গোরিভার পত্থানি দবদবা ওহ্বার হারনেয়ো ধুরি পারা জায়।

২) তিবুরার চাঙমা জাত ভালেদি হামত গঙ ন থেবার এক্কান মুলুক হারন আমা বুরো আ গাবুচ্যেগুনো ভিদিরে গম তালমিল ন থানা। বুরো, গাবুচ্যে আ ছাত্রগুনোরে এক জাগাত মিলেবাত্যেই এবারদই পলিম এক্কান ভেইল ধরি চেরেসথা গরা ওয়ে। অল ইন্ডিয়া চাকমা কালচারেল কনফারেন্স, ইয়ং চাকমা এনোসিয়েশন আ ত্রিপুরা চাকমা স্টুডেন্টস এসোসিয়েশন – এবারর সান জুদি মুজুঙোর দিনুনোদ’ ঘেচ্ছেকগোরি এক ঘজায় হাম গরি পারন সালে তিবুরার চাঙমাগুনোর মুজুঙোর দিনুনোর বিজক জুদোবাবদর অহ্দে বাধ্য আ

৩) এ আরকানিগানত আমার জিয়েন বেগ’ দাঙর উঝোল হোই পারিই সিয়েন অহ্লদে – এ আরহানিগানে হামাক্কায় গোরি চাঙমাগুনোর রুমে রুমে ভিদি থেয়ে ্ঔপনিনেশিক মানসিকতার পাগোচ্যে গাচ্ছোত দরমর’ হুপ বোঝেই পাচ্ছে। আগেধি মনে গরা অহ্দ’ আমি ব্যানারানিত হি লেগিলোঙ তারা ন বুঝিলে আমার হন’ লাপ নেই, আমি শ্লোগানেদি হি মাঘির সিয়েনি তারা ন বুঝিলে হনা ন হনা সঙ – এই জে চাঙমাগুনোর ‘তারা’ কেন্দ্রিক মানসিকতা – ইয়েন চাঙমাগুনোর জুক জুক ধুরি পরর অধীনত্তল থেবার ফল, জিয়েনরে হুও অহ্য় ঔপনিনেশিক মানসিকতা। আগরতলা টাউনর শন শত বেজাদির সেরেদি চাঙমা লেঘাদি বর বর গোরি লেখ্যে ব্যানার ধুরিনেই বুক ফুলেই উজেই জানা, হাজা চাঙমা হধাদি জোগার পারি পারি শ্লোগান দেনা – ইয়েনিয়ে তিবুরার চাঙমা বিজগর তেক ঘুরেই দিবো সিয়েন দায়হাম মারি হুও জায়।

মাদি, সেপ্তেম্বর, ২০১১, ন’ বঝর, নাদা-৬৬

হেত্তেই বিঝুমেলাঘান সোর গরিভার দরকার

আমি, তিবুরার চাঙমাগুনে গেল্লে ৩০ বঝর ধরি বিঝুমেলা গরির। ৩০ বঝর সময় হেচ্চার হধা নয়। মাত্তর ৩০ বঝরে তিবুরা বিঝুমেলাঘান সানে আ সিক্যেই জেত্তোমান দোল আ পতপত্যে ওহ্ই উধিবার হধা এল’ সেত্তোমান জে ন অহ্য় সিয়েন ভেক্কুনে খাম খেই পেভাক। জে জে উনোগানি আমার তিবুরা রেজ্য হাবর বিঝুমেলাত চোঘত পরে সিয়েনি তোলেই চা’ জোক –

১) নাঙে রেজ্য হাবর বিঝুমেলা অহ্লেয়ো আমি হন’ বঝর হন’ বিঝুমেলারে ঘেচ্ছেক গরি তিবুরার গদা চাঙমাগুনো সিধু লুঙেই দি ন পারিয়োই। জেমন, আগেরে গুমেত বামর তুইচাঙমাত জুদি বিঝুমেলা পরে সালে দেরগাঙর বাঘেইসুরি আদামর হন’ চাঙমার তিবুরাত বিঝুমেলা অহ্র গরি হিয়েত হন’ ব’ ন লাগে।

২) চাঙমা সুধোমর বে’ক ধেলাগুন তিবুরা বিঝুমেলায় লেহ্বেই ন পারে। জেমন, হন’ বিঝুমেলাত আমি ঝরা গীত, উভো গীত, ওলি গীত, ধুদুক বা’না, হেঙগরঙ বা’না বা পত্তি খারার জিদেজিত্যে ওয়ে গরি ন শুনিই। জার ফলে, তিবুরার বিঝুমেলাগানে চাঙমা সুধোমরে আরকানি মজিম বা’ক ধরি উজেই ন নেজেনেই, হনক্কান বিঝুমেলা বানা তার আরকানি গরিয়ে হয়েক জনর গমপানা-নপানা মজিম চাঙমা সুধোমরে ফগদাঙ গরি এঝের।

৩) জেহেতু রেজ্য হাবার বিঝুমেলা, সেনত্যেই সুওত রেজ্যর বেঘত্তুন দোল নব্ভাচ গোচ্ছে জিনিচ্চানি লুহ্ঙিবাল্লোই হধা এল। মাত্তর তিবুরা রেজ্য হাবর বিঝুমেলা হন’ হন’ বিঝুত এমনো দেঘা জেয়ে তার ধক, হন’ থুমোথুমি আদামর কামসিরিত্তুনো অদ্দরম।

৪) তিবুরা বিঝুমেলার কামসিরিগানির অজন আ অক্ত, আরকানি নানুগুনেই আন্দাচ গরি ন পারন, সেক্কে চেয়েগুনে। সেনত্যেই হা নাচ হক্কে, হা গীত হক্কে, রেত হয়ভো সঙ প্রোগ্রাম চলিবো – বে’ক থায় ঈজেবর বারে। জার ফলে অক্তে অক্তে প্রোগ্রামে রেদে ন হুলোই আ ধগে ন অলে সময় কাদেবাত্যেই অনেগরে বলে বলে থেলি থেলি স্টেজত তুলি দ্যে পরেগোই। ইয়েনি বে’ক আমার দি চোঘে দেঘা।

এ বেক পগরাগানি তুনিবেত্যেই রেজ্য হাবর বিঝুমেলা জে মুক্খ্যে হুচ বারেবাত্যেই জার পারাপাঙ হামত লাগিবো। তবে তা পিঝেদি জে খরচ আ জুক্কোলানি লাগিবো সিয়েনি হোত্তোমান জুগুলেই পারা জেব’ সিয়েনোই বেঘত্তুন দাঙর হধা। এবারত বাচ্ছেই আঘিই বিঝুমেলার আরকানি আ রিবেঙ জধার নানুগুনোর তোকতোক্যে আ কাবিলেনি চাঘি চেবাত্তেই।

মাদি, জুন, ২০১১, ন’ বঝর, নাদা-৬৩

চাঙমাগুনোর পালেবার দিন

পত্তি জাদর নাঙহিনি পারে পারা হয়েকজন মানুচ থান, যিগুনে তারার নিজর গুনে বানা নিজর ঘোরবোর/হুদুম্মোর/আদাম্যার ন থান। কাবিল হাম আ অঝার বুঘোর গুনে তারা ওহ্ই উধোন জাদর পত্তি মানুঝোর সদর হুদুম। সিগুনোর হধা জাদর পত্তি জনে জনে বার বার ঈদোত তুলোন। আর এধেক্কেয়ো হয়েকখান ঘটনা থায়, সুঘোর বা দুঘোর, যিয়েনি তারা পুরি ফেলেই ন’ পারন। বঝর ঘুরি সে দিন্নো এলেই বেঘর মনত আভর খায় সে দিন্নোর কধা। সে মানুচ্চুনোরে, সে ঘটনাগানিরে ঈদোত তুলোনাই অহ্লদে দিন পালানা।

এ দিন পালানার মধ্যেদি ইক্কো জাদে তার নিজস্বতা তোগেই পায়। জাদর হজমাগুনে, যিগুনে একদিন জাদর পাত্তলী ওহ্বাক তারা জাদর আগরির লাড়েইয়র বিজকর লঘে চিনপচ্য অহ্ন। ইক্কো জধার কর্মী গঠন গরদে অনসুর কামসিরি বাদেয়ো এবাবদর দিনুন পালানা অমহদ’ দরকার। গেল্লে ১৩ সেপ্টেম্বর ২০১০ পেজাত্তলত যে গদা তিবুরা চাঙমা ছাত্রগুনোর তেম্মাঙ ওয়ে সুওত তারা চাঙমা গুনোর হয়েক্কো দিন পালেবাক ভিলি এগেম গচ্ছোন। সে দিনুন লোনেই এচ্চের তেকহাবা তেম্মাঙান।

১. চাঙমা লেঘা দিন (৫ জানুয়ারী) : ২০০৯ সনর এ দিন্নোত ফাঙ ওয়ে তিবুরা চাঙমা ছাত্র জধা আ উদন্ধি সদকর আরকানিত আ মিজোরামর সিএডিসি আ তিবুরার ট্রাইবেল রিচার্স ইন্সটিটিউট-র বলাবল্যাত তিনমাস্যা চাঙমা লেঘার সার্টিফিকেট কোর্স। এ দিন্নোত্তুন ধরি তিবুরাত চাঙমা লেঘা লারচার গঙার ওয়ে, জয়ন চাঙমার আহ্ত ধরি তিবুরাত সোম্মেগি চাঙমা লেঘা সফট্ ওয়্যার। এ দিন্নোয় তিবুরা আ মিজোরামর চাঙমাগুনোর মধ্যে ইক্কো সোনারেগা বানেই দিয়ে।

২. আন্তর্জাতিক মা-ভাচ দিন (২১ ফেব্রুয়ারী) : এ দিন্নো ইউনেসকোর গঝি লোয়ে দিন।

কেত্তেই আমার চাঙমা লেঘা দরকার

এক কালর ধনে-জনে-জ্ঞানে পতপত্যা শাক্য জাদর মানুজ আমি চাঙমাঘুন বিজগর নানা ঘুলন্যাত পাক খেনেই ইক্কুনু ছত্রভঙ্গ। ভারত-বাংলাদেজ-বার্মা আ নানান দেজত ছিদেছিত্যে ওহ্নেই জাত-বেজাতর চাবত পরিনেই আহ্রেই ফেলের আমার বেক দোল হাচ্যেক্কানি। বেক হিঝু আহ্রেনেয়ো আমা আহ্দত রোয়ে বানা আমা ধর্মঘান আ আমা ওক্কোরুন। এ দিয়েন আমার আরাঙ সম্পত্তি বুঘত ধরি রক্ষে গরি ন পারিলে চাঙমা জাত একদিন আন্দামানর ‘বো’ জাত্তো সান গরি পিত্থিমিত্তুন লুগেই যেবগোই।

একমাত্র চাঙমা ওক্কোরুনেই পিত্থিমির বুঘোত ইক্কো জুদো জাত ভিলি আমারে চিন দি পারন। কারন দেঘা যায় যে, লোকসংখ্যাদি অরুনাচলত এক নম্বর, মিজোরামত দি নম্বর আ তিবুরাত তিন নম্বর ভাষাগুত্থি অহ্না সত্তেয়ো ভারদর সেন্সাস রিপোর্টত

CREATING IDENTITY AND UNITY

To preserve our distinct identity and to safeguard unity among us will be the two main challenges in the days to come. Modern time is robbing our identity and making us self-centric monsters cutting out from own society. But it has also gifted us powerful weapons to safeguard our endangered elements which give us distinct identity as Nation and gave us access to deep reached networks for communication among ourselves. Rejuvenation of Chakma Scripts with the help of computer experts and Chakma film production with the help of low-cost handy cams are just two examples

ত্রিপুরায় মাতৃভাষায় শিক্ষার হদ্দমুদ্দঃ চাকমা ভাষা প্রেক্ষিত-ফুল সদক চাকমা

গত ১৪ই আগস্ট ২০১২ মহাসাড়ম্বরে উদ্বোধন হয়ে গেল ককবরক ও সংখ্যালঘু ভাষা উন্নয়ণ ডিরেক্টরেটের। এর এক সপ্তাহ আগে অর্থাৎ ৭ই আগস্ট ঘোষণা করা হয়েছিল চাকমা ভাষাকে চাকমা হরফে চালু করার ক্যাবিনেট সিদ্ধান্ত। স্বভাবতই ত্রিপুরাবাসী চাকমা জনগণ আবেগে আপ্লুত। যার ফলে ১৬ই আগস্টের ত্রিপুরা রাজ্য চাকমা হরফ দাবী কমিটির বিশাল বিক্ষোভ মিছিলটি বিজয় মিছিলে (প্রকারান্তরে বামফ্রন্ট সরকারকে অভিনন্দন জানানোর মিছিলে) পরিনত হয়ে গিয়েছিল। এখানে বামফ্রন্টের, বিশেষভাবে মুখ্যমন্ত্রী মানিক সরকারের কূটনীতির প্রশংসা করতেই হয়। জানা যায় ১৬ই আগস্ট মুখ্যমন্ত্রী চাকমা হরফ দাবী কমিটির প্রতিনিধিগণকে চাকমা ভাষা উন্নয়নের সকল প্রকার সাহায্য দান তথা অতি সত্বর চাকমা হরফে পাঠ দানের কাজ শুরু করার আশ্বাস দিয়েছেন। তবে চাকমা ভাষা-ভাষী জনগণ তাদের আন্দোলনের মাধ্যমে কি অর্জণ করেছেন তারা নিজেও জানেন না এবং আমার স্থির বিশ্বাস আন্দোলনকারীগণকে মূখ্যমন্ত্রী সঠিক কি দিয়েছেন তিনি সেটা নিজেও জানেন না। কেন একথা বলছি

তিবুরার বিঝুমেলা হন পধে-ফুল সদক শাক্য

আমা তিবুরার চাঙমাগুনোর বেঘত্তুন বেচ বার গরি পারে পারা সম্পত্তিগান অহ্লদে আমার রেজ্য হাবর বিঝুমেলাগান। গদা পিত্তিমির চাঙমাগুনোর একমাত্র বিঝুমেলা ইয়েন। ২০১০ সনত তিবুরা চাঙমা ছাত্র জধার গদা তিবুরার কলেঝর ছাত্রগুন্নোই হজমা গঝিলনা আরম্ভ ওহ্বার আগেধি চের বঝর পর পর অল ইন্ডিয়া চাকমা কালচারেল কনফারেন্সরে বাদ দিলে বিঝুমেলা এল’ এ রেজ্যর চাঙমা গুনোর নাচ-গিত মুচ্চেভার এগাতারা জাগা। তিবুরার চাঙমাগুনোর নুওগরি জাগিবার সলাত্তুনধরি বিসেচগরি ২০০০ সাল সঙ বিঝুমেলা এল’ আমার সাহিত্য-সংস্কৃতি আ বে’ক বাবদর নুও চিন্দে-চেতনা ফগদাঙ গরিভার বেঘত্তুন সোরসোচ্যে নাল। এ বঝর তিবুরার বিঝুমেলা ৪০ বঝরত প’ল (১৯৭৪ সনত মাচমারাত পলিম বিঝুমেলা ওয়ে)। গদা তিবুরার বেঘত্তুন বেচ পুরোনি এ মেলাগানেহ্ আমারে হি দিলো হি নহ্দিলো এক্কেনা তলেই চেভার গরচ আঘে।

সাহিত্যঃ বানা ইধু নয়, দেচহুলোধো দেঘা জেয়ে বিঝুবোরে মুজুঙে থোনেই আমা চাঙমা সাহিত্যর চিগোন সরাত হয়েক দিনোত্তেই অহ্লেয়ো ঝরঝরানি বারি জায় আবাধাগরি। লেগা থুবেবাত্যেই

মুই নয়ঃ আমি-ফুল সদক শাক্য

দুই বা তাত্তুনবেচ মানুচ সঙমনঝুগে সঙবদিলে জধা বদানাহ্ হুও অহ্য়। একঝাক ‘মুই’ সঙমনঝুগে জধাত ‘আমি’ অহ্ন আ জধার আঝল বলান এ ‘আমি’ উগুরে। জধাত হাম গরধে ‘মুই’য়ানি জেধক বেচ দুবিবগোই সেধকবেচ ‘আমি’য়ান পরাক পরাক অহ্ব’ আ জধাবোর বলান সেধকবেচ বারিবো। তলর চিগোন চিগোন হামানি গরিলেহ্ আমা জধাগুনোত ‘আমি’য়ান বলবলা অহ্বঃ

(১) বেঘরে জানেনেই হাম গরানাঃ পত্তি জধাত আঝলে হয়েকজন মুলুগেই উধিচ আ পইধ্যে থির গরন। মাত্তর তুও সিয়েনি ভেক্কুনোরে জানা পরে আ সিয়েন গরা পরে হামাক্কায় থির গরিভার আগে। হন’ চাবাঙিয়ে জেন হন’ দিন ভাবিবার জু ন’ পান

চাঙমা জাদর আঝল দিভ্যে শত্তুর -ফুল সদক শাক্য

ইক্কো মানুচ বা জাদর দি বাবদর শত্তুর থান – বারর শত্তুর আ ভিদোরর শত্তুর। ওমি জাদর লঘে হোল-হোচ্যে, নাধা জাগা, আমনত্তুন উজুলো জাদ’র থেলা-মেহ্জা – ইয়েনিরে আমি বারর শত্তুর হোই পারিই আ জাদর ভিদোরর শত্তুরুন ওহ্‌লাক্কে – জাদত গম মুকপাত্তি ন থানা, সঙ ন থানা, পাদারা অহ্‌না, ধর্ম-সুধোম ন মানানা, নিজো জাদরে পোচ ন’পানা আ নানাক্কান। এক্কা চিদে গরিলে বুঝি পারা জায় জে আমার বারর শত্তুরোনুত্তুন ভিদোরর শত্তুরুন নাদাধি ভোজোমান ভোজোমান বেচ আ ভিদোরর শত্তুরুন আগে দমেই ন পারিলে আমি হন’ দিন বারর শত্তুরুনো লঘে লারেয়োত জিদিদঙ নয়।

আমা জাদর ভিদোরর জিদুক্কো শত্তুর আঘন সিগুন নিমোন গরি তলেই চেলে আজলে সিগুন ইক্কো গাঝরই ধেলা-পালা আ শিঙোর-পাঙোর ভিলি হিয়েচ অহ্য়। সে এক্কান বেধিই আঝলে আমারে নানান জাগাত নানান ধগে পাগোচ্যেসান গরি বেরেই ধরে আ লারে লারে জাবেদেই ধরি রুধুকমরা আ লেমপোচ্যে বানায়। হি সেই মুল বেধিগান? সিয়েন অহ্‌লদে – আমার চিগোন মন। চিগোন মনর মানুঝে হন’দিন গম মুকপাত্তি ওহ্ই ন পারন, চিগোন মনর মানুচ পাদারা অহ্‌ন, তারাত্তুন ঈঙঝে-পিঝুম বেচ থায় আ তারা হন’দিন সঙ ওহ্ই ন পারন, তারা ধর্ম ন মানন, সুধোম ন মানন, তারা বানা নিজোর হধা ভাবন আ সেনত্তেই তারা জাদরেয়ো পোচ ন’পান।

এ রাচবেধিগানর দারু হি ? সে পইদ্যেনে ইয়োত তেম্মাঙ ন গরিবোঙ। হারন ইয়েনর দারু এগেক জনে এগেক্কান দেঘেই দোন আ তলবিচ গরিলে হার’ জনর হধা ফেলেবার নয়। এ বেধিগানর দারু এক দাগিয়ে সয়সাগর বই ঘাদিনেয় গুথ্যে পাগিলে পেভ’ হ’ন, আরেকদ্গিয়ে গম  গম ইস্কুলোত পেভ’ হ’ন আ একদাগিয়ে হ’ন সিয়েন ভিলে আঘে একমাত্র হিয়োঙর ভান্তেগুনো সিধু। সেনত্তেই দারু তোগানা ত’ গরি থোনেই আমা হামত হ’ন দিয়েন পধেদি সিয়েনে নিজোরে ফগদাঙ গরের আ হিঙিরি সিয়েন আমা ভালেদি হামত পাদারি গাচ ওহ্ই থার সিয়েন ইয়োত আমি বিজিরেই চেভঙ।

(১) লারে লারে অহবঃ এ চিগোন হধাগান ইক্কুনু আমা জাদর ইক্কো বিরেত শত্তুর ইজেবে দেঘা দ্যে। আমি হন’ আগাত্যে হামত আহ্ত বাজেলেই আমা চাঙমা রিবেঙত সমি থেয়ে চিগোন পাদারা মনানে হোই উধে – ‘লারে লারে অহ্ব’। এ লারে লারেগানে আমা হামান আর হন’দিন গরি নদে। আমি একবারো ভাবি ন চেই, এচ্ছে জনি মুই সিয়েন আরম্ভ ন’গরঙ সালে সিয়েন হেল্লে হিঙিরি অহ্ব’ ? সিয়েন হেল্লে শুরু গল্লেদ’ পরশু তে অহ্বদে। পরশু শুরু গরিলে অহ্‌দে অহ্‌দে তরশু। এঝান গরিনেই আমার দিন গঙি জায়, উজু হামান সময়র এজাল পেনেই আগাত্যে ওহ্ই উধে আ সিয়েন আমি হন’দিন উভেই ন পারিই।

আমা বৌদ্ধ নাটকত আমি দেঘিই – শুম্ভ-নিশুম্ভর যুদ্ধ। হন’ হাম গরিবার আগেধি আমা মনত শুম্ভ-নিশুম্ভর লারেই বাঝে। সে লারেয়োত শুম্ভ জিদিলে আমি গম হাম গরিই আ ভান্যে হামানি ন গরিই। মাত্তর নিশুম্ভ জিদিলে আমি গম হামানিত পিচবাগলি হেহ্ই আ ভান্যে হামানি আরম্ভ গরিই। শুম্ভর আহ্ত্যের অঝার ন দরেয়ে মন আ নিশুম্ভর আহ্ত্যের চিগোন পাদারা মন। আমা মনানি অঝার ন অহ্‌নার হারনে আমা মনর ভিদোরর এ লারেয়োত অনসুর নিশুম্ভই জিদে আ মুওত্তুন নিহ্গিলি এঝে – ‘লারে লারে অহ্ব’।

(২) তারা হি ভাবিবাকঃ এ হধাগানে চাঙমা জাত্তোরে জুগে জুগে লেঙ আ বুপ বানেই থোয়ে। ইয়েনে চাঙমা জাত্তোরে খাদাল’ ভিদিরে পত্তিঙগুলোসান গরি বেরেই থোয়ে। আমা সভাত ইক্কো বেজাত থেলেই আমা পিত্তসদ’ মনানে হোই উধে – ‘আমি চাঙমাধি হধা হলে তারা হি ভাবিবাক ?’ আমি আমা জাগা নাঙানি আমা ধগে হোভার চেলেই আমা চিগোন মনানে হোই উধে – ‘তারা ন বুঝিভাক।’ আমি তরা তাঙরি ‘থেগা দুওর’ ন হোনেই ‘ঠেগামুখ’ হোই, ‘হমলানগর’ ন হোনেই ‘চোঙতে’ হোই আ ‘বাঘেইসুরি’ ন হোনেই ‘বাঘাইছড়ি’ হোই। পত্তিবার আমি আমা হধাগান পরর ধগে বদলেই আমা জাদর হিয়েত্তুন ইক্কো চিগোন লো ফুদো ঝরে। ইঙিরি চিগোন চিগোন আহ্জার আহ্জার লো ফুদো ঝরদে ঝরদে আমা জাত্তোর ইক্কু ব্লাড ক্যান্সার ওয়ে। আমার হন’ দাবি হিজেক সারি মাগিবের চেলেই আমা পাদারা পরানানে হোই উধে – ‘আমি ইক্কুনু এ দাবিঘান গোল্লেই তারা আমারে …………।’ আমি আমা মনানরে উত পেঘে শত্তুরো লঘে দুমুরে বুরেই ন এলে ধুল্যেভুয়োত মুর গুজোন পারা গরি বুচ নেজেই – ‘আমি বরঙ তারা লগে থেনেই লারে লারে গরি আমা দাবিগানি পুরেই পেভঙ।’ জিয়েনর মানে আমি দচ, হুরি, তিরিচ, চল্লিচ বঝরে তে গমে বুঝি পারিই – আঝলে সিয়েনর মানে এলধে ‘আমি বরঙ তারা লগে থেনেই লারে গরি তারা লঘে মিঝি জেয়োই।’

‘তারা হি ভাবিবাক হধাগান’ আর’ বেচ দরগরে পারা ওহ্ই উধে এই হারনে জে ইয়েন আমা সিধু বেচ ভাক সময় অঝার মনর ভেচ ধরিনেই ভেদা দেঘি। আমি শাক্য জাত – বৌদ্ধ জাত। তারা সান চিগোন হজরা মনর মানুচ আমি নয়। আমা পাদারাঘান ধাগিবেত্যেই এ অঝার মনর ভেচ ধচ্যে চিগোন মনর নিশুম্ভরে আমি আহ্ওজে পাত্তুরুতুরু জানেই। আমি পুরি ফেলেয়োই নিজোরে পোচপানা মানে পররে দেই ন পারানা নয়। নিজোর আরাঙ ধক্কান ধরি রাগানা চিগোন মনর নয় অঝার মনর চিন।

আমাহ্ মুজুঙোর পত্থানঃ মুজুঙোর দিনুনোত আমি জনি ঘেচ্ছেকগরি চিগোন অহ্‌লেয়ো হন’ জাত ভালেদি হাম গরিদোঙ চে’ই সালে আমার ‘লারে লারে অহ্ব’ আ ‘তারা হি ভাবিবাক’ – এ দিয়েন হধা পুরোপুরি পুরিহ্ ফেলা পরিবগোই। আমি জিয়েন গরিভার চে’ই সিয়েন ইক্কুই আরম্ভ গরা পরিবো। আ আরম্ভ গরিনেই থিয়েই থেলে ন’ অহ্ব’। হুচ্চুন জিত্তুমো চিগোন ওহ্দোক – মুজুঙে আ অনসুর ফেলেই ফেলেই গেলে আমি হামাক্কায় এক দিন না একদিন আমা সাল্যেঙত লুঙিবঙ্গোই। হাম জেত্তোমান ইত্তুক ওহ্ক, অনসুর গরি পারানা অহলদে আঝলান। তবে ইয়েনো থিক, পুও হুরি মত্তন পানি হেই ন পায়। মাত্তর পুও হুরোনায়ো শুরু ন গরিলে পানি হানাদ’ দুরোত, পানিত আঙুলুনো ভিজেই ন’পায়।

আমার ঈদোত রাঘা পরিবো – সাহচ মানে ন দরানা নয়। দরেই দরেই অহলেয়ো গরানাগানরে সাহচ হুও অহ্য়। দরকার জেক্কে দররে দিয়েই জায়, সেক্কে মুজুঙেধি আহ্দি পারানাঘান হঅ্লদে আঝল অঝার মনর চিন।

E-mail: chakmamaadi11@gmail.com

Blog: https://chakmamaadi.wordpress.com/

পিডিএফ ভার্সন Changma Jador Ajhol Dwibe Sattur

ব্রেইন ড্রেইন-ফুল সদক শাক্য

ব্রেইন ড্রেইন ইক্কুনু চাঙমা জাদর এক্কান বিরেত অসম্বিচ্য। ইক্কো জাত নলে এক্কান জাগাত্তুন গম গম মাধাবলা মানুচ্চুন নিহ্গিলি জানাগানরে ব্রেইন ড্রেইন হুও অহ্য়। ব্রেইন ড্রেইন ইক্কো জাদরে অলর গোরি লারে লারে গোরি মাত্তর হামাক্কায় মারেই ফেলায়। ইয়েনরে নিজো জাদরে নিজে মারেই ফেলানায়ো হোই পারা জায়।

চাঙমা জাদর ব্রেইন ড্রেইন হেত্তেই অহ্য়ঃ আমা জাদর ব্রেইন ড্রেইনত্তেই তলর দিয়েন হারনরে আমি বেঘত্তুনবেচ দায়ি ভিলি থারেই পারিই –

(১) আমা জাগানিত জু হম থানাঃ আমা আদামানিত চাগুরি আ জুদো বাবদর জু রাত অহ্নার হারনে আমা মাধাবলা মানুচ্চুন