পজিটিভ রাচনীতি, নেগেটিভ রাচনীতি

আমন’ ধক্যে চাঙমা চাঙমা গোরি থেয়্যে (অনেগর মতে হুয়ো বেঙ) মুনিচ্যরে আবাধা গরি রাচনীতি বাবদর মেলাক জিনিঝোর পইদ্যেনে হলম ধরিলে অনেগে আমক ওহ্বাক হামাক্কায়। অহ্লেয়ো ইরুক হয়েক্কো পতপত্যে চাঙমা পুও-ছাবায় রাচনীতিত লাম্যন হিনেত্তেই তারার উধিঝে এ লেঘাগান। তবে ইয়োত তুলোপারা গোচ্যে জিনিচ্চানি বে’ক জাগার পইদ্যেনে থে’ হেলেয়ো আঝলে সিয়েনি চা’ ওহ্য়ে মুলত তিবুরার রাচনীতির নজরে। সেনত্তেই, জে পরভুও লক্কুন তিবুরা হুল্লে নয় তারা হয়ত বেক ব্যাপারানি বুঝোদে এক্কা লেবর-ঝেবর ওহ্ই পারে সেনত্তেই মুই তারাত্তুন আকমুলিম হেমা চাঙর।

পজিটিভ রাচনীতি হি আ নেগেটিভ রাচনীতিই বা হি ? ভিশন ছাড়া পজিটিভ রাচনীতি ওহ্ই ন’ পারে। পজিটিভ রাচনীতি গরিয়েই পতপত্যে গরি দেঘে তার দায়িত্য পরিলে তে আদামানি হেধক্যে গরি সাজেব’। পত্তানি হেধক্যে গরি বানেব’। হন ছড়ান’ উগুরে হেধক্যে গরি রেগা দিবো। হন হন জাগাত ইস্কুল-কলেচ বানেব’। সে ইস্কুলানি হিঙিরি চলিবো। হন হন জাগাত হাসপাতাল বানেব’। সে হাসপাতালানির পতপত্যে ছাবা তা চোঘোত ভাজি বেড়ায়। তে হবর পায় তে হেধক্যে আদাম চায়, হেধক্যে রেজ্য চায়, হেধক্যে দেচ চায়।

নেগেটিভ রাচনীতি গরিয়ের হন’ ভিশন ন’ থায়। থেলেয়ো সিয়েনি বানা তার ভাষণত নলে ইলেকশন মেনিফেস্টোত। সিয়েনি তে সবন ন’ দেঘে। সিয়েনির সবনে তে পাগলো নয়। সেনত্যেই জিদিবার পরে সিয়েনি তে পুরিয়ো ফেলায়োই ঝাদিমাদি।

নেগেটিভ রাচনীতি গরিয়ের দিয়েন আহ্ত্যের-লুভ দেঘানা আ দর দেঘানা। তরে চাগুরি দিম, তরে বেতন বারেই দিম, এক তেঙা দরে চোল দিম, রেগা হাম দিম, ভাতা দিম। ইয়েন দিম, উভোন দিম গরি লুভ দেঘানা। আ দর দেঘানা, জেমন তরে বদলি গরি দিম, ত’ পুওভো চাগুরি ন’ পেভ’, তর রেগা কার্ড হাবা জেব’, বিপিএল কার্ড হাবা জেব’। তুই ঘর ন’ পেভে। গাড়ির পারমিট ন’ পেভে। কারেন্ট ন’ পেভে। তমা আদামানে পত ন’ পেভ’, রেগা ন’ পেভ’। থানাত নানান বাবদর কেজত ফেলেনেই দলত তানানা। ইয়েনি ভেক্কানি নেগেটিভ রাচনীতির আহ্ত্যের। তুই ম’ দলত থেলে বে’ক পেভে আ ম’ দলত ন’ থেলে হিচ্চু ন’ পেভে।

ভালুক্কো গম গম মানুঝে (মানে মনে-দিলে ঘেচ্চেক গরি গম) পুঝোর গরন-সিয়েনি ন’ গরিলে হিঙিরি তুই রাচনীতি গরিবে ? সালেদ’ ত’ দলত হন’ জন ন’ এভাক। তার জবাবে মুই হধুঙ চাঙ-সালে তর ত’ উগুরে আ ত’ সবন’ উগুরে পুরোপুরি বিশ্চেচ নেই। সুশাসন আ নিরপেক্ষ ভালেদি হামে জিদুক্কো মানুচ হায় টানিবো, লুভ আ দর দেঘেনেই সিদুক্কো মানুচ হায় টানি ন’ পারিবো হামাক্কায়। পজিটিভ পলিটিক্সত হয়েক জন দুলো ধরিয়ে মানুঝে চাগুরি, এক তেঙা দরে চোল, এক জাগাত গদা জিঙহানি চাগুরি গরানা বাদা ন’ পেভাক থিগই মাত্তর আহ্জার আহ্জার জুওইয়ে পুও-ছাবা চাগুরি পেভাক, বেচভাক মানুঝে দোল স্কুল পেভাক, দোল হাসপাতাল পেভাক। এক তেঙা দরে চোলর দরকার নেই। তারারে হাম দিলে তারা নিজেই বাজার দরে চোল হিনি হেই পারিবাক। নেগেটিভ রাচনীতিয়ে মানুঝোরে গরীব রাঘায়, অশিক্ষিত রাঘায়। হারন তেঙা-পোঝে থেলে মানুচ লুভত ন’ পরন, শিক্ষিত অহ্লে মানুচ পাদারা ন’ থান। সেনত্যেই নেগেটিভ পলিটিক্সে তরে ভাতা দিবো, বিপিএল দিবো, এক তেঙা দরে চোল দিবো, ইয়েন-দিবো, উভোন দিবো-বে’ক দিবো মাত্তর তর ইনকাম বারেই ন’ দিবো। স্কুলোত স্টাইফেন্ড দিবো-মাত্তর গম স্কুল ন’দিবো।

নেগেটিভ পলিটিক্সর আরক্কান দাঙর বিপদ অহ্লদে-সিয়েন মাত্র এক্কান লেভেল সঙ তিগি থায়। লেভেল পার ওহ্ই গেলে সিয়েন গারে-গায় নিজে নিজে ভাঙি পরে। হারন তার জে মেইন দিয়েন আহ্ত্যের-লুভ দেঘানা আ দর দেঘানা তার ফলে সে দলুনোত সয়-সাগর লুভি আ পাদারা মানুচ জমা অহ্ন। তারা তর মতাদর্শ গম পেনেই ন’ এঝন। তারা এচ্চোন্নে লুভে, নয় দরে। তারা সেক্কেনে রাচনীতি ন’বুঝোন। বুঝোন্নে পেটনীতি। সাইকোলজির নজরে রিনিলে হিন্তুক লুভি আ পাদারা প্রায় এক জিনিচ। হারন লুভি মানুঝোরই আহ্রেআর দর থায় বেচ। সেনত্যেই তারা দরানো বেচ। নির্লোভ মানুঝোর আহ্রেবার দর ন’-থায়। সেনত্যেই তারা দরানো হম। নেগেটিভ পলিটিক্স গরিয়ে দলুন জেক্কে বেচ দাঙর ওহ্ই জান্নোই, সেক্কে তার চাবাঙীগুনোর ভিদিরে স্বার্থর হোচ্যে বাঝি জায়। সে হোচ্যেত হামাক্কায় গরি তলরুনেই, জিগুনে ইক্কো দলর আঝল শিঙোর সিগুনেই ন জিদোন। ফলে স্বার্থে আ দরে ভেক্কুনে সে দল্লোরে গঝি ললেয়ো ভিদিরে ভিদিরে তারার মনদুখ বারি জায় আ সে শিঙোরত ইক্কো দরমর হুব পরিলেই বিরেট পার্টিয়ো মরা গাঝ’ সান ভাঙি পরি পারে।

সেনত্যেই, নিজোর উগুরে, নিজোর সবনর উগুরে পুরো বিশ্চেচ থেলে নেগেটিভ নয়, পজিটিভ পলিটিক্স গর’।

০৭ নভেম্বর, ২০১৭

Advertisements

Changmhaghun Actionist na Reactionist?

Nanan leghat ami onsur deghiy `omuk reactionist’ `somukdaghi reactionist’. Ajhole `reactionist’ hi ? Reactionistore bangladhi honne`protikriyashil’. Tar mane ohlode `je protikriya ba reaction gore’. Sadharon cholti meaning ohlode je hono political ba social change goribhar actionot reaction gore aa se changot gor diber chestha gore.

Tobe ami iyot reactionist-or exact meaningot no jebong. Ami iyot uju uju bujibonge, je hono hamot reaction deghai te reactionist. Se nojore judi chei sale debhong ami Changmaghun bhekkun reactionist. Hono jonor hono action sara amar nijo action no oi. Ami je historically jat ijhebe reactionist tar proman aghe. 18th centuryt Ingrecchunor bech tulo-hhajana maganar reaction ijhebe ami taralloi juddho gochyei, 1947-t dech belogor somoyot CHTgan Pakistanot phelei dile reaction gochye S. K. Chakma, 1960s-t Pakistan sorkaror Borgangot godha aa tar fole ek lhagor hure hure manuch dubonar reaction gochye M. N. Larma aa siyen poredhi dangor ohnei dech-hulor ikkunur self determinationor andolonot solong bodolye. Aa ikkuyo Arunachal, Tibura aa Mizoramot Changmagunor je ham/movement-ani degha jar siyeniyo nimon gori rini chele bhekkani reactionary characteror.

Ikku degha jok mui Changmagunor andolonani reactionary characteror hongor hittyei. Ami age dhuri hono ham no goriy. Ama ugure hono action elete siyenor reaction ijhebe ami ham arombho goriy aa siyenore glorify goribetyei larei/andolon ebabodor nang diy. Ajhole je siyen ekkan reactionary activity siyen ami no bujhiy. Ama hamani judi `reaction’ no oney `action’ ohdo sale ami ingrecchunore thegebatyei agettun dhuri arhani gorilongon, Dech-hulon Bharot banebatyei agettun dhuri toktokye ohlongun, ama CHTgan emon ahbalot agettun dhuri thelun Pakistan sorkare suyot godha dinei bhui-jomin aa rach ghor dubeidi no pallun, ami Tibura, Mizoram aa Arunachalot edhok chibe-chipyet no thelongon.

Hodhagan arokka potpotye goribetyei ami hoi pariy ami nijo maadi, nijo manuch, nijo bhach, nijo sudom bhaled goribetyei honodin agettun dhori ham arombho no goriy. Siyeni ugure jekke aghat ejhe te siyeni ago dhok ragebatyei jaguluk bodiy. Mane action elete reaction goriy. Senotyei hongotte ami reactionist.

Ami judi ama manuch, ama hodha, ama sudom, ama maadi-iyenire ek-ikko muro loghe tulona goriy sale ami debhong e muroghun phelei toyei ami obang-padare. Siyenit het-hetti goribhar amar hono icchye nei. Ami boroncho manye foleye dol dol jinichaniloi ludu pudu oi thei aa hoi-ama muroghun dol nei, jhar, hama-omukdaghi murobo dol, sabak. Ami ama jagani hodha jiddhur hobor pei sittun onekgun bech hobor pei poror jagar hodha. Ama puo-sabare ama jaga hodha sigebaro dorkar mone no goriy. Ami jukti deghei, poror jagar hobor peledho chaguri pai (mane tarar chagor oi pare), ama jagar hobor pele hi debeda pai ? Mattor ama muroghun sulile aa sajele je tara sigunottun bech dol oi pare se chidegan no goriy. Judi gottong salen ami olongon actionist. (Actionist rawbuo judiyo bhul, reactionist bujibetyei, tar ulloghan actionist huo otte).

Mattor amar chok no denar fole onyo jade se muroghun luk-hudadon onsur. Se manuch (milegunore lona aa morottunore tara dhormo gojhei dena), maadi (maadi gojhok gorana, se madit theye ama Bijokkani pujhi felei dena), sudom (tarar sudom export gorinei manuchunore tara dhok banana), bhach (tarar bhach chabei dena)-iyenir ugure jekke attack ejhe sekke ami lori-chori udhiy (syedo mora suguniyo purile bhile tin pak hai)-jiyen cent-percent reactionary characteror.

Reactionistor niyom ohlode tara than ajukkuleye ar tarar bolo thai hom. Jar actiono ugure tara reaction gotton tara te hobor padhe padhe, jugulode jugulode birudhi pkkogune haman akkoi nejan bhaluddurot. Ar je attack gore te plan goribhar somoy pai, je abadha ghumottun jaginei resist gore tar dijhe pade jai hakkon, jugulode jai aro hakkon, se poredhi plan gorinei counter attack gotte gotte hoito attackerboi lareyan thumot felayoi.

Pittimit degha jeye reactionist ba protikriyashil goshti honodin hono juddhot no jinon. Se natural aa omokkor niyomei ami ecchye potti juddhot ohdi jer bar bar. Senotyei ama characterani reactionistottun actionist gori pebhong. Mane ami protikriyashil oi pebhar age kriyashil ohbong. Larei habilune hoi jeyon offence is the best defense. Senotyei ikkine nijore gome defense gotto gle offensive obar dorkar aghe. Poreye dol dol jagani chei chei bo nijech no felenei amar nijor jaganit fosol folebar jukkol gori pebhong ikkine. Tena poreye jade bujidhak jaganir ajole nanu agonne nena !

রুধুক মরা জাদর লেমপচ্যা রাজনীতি

 

১৯৪৭ সনর ১৫ আগস্ট ভারদ স্বাধীন অহ্য়। তার ঠিক দি বঝর দি মাঝ পরে তিবুরা রেজ্যঘান ভারদর লঘে মিঝি যায় ১৯৪৯ সনর ১৫ ই অক্টোবরত। সারা ভারদর লঘে ১৯৫২ সনত তিবুরাদো ভোট অহ্য়। লোকসভা আ ইলেকটোরাল কলেজর ভোট। সেক্কেনর চাঙমাঘুনোর রাজনৈতিক ভাবে হন চেতনা এল ভিলি মনে ন অহ্য়। যদিও সেক্কেনে মাছমারার লেদ্রাই দেওয়ান তিবুরার রাজা বীর বিক্রম কিশোর মানিক্যর সভাত ‘সর্দ্দার’ উপাধি লোনেই তিবুরা রাজসভাত বজিভের জু পেয়ে আ কাঞ্চনপুরর ফরা কিংকর চাকমার দশরথ দেবর গণমুক্তি পরিষদর লঘে যোগাযোগ এল ভিলি শুনো যেয়্যে। সেবাদে ত্রিশর দশকর ত্রিপুরা রাজ্য গণ পরিষদ বা ত্রিপুরা রাজ্য জনমঙ্গল সমিতি, চলি­শর দশকর জনশিক্ষা সমিতি, গণমুক্তি পরিষদ বা কংগ্রেস-কমিউনিস্ট-ফরোয়ার্ড ব্লক হন দলদোই চাঙমাঘুন গমেদালে ঘুনজি-মুনজি এলাক ভিলি খবর পা ন যায়। যদিও উপজাতির মধ্যে তারা লোক সংখ্যাদি এলাক দ্বিতীয় আ শিক্ষাদীক্ষাধিয়ো এলাক ত্রিপুরী স¤প্রাদায়র ঠিক পরে। তিবুরার চাঙমাঘুনোর এ রাজনীতি অনীহার হয়েকখান কারন আঘে। সিয়েনি অহ্লদে- ১) রেজ্যর রাজধানীত্তুন দুরোত থানা, ২) জুম হাহ্নার কারনে বরবেজ ডাঙর আ ঠায়ঠিক আদাম বানি ন থানা আ ৩) সেক্কেনর রাজনৈতিকভাবে নবজাগরিত ত্রিপুরী স¤প্রাদায়র লঘে হধার অমিল। এ অমিলর কারনেই জনশিক্ষা সমিতি বা গণমুক্তি পরিষদ চাঙমাগুন্নোয় বরবেজ হুদুম বানেই তুলিবার চেষ্টা ন গরে। সুযোগ পেধ’ মনুগাঙর মাধব চন্দ্র চাকমা জনশিক্ষা সমিতির নেতাগুন্নোয় আহ্দ মিলেলুন ভিলিনেই আমার বিশ্বেজ। যেহেতু তে একই সময়ত একই চেষ্টা গরিভার চেয়ে চাঙমা বামানিত। এমনকি মহারাজা বীরবিক্রম তার যে ‘পঞ্চ ত্রিপুরা প্রজা তালিকা’ নিহ্গিলেয়ে সুয়োদ চাঙমাগুনোর নাঙ ন এল।

দেঝভাগর লক্কে দঘিন কুলত্তুন এচ্ছে নেতাগুনেয়ো ইধু রাজনৈতিকভাবে তেমন প্রভাব বিস্তার গরি ন পারন্ধি। একমাত্র øেহকুমার চাকমা তার ট্রাইবেল ইউনিয়ন নিনেই হিঝু চেস্টা গচ্ছে। হিন্তু মূলতঃ দশরথ দেবর লঘে তার মতাদর্শগত ফারগ থানার ফলে তে ইধু বরবেজ প্রভাব বিস্তার গরি ন পারে। তার মতাদর্শ এল জাতীয়তাবাদী হিন্তু দশরথ দেব কমিউনিস্ট । আর ত্রিপুরী স¤প্রাদায়ত দশরথ দেবর প্রভাব সেক্কেনে হোবার নয়। ত্রিপুরী স¤প্রাদায়র জাতীয়তাবাদ তার অনেক পরে গাবুচ্যাঘুনোর আহ্ত ধরিনেই ১৯৬৭ সনত উপজাতি যুব সমিতি জনম দেনার মধ্যেদি পত্থম প্রকাশ পেয়ে।

তিবুরার চাঙমাঘুন আধুনিক গণতান্ত্রিক রাজনীতির লঘে পত্থম মুওমি ওহ্য়োন যেক্কে ১৯৬৭ সনত বিধান সভার ভোট ওহ্ইয়ে। সে পরেধি ১৯৭২ সনত তিবুরা তজিম রেজ্য অহ্লে গদা তিবুরাত পুরোদমে রাজনীতি আরাম্ভ অহ্য়। ছড়াছড়ি থুমোর চাঙমাগুনোর মোনো ঘরে-ঘরেয়ো ভোটর রাজনীতির আহ্বা লুঙো ধচ্ছেগোই সেক্কেত্তুন ধরি।

সিত্তুন ধরি ইক্কুনু সঙ চাঙমাঘুনোর রাজনীতির নাললো গমেদালে রিনি চেলে একখান হধা পরাগ পরাগ অহ্য়দে যে, তিবুরার চাঙমাঘুনে আঝলে নিজে হন রাজনীতি ন গরন, তারারে অন্য মানুঝে বা দলে রাজনীতি গরান্নে। চাঙমাঘুন হয়ত এভ রাজনীতির র-বাদাজ ন পেয়ে গরি একঘাচ্চে গরি থেলাক্কুন-যদিনা তারার ভোটতুনো লুভে হন দল আক্কোয় ন এধ’। ইলেকসনত জিদিদ’ গেলে ভোটর দরকার আ সে ভোটর হন জাত নেই। সেনত্তেই চাঙমাঘুনো ইধু যা পচ্চে বলে অহ্লে। হিন্তু চাঙমাঘুনত্তুন এ চেতনাঘান ন এলধে যে, ভারদ স্বাধীন ওহ্ইয়ে, তিবুরা পূর্ণ রেজ্য ওহ্ইয়ে, এবার আমাত্তুন আমি একজন পাধেবং দেঝ শাসনত আমার সুঘ দুঘর হধা হোভাত্তেই। যিয়ানরে হলঙুন আমি রাজনৈতিক চেতনা। যেককে মানুঝে রাজার আহ্নজামে দায়িত্বশীল সরকার দাবী গত্তন, তজিম রেজ্যত্তেই দাবী গত্তন – সেক্ষেনে চাঙমাঘুন এলাক অঘুর ঘুমত। এভ সঙ সে ঘুম ন ভাঙে।

চাঙমা নেতাঘুন রাজনীতি এক্কা উক্কো গত্তন ধরিনেই মূলতঃ কংগ্রেস আ সিপিআই(এম)- এ দিব্যা সর্বভারতীয় দলত থেনেই রাজনীতি গচ্ছোন। হিন্তু হন দলদোই তারা নিজর জাদর রাজনৈতিক গুরুত্ব বাড়েই ন পারন। সেনত্তেই তারা নিজর জাদর হন’ দাবীয়ো আদায় গরি ন পারন। উপজাদিঘুনো ভিদিরে জন সংখ্যাধি দিনম্বর অহ্না সত্বেয়ো এভ’ সঙ তারারে হন’ দলেই একখানত্তুন বেজ কেন্দ্রত নমিনেশন ন দে। তারার ভাষা সুমুত্তো হন’ ইস্যুই হন’ পাধির নির্বাচনী ইস্তেহারত জাগা জুরি লোই ন পারে। ইয়েনি ভেক্কানি চাঙমাঘুনোর রাজনৈতিকভাবে গুরুত্ব ন থানার কারনে – রাজনৈতিক অসচেতনতার কারনে। ইয়োত আমি তেকহাবা গরি সর্বভারতীয় আ আঞ্চলিক দলত আবুজি চাঙমাঘুনোর রাজনীতি গরিভার বৈশিষ্ট্যঘানি তলবিচ গরি পারিই –

১) সর্বভারতীয় দলত থেনেই রাজনীতি গরানা ঃ- তিবুরার হন’ রাজনৈতিক দলই উপজাতি ভোটতুন এলাফেলা গরি ন পারন। কারন তারার ইক্কো ডাঙর চিল্যার সমর্থন ছাড়া তিবুরাত হন দলই ক্ষমতাত তিগি থেই পাত্ত নয়। হিন্তু চাঙমাঘুনে হন সর্বভারতীয় রাজনৈতিক দলদই থক ন পান। কংগ্রেস বা কমিউনিস্ট বা তারার ছাত্র সংগঠনুনোর রেজ্য কমিটির মেম্বারর তালিকাঘানি চেলে সিয়ান পতপত্যা গরি বুঝি পারা যায়। সেবাদে এ দলুনোর ‘ত্রিপুরী তোষণ নীতি’ চাঙমা, মগ আ অন্য চিগোন-চাগোন উপজাতিঘুনোর রাজনীতিত ডাঙর ওহ্বার পধত গর ওহ্ই থায়।

২) উপজাতি ভিত্তিক আঞ্চলিক দলত থেনেই রাজনীতি গরানা ঃ- নাঙ উপজাতি ভিত্তিক রাজনৈতিক দল অহ্লেয়ো হিন্তু ইঘুন মূলতঃ ‘বরক জাতীয়তাবাদী’ রাজনৈতিক দল। ইঘুনোর উগ্র বরক জাতীয়তাবাদর ঠেলা চাঙমাঘুনোর আর বেজ গায় ন সুওয়।

হিন্তু উগুরোর দো জাদর রাজনৈতিক দলই চাঙমাঘুনোরে লারঝার গরন – তারার ভোটব্যাঙ্ক বারেবাত্তেই। চাঙমাঘুনোর রাজনৈতিকভাবে গুরুত্ব ন থেবার আর হয়েকখান কারন আঘে। সিয়েনি অহ্লদে –

১) ধারাবাহিক রাজনৈতিক তম্ভার অভাব ঃ- নেতার বেঘত্তুন ডাঙর হাম ভিলে নেতা বানানা। হিনতু চাঙমা নেতাঘুনে তারা বানেয়ে জাগাগানি আর গমেদালে ধরি রাঘেবাত্তেই হন’ নুও গাবুচ্যা নেতা তম্ভা তুলি ন পারন বেজভাগে।

২) নেতাগুনোর ঘন ঘন দল বদলনা ঃ- চাঙমা নেতাঘুন, বিশেষ গরি মাচ্ছেঙ আ চিগোন সাইজর নেতাঘুন হাক্কে হাক্কে দল বদলাদে দেঘা যায়। ফলে তারা লঘে সয়সাগর কর্মীরো হন’ রাজনৈতিক থিদাবি ন থায়। ফলে সামগ্রিকভাবে চাঙমা সমাজ এচ্ছে ‘ফ্লোটিং ভোটার’ত পরিণত ওহ্য়োন।

৩) নেতাগুনোর মধ্যে গম রাজনীতিবিদর অভাব ঃ- চাঙমা রাজনৈতিক নেতাঘুন হুব সহজভাবে নেতা ওহ্দাক চান। তারার অনেকর শিক্ষাগত যোগ্যতায়ো হম। ফলে তারার চিন্তা আ নেতৃত্বত গভীরতা ন থায়। তাছাড়া বেজভাগ নেতায় বিশেষ গরি মাঝারি আ চিগোন নেতাগুনে হন মতাদর্শগত বা ইস্যুভিত্তিক রাজনীতি ন গরন। তারার রাজনীতির লক্ষ্য হন দাবী আদায় বা হন মতাদর্শর থিদাবি ন ওহ্নেই সাধারণ চিগোন-চাগোন ব্যক্তি স্বার্থ – যেমন, চাগরী পানা, লোন পানা বা অন্যান্য সুযোগ-সুবিধে পানা- এধক্কে উদ্দেশ্য লোনেই রাজনীতি গরানার ফলে তারার হন স্থায়িত্ব ন থায়। যেধকদিন পর্যন্ত চাঙমাগুনর এ সুবিধাবাদী রাজনীতি থেব সেধকদিন পর্যন্ত চাঙমাগুনে আঝল রাজনীতির উদো ন পেভাক আ রাজনৈতিক পরিপক্কতা আ দূরদর্শিতায়ো ন জন্মিবো। এঝ সঙ নেতাঘুন সুমুত্তো তিবুরার গদা চাঙমা সমাজচোর হার’ জন ইধু হন’ স্থায়ী গুরুত্ব নেই।

বেগ’ জেরে চাঙমা রাজনীতির দিয়েন নুও পধ তলবিচ গরিবোঙ-

১) নুও বাবদর উপজাতি ভিত্তিক রাজনৈতিক সংগঠন ঃ– ইক্কুনর উপজাতি ভিত্তিক রাজনৈতিক সংগঠনুনোর এই উগ্র বরক জাতীয়তাবাদ হিন্তু একদিন এ বরক জাদিগুনোরেই ক্ষতি গরিব। তারার তারার মধ্যে অমিল বাদ দিলেও তিবুরার ১৯ চো উপজাতিত্তুন অর্ধেকর মত লোকসংখ্যা এ বরক জাদর বারে। অর্ধেক উপজাতির রানৈতিক উচ্ছাকাঙ্খা পূরণ অবার হন আরি ন থেলে বেসুনজুক দেঘা দেদে বাধ্য। সেনত্যেই বরক জাতীয়তাবাদর বিপরিতে বেক উপজাতিঘুনর লোকসংখ্যা অনুপাতে সুযোগ থায় পারা (অনেকটা হিল চাদিগাঙর আঞ্চলিক পরিষদর মডেল) এমন হন রাজনৈতিক প্লাটফর্ম খাড়া গরেলে বেঘর ইধু গ্রহনযোগ্য অহ্ব ভিলি আমার মনে অহ্য়।

২) চাঙমা ভিত্তিক নুও রাজনৈতিক দল বানানা ঃ– এত হম লোকসংখ্যালোই ছিনে-ছিন্নে চাঙমা বাম্মোই বানা চাঙমাত্ত্যেই হন রাজনৈতিক জধা বানেবার হধা হলে বেজভাগে অসম্ভব মনে গরিভাক। হিনতু কোয়ালিশন পলিটিকস্-র যুগোত হন হিচ্ছুই অসম্ভব নয়। সিয়েন এক্কান সহজ উদাহরন দিলেই বুঝো যেব’। মনে গরি হন এক্কান বামত ১০০ জন ভোটার আঘন আ সুওত দিবে ডাঙর দল আঘন। তারার সমর্থকর সংখ্যা মনে গরি, গেলে­ বারত জিন্নেদে ইভের ৬০ আ ন জিনেদে ইভের ৪০। এবাম্মোত মনে গরঙ ১০০ জনর ভিদিরে ৭০ জন চাঙমা। এই ৭০ জন চাঙমাত্তুন মুই যদি ১৫ জন ভোটারো টানি পারঙ্গে অহ্য় সালে মুই যে পাদিরে মনে অহ্য় সে পাধিরে জিদেই দি পারিম। আর মুই বিরোধিতা গরিম্মে পাধিবো জিবনে জিদি ন পারিবো। এস্যান পজিশনত এলে যেকোন ডাঙর দলই ত লঘে কোয়ালিশন গত্তে বাধ্য। ‘রাজনৈতিক অধিকার’ নিজে হন দাবী নয়। রাজনৈতিক অধিকার অহ্লদে পধ। পধ ন থেলে যেমন হন জাগাত্তুন হন জিনিষ আনি ন পারেগোই সেধক্ক্যে রাজনৈতিক অধিকার ন থেলে হন দাবী পূরণ অহ্বার নয়। সুনানু এম এন লারমা হোয়্যে “রাজনৈতিক অধিকার ন থেলে হন অধিকার তিগি থেই ন পারে।” আমার চেষ্টা থেব’ সেনত্যেই চাঙমাঘুনোর রাজনৈতিক চোগ ফুদেই তুলিনেই রাজনৈতিক অধিকারর পত্থান আগে বানানা দবদবা গরি, সালেই ইস্কুলত আমার চাঙমা অহ্রগে চাঙমা লেঘা চালু সুমুত্তো অন্যান্য হন দাবিই অপূরণ ন থেব’।

(বিঝুগুলো-৭, ২০০৫)

১৮ আঘস্টত আমি হি পেলহ্ঙ?

১৮আঘস্ট ২০১১। আগরতলা রাচপধত ৪০০-র উগুরে চাঙমার ৭ জানুয়ারি ২০১১-ত লোয়ে চাঙমা ভাচ ভালেদি শল্লাদারি জধার চাঙমা লেঘা চালু গোরিভার সিদ্ধান্তগান বলাবত গোরিভার দাবি গোরিনেই মিছিল। এ মিছিলানে আমারে হি দিলো ? ২৯ আঘস্ট ফদাঙতাঙ ওয়ে ইয়েনে আমারে চাঙমা লেঘা দি ন পারিলো। সালে আমার হি গাত পরিলো ?

গমে তলবিচ গরিলে ১৮ আঘস্টর আরকানিগানে আমারে চাঙমা লেঘা আনি দি ন পারিলেয়ো সবায় গাত ন পরে। ভালক্কানি হারনে সেদিন্যে তিবুরার চাঙমা বিজগত ইক্কো নুও ধেলা হোর উত্তে ভিলিই আমি ধরি নেজেই পারিইঃ

১) হম হম গরি অহ্লেয়ো এবারদই পলিম তিবুরার বে’ক বামত্তুন মানুচ এনেই হনক্কান হামত জুক দুওন্নি, ফেনি, গুমেত, মনুগাঙ, দেরগাঙ এক জাগাত মিল্লোন – ইয়েন চিগোন হধা নয়। ইয়েন হিঝু ইরুক জুগোর উদো লো-লি গোরিভার পত্থানি দবদবা ওহ্বার হারনেয়ো ধুরি পারা জায়।

২) তিবুরার চাঙমা জাত ভালেদি হামত গঙ ন থেবার এক্কান মুলুক হারন আমা বুরো আ গাবুচ্যেগুনো ভিদিরে গম তালমিল ন থানা। বুরো, গাবুচ্যে আ ছাত্রগুনোরে এক জাগাত মিলেবাত্যেই এবারদই পলিম এক্কান ভেইল ধরি চেরেসথা গরা ওয়ে। অল ইন্ডিয়া চাকমা কালচারেল কনফারেন্স, ইয়ং চাকমা এনোসিয়েশন আ ত্রিপুরা চাকমা স্টুডেন্টস এসোসিয়েশন – এবারর সান জুদি মুজুঙোর দিনুনোদ’ ঘেচ্ছেকগোরি এক ঘজায় হাম গরি পারন সালে তিবুরার চাঙমাগুনোর মুজুঙোর দিনুনোর বিজক জুদোবাবদর অহ্দে বাধ্য আ

৩) এ আরকানিগানত আমার জিয়েন বেগ’ দাঙর উঝোল হোই পারিই সিয়েন অহ্লদে – এ আরহানিগানে হামাক্কায় গোরি চাঙমাগুনোর রুমে রুমে ভিদি থেয়ে ্ঔপনিনেশিক মানসিকতার পাগোচ্যে গাচ্ছোত দরমর’ হুপ বোঝেই পাচ্ছে। আগেধি মনে গরা অহ্দ’ আমি ব্যানারানিত হি লেগিলোঙ তারা ন বুঝিলে আমার হন’ লাপ নেই, আমি শ্লোগানেদি হি মাঘির সিয়েনি তারা ন বুঝিলে হনা ন হনা সঙ – এই জে চাঙমাগুনোর ‘তারা’ কেন্দ্রিক মানসিকতা – ইয়েন চাঙমাগুনোর জুক জুক ধুরি পরর অধীনত্তল থেবার ফল, জিয়েনরে হুও অহ্য় ঔপনিনেশিক মানসিকতা। আগরতলা টাউনর শন শত বেজাদির সেরেদি চাঙমা লেঘাদি বর বর গোরি লেখ্যে ব্যানার ধুরিনেই বুক ফুলেই উজেই জানা, হাজা চাঙমা হধাদি জোগার পারি পারি শ্লোগান দেনা – ইয়েনিয়ে তিবুরার চাঙমা বিজগর তেক ঘুরেই দিবো সিয়েন দায়হাম মারি হুও জায়।

মাদি, সেপ্তেম্বর, ২০১১, ন’ বঝর, নাদা-৬৬

হেত্তেই বিঝুমেলাঘান সোর গরিভার দরকার

আমি, তিবুরার চাঙমাগুনে গেল্লে ৩০ বঝর ধরি বিঝুমেলা গরির। ৩০ বঝর সময় হেচ্চার হধা নয়। মাত্তর ৩০ বঝরে তিবুরা বিঝুমেলাঘান সানে আ সিক্যেই জেত্তোমান দোল আ পতপত্যে ওহ্ই উধিবার হধা এল’ সেত্তোমান জে ন অহ্য় সিয়েন ভেক্কুনে খাম খেই পেভাক। জে জে উনোগানি আমার তিবুরা রেজ্য হাবর বিঝুমেলাত চোঘত পরে সিয়েনি তোলেই চা’ জোক –

১) নাঙে রেজ্য হাবর বিঝুমেলা অহ্লেয়ো আমি হন’ বঝর হন’ বিঝুমেলারে ঘেচ্ছেক গরি তিবুরার গদা চাঙমাগুনো সিধু লুঙেই দি ন পারিয়োই। জেমন, আগেরে গুমেত বামর তুইচাঙমাত জুদি বিঝুমেলা পরে সালে দেরগাঙর বাঘেইসুরি আদামর হন’ চাঙমার তিবুরাত বিঝুমেলা অহ্র গরি হিয়েত হন’ ব’ ন লাগে।

২) চাঙমা সুধোমর বে’ক ধেলাগুন তিবুরা বিঝুমেলায় লেহ্বেই ন পারে। জেমন, হন’ বিঝুমেলাত আমি ঝরা গীত, উভো গীত, ওলি গীত, ধুদুক বা’না, হেঙগরঙ বা’না বা পত্তি খারার জিদেজিত্যে ওয়ে গরি ন শুনিই। জার ফলে, তিবুরার বিঝুমেলাগানে চাঙমা সুধোমরে আরকানি মজিম বা’ক ধরি উজেই ন নেজেনেই, হনক্কান বিঝুমেলা বানা তার আরকানি গরিয়ে হয়েক জনর গমপানা-নপানা মজিম চাঙমা সুধোমরে ফগদাঙ গরি এঝের।

৩) জেহেতু রেজ্য হাবার বিঝুমেলা, সেনত্যেই সুওত রেজ্যর বেঘত্তুন দোল নব্ভাচ গোচ্ছে জিনিচ্চানি লুহ্ঙিবাল্লোই হধা এল। মাত্তর তিবুরা রেজ্য হাবর বিঝুমেলা হন’ হন’ বিঝুত এমনো দেঘা জেয়ে তার ধক, হন’ থুমোথুমি আদামর কামসিরিত্তুনো অদ্দরম।

৪) তিবুরা বিঝুমেলার কামসিরিগানির অজন আ অক্ত, আরকানি নানুগুনেই আন্দাচ গরি ন পারন, সেক্কে চেয়েগুনে। সেনত্যেই হা নাচ হক্কে, হা গীত হক্কে, রেত হয়ভো সঙ প্রোগ্রাম চলিবো – বে’ক থায় ঈজেবর বারে। জার ফলে অক্তে অক্তে প্রোগ্রামে রেদে ন হুলোই আ ধগে ন অলে সময় কাদেবাত্যেই অনেগরে বলে বলে থেলি থেলি স্টেজত তুলি দ্যে পরেগোই। ইয়েনি বে’ক আমার দি চোঘে দেঘা।

এ বেক পগরাগানি তুনিবেত্যেই রেজ্য হাবর বিঝুমেলা জে মুক্খ্যে হুচ বারেবাত্যেই জার পারাপাঙ হামত লাগিবো। তবে তা পিঝেদি জে খরচ আ জুক্কোলানি লাগিবো সিয়েনি হোত্তোমান জুগুলেই পারা জেব’ সিয়েনোই বেঘত্তুন দাঙর হধা। এবারত বাচ্ছেই আঘিই বিঝুমেলার আরকানি আ রিবেঙ জধার নানুগুনোর তোকতোক্যে আ কাবিলেনি চাঘি চেবাত্তেই।

মাদি, জুন, ২০১১, ন’ বঝর, নাদা-৬৩

চাঙমাগুনোর পালেবার দিন

পত্তি জাদর নাঙহিনি পারে পারা হয়েকজন মানুচ থান, যিগুনে তারার নিজর গুনে বানা নিজর ঘোরবোর/হুদুম্মোর/আদাম্যার ন থান। কাবিল হাম আ অঝার বুঘোর গুনে তারা ওহ্ই উধোন জাদর পত্তি মানুঝোর সদর হুদুম। সিগুনোর হধা জাদর পত্তি জনে জনে বার বার ঈদোত তুলোন। আর এধেক্কেয়ো হয়েকখান ঘটনা থায়, সুঘোর বা দুঘোর, যিয়েনি তারা পুরি ফেলেই ন’ পারন। বঝর ঘুরি সে দিন্নো এলেই বেঘর মনত আভর খায় সে দিন্নোর কধা। সে মানুচ্চুনোরে, সে ঘটনাগানিরে ঈদোত তুলোনাই অহ্লদে দিন পালানা।

এ দিন পালানার মধ্যেদি ইক্কো জাদে তার নিজস্বতা তোগেই পায়। জাদর হজমাগুনে, যিগুনে একদিন জাদর পাত্তলী ওহ্বাক তারা জাদর আগরির লাড়েইয়র বিজকর লঘে চিনপচ্য অহ্ন। ইক্কো জধার কর্মী গঠন গরদে অনসুর কামসিরি বাদেয়ো এবাবদর দিনুন পালানা অমহদ’ দরকার। গেল্লে ১৩ সেপ্টেম্বর ২০১০ পেজাত্তলত যে গদা তিবুরা চাঙমা ছাত্রগুনোর তেম্মাঙ ওয়ে সুওত তারা চাঙমা গুনোর হয়েক্কো দিন পালেবাক ভিলি এগেম গচ্ছোন। সে দিনুন লোনেই এচ্চের তেকহাবা তেম্মাঙান।

১. চাঙমা লেঘা দিন (৫ জানুয়ারী) : ২০০৯ সনর এ দিন্নোত ফাঙ ওয়ে তিবুরা চাঙমা ছাত্র জধা আ উদন্ধি সদকর আরকানিত আ মিজোরামর সিএডিসি আ তিবুরার ট্রাইবেল রিচার্স ইন্সটিটিউট-র বলাবল্যাত তিনমাস্যা চাঙমা লেঘার সার্টিফিকেট কোর্স। এ দিন্নোত্তুন ধরি তিবুরাত চাঙমা লেঘা লারচার গঙার ওয়ে, জয়ন চাঙমার আহ্ত ধরি তিবুরাত সোম্মেগি চাঙমা লেঘা সফট্ ওয়্যার। এ দিন্নোয় তিবুরা আ মিজোরামর চাঙমাগুনোর মধ্যে ইক্কো সোনারেগা বানেই দিয়ে।

২. আন্তর্জাতিক মা-ভাচ দিন (২১ ফেব্রুয়ারী) : এ দিন্নো ইউনেসকোর গঝি লোয়ে দিন। এ পইদ্যানে বেঘে খবর পা’ন। সেনত্যায় নুও গরি আর তুলোপারা গরা ন’অহ্ল’।

৩. রাধামন-ধনপুদি দিন (ফাগুনো পুন্নিমা) : রাধামন-ধনপুদি চাঙমা জাদর পোচপানার চিন্নক। ইরুক যুগোর লঘে তাল মিলেনেই, হজমা তম্ভাবোরে পরর আচ্চারাত্থুন আলক রাগেবাত্যায় ঠধষবহঃরহবং উধু বাবদর এ দিন্নো। রাধামন-ধনপুদির নাঙে হন দিন্নো পালেই পারা যায় সিয়েন বজক ঘাদিনেই এভসঙ ঠার গরি পারা ন’যায়। সেনত্তেই গেঙখুলিনানুদাঘির ‘ফাগুনো আহ্বানে ফিরিলো …’ হধাগান ঈদোত রাঘেই এ দিন্নো ঠিক গরা ওয়ে।

৪. শিব চরন দিন (১ জুলাই) : আদিকবি শিবচরনর নাঙে ইক্কো দিন পালেবার দরকার আগেধে হধাঘান ভেক্কুনে খাম খান। মাত্তর জাতগরি তা পইদ্যানে হন’ তারিখ এভ’ সঙ ঠায়ঠিক গরি পারা ন’যায়। তালাভিনানুগুনোর মতে ১১ আষাঢ় দিন্নো শিবচরনর জনম দিন, ফগির ওহ্ই নিগিলি যেবার দিন আ লুক দিবারো দিন। ঈজেপ গরিলে এ ১১ আষাঢ়বো মোটামুটি ১ জুলাই পরে। সেনত্তেই এ দিন্নো লুও ওয়ে। এজেত্তে দিনোত শিপচরনর পইদ্যানে আর’ তালাভি গরি গমে জানি পারা গেলে সেক্কে এ তারিক্কো সোর গরিলেয়ো গরি পারা যায়।

৫. আর্ন্তজাতিক আদিবাসী দিন (৯ আগস্ট) : ইভে জাতিসংঘর খামখেইয়ে গদা পিত্থিমিত পালান্নে দিন। ইভে পালানায়ো জদেপদে দরকার আঘে।

৬. অভিক কুমার জনম দিন (৩ সেপ্টেম্বর) : সুনানু অনিল বরন চাঙমা লেখ্যে ‘‘চাঙমা কধা চাঙমা গীত, শুনিলে মর জুরায় চিৎ’’ আ এ চাঙমা গীদর হধা ঈদোত উদিলে যা নাঙান ঈদোত উধে তে অহ্লদে সুনানু অভিক কুমার চাঙমা। আমি যনি সংস্কৃতির বামত্তুন হন জনরে বঝরপত্তি ঈদোত তুলিভার চেই সালে একমাত্র অভিক কুমারই ওহ্ই পারে সিভে।

৭. উধুবলী দিন (৩ অক্টোবর) : বাবদর বাবদর দিন আমার দরকার পালেবাত্যায়। খারার হধা যদি উধে সালে হন দিন্নো আমি পালেবঙ ? সে জঘার আমার হন’ জন নেই যা নাঙে আমি দিন পালেই পারিই। পুরোনী বুড়ো-বুড়ির মুওত্থুন শুনো যায় হয়েক জন বলীর হধা – উধু বলী, হজ্জাল বলী আর’ নানান নাঙ তারার। সালে সিগুনোর একজনর নাঙে খারার পইদ্যানে ইক্কো দিন পালেলে হেঝান অহ্য় ? সে বাবদরই এগেম ‘উধুবলী’ দিন্নোর।

৮. এম. এন. লারমা দিন (১০ নভেম্বর) : নানান জনে নানান হধা তুলিলেয়ো যদি পুঝোর গরা অহ্য় চাঙমা জাত্তো উগুরে হার রাজনৈতিক প্রভাপ বেঘত্তুন বেচ সালে এক হধায় বেঘে খাম খেবাক সিভে মানেবেন্দ্র নারায়ন লারমা। সালে রাজনৈতিক ব্যক্তিত্ব হন’ জনর নাঙে যদি আমি দিন পালেবার চেই সালে এম. এন. লারমাত্তুন অজল হন’ জনরে দেঘাই ন’ যায়। মাত্তর পারাপাঙ মান্যে/নমান্যে হধাগান চিগোন গরিনেই তার গদা জিঙহানির হামর অঝারান তুলি ধরিভার চেলে আমি (মানে ভারদর চাঙমাগুনে) তার শহীদ দিবসর বদলে জনম দিন পালেই পারিই। যেমন মহাত্মা গান্ধীরো শহীদ দিনর বদলে জনম দিন পালন গরা অহ্য়।

৯. সিএসএ দিন (১৯ নভেম্বর) : ২০০১ সনর এ দিন্নোত, আমার যে জধাবোর নাঙ এচ্চে গদা ভারদত সিদি যেয়ে, সে জধাবোর বিজি আগরতলাত লাগেয়োন আমার হয়েকজন হাম্মো বড় ভেই – বড় ভোনে। তারার হয়েক জন ওহ্লাক কৃতক চাঙমা, সনৎ দেওয়ান, জগৎ জ্যোতি চাঙমা, বরুন চাঙমা, নীল কান্তি চাঙমা, শান্তি রঞ্জন চাঙমা, তবনা চাঙমা, অমিতাভ চাঙমা, সুমঙ্গল চাঙমা, লিপি চাঙমা, সিঞ্চন চাঙমা (ইক্কু নেই), জীননানন্দ চাঙমা, সুজয় চাঙমা, শৈলেখা চাঙমা, বর্ণালী চাঙমা, জুনিকা চাঙমা, মিনতি চাঙমা আ আর’ অনেগে। তারারে আমি এ দিন্নোত পাত্তুরুতুরু জানেবঙ আ খাম খেবঙ – তারার দেঘেয়ে পধ ধরি আমি এগত্তরে আক্কোই যেবঙ। চাঙমা জাদর অধিকার আদায়র লাড়েইয়ত আমি হন’ দিন পিঝেধি ন লামিবোঙ।

১০. ননা হাজি দিন (৫ ডিসেম্বর) : চাঙমা জাদর বিগিধি-হিরিমিরির চিন্নক ননাহাজি। ইরুক যুগোর এপ্রিল ফুল্স ডে সান গরি এ দিন্নো গঝি লুও ওয়ে। মাত্তর ননাহাজির পইদ্যানে হন’ বিজগী মাজারা তোগেই সুগ ন’ পেভার কারনে উজু উজু ইক্কো দিন ফেলা ওয়ে – ৫ ডিসেম্বর। তা পইদ্যানে হন’ সুনানুয়ে যদি হন’ বিজগী তারিখ আমারে জানেই পারন সালে পাত্তুরুতুরুর সমারে আমি সিভে গঝি লভঙ। এ দিন্নোত আমি সমাচ্যা-সমাচ্যার মধ্যে বিগিধি এসএমএস পাধা-পাধি গরি পারিই। হন’ হন’ জাগাত গপ দিবার জিদেজিত্যা গরি পারিই।

উগুরোর দিনুনোর পইদ্যানে নানা জনর নানান বাবদর মতামত থেই পারে । মাত্তর আমাত্থুন ঈদোত রাঘা পরিবো যে ইয়েনই শেজ হধা নয়, ইয়েনদ’ বানা শুরু অহ্লদে।

মাদি, অক্টোবর, ২০১০, আট্য বঝর, নাদা-৫৫

কেত্তেই আমার চাঙমা লেঘা দরকার

এক কালর ধনে-জনে-জ্ঞানে পতপত্যা শাক্য জাদর মানুজ আমি চাঙমাঘুন বিজগর নানা ঘুলন্যাত পাক খেনেই ইক্কুনু ছত্রভঙ্গ। ভারত-বাংলাদেজ-বার্মা আ নানান দেজত ছিদেছিত্যে ওহ্নেই জাত-বেজাতর চাবত পরিনেই আহ্রেই ফেলের আমার বেক দোল হাচ্যেক্কানি। বেক হিঝু আহ্রেনেয়ো আমা আহ্দত রোয়ে বানা আমা ধর্মঘান আ আমা ওক্কোরুন। এ দিয়েন আমার আরাঙ সম্পত্তি বুঘত ধরি রক্ষে গরি ন পারিলে চাঙমা জাত একদিন আন্দামানর ‘বো’ জাত্তো সান গরি পিত্থিমিত্তুন লুগেই যেবগোই।

একমাত্র চাঙমা ওক্কোরুনেই পিত্থিমির বুঘোত ইক্কো জুদো জাত ভিলি আমারে চিন দি পারন। কারন দেঘা যায় যে, লোকসংখ্যাদি অরুনাচলত এক নম্বর, মিজোরামত দি নম্বর আ তিবুরাত তিন নম্বর ভাষাগুত্থি অহ্না সত্তেয়ো ভারদর সেন্সাস রিপোর্টত চাঙমাগানরে একখান আলাদা ভাষা ঈজেবে ধরা ন অহ্য়। ধরা অহ্য়দে বাংলার একখান উপভাষা ঈজেবে। ভারদর লিঙ্গুইস্টিক মাইনরিটিজ কমিশনেয়ো চাঙমাঘান আলাদা ভাষা ঈজেবে স্বীগের ন গরে। উত্তর-পূগ ভারদর ট্রাইবেল ভাষাগানির সরকারী লিস্টদো চাঙমা ভাষাগানর নাঙ নেই।

ইয়েনির ভেক্কানির কারন অহ্লদে আমার লেঘা-লেঘিত চাঙমার বদলে বাংলা ওক্কোরুন লারচার গরানাহ্। অনেগে হয়ত হোই পারন ককবরক, মনিপুরী – এ ভাষার মানুষ্যুনেয়োদ’ বাংলা বা এ বাবদর অহ্রক লারচার গরন। তে সে ভাষানি হিঙিরি আলাদা ভাষার মর্যাদা পায় ? তার কারন অহ্লদে এ ভাষাগানি বাংলা আ অসমীয়াত্তুন ভোজোমান ফারক – সম্পূর্ন জুদো ভাষাগুত্থির। আমা ভাষাগান বাংলার লঘে একই ইন্দো-ইউরোপীয় ভাষাগুত্থির অহ্নার ফলে বাংলা লঘে হধে-শুনদে প্রায় হায়-হি, সে উগুরে আমি লারচার গরিই বাংলা অহ্রক – সেনত্যেই ভাষা কাবিলুনো চোঘোত চাঙমা ভাষাগান আলাদা ভাষা ঈজেবে চিহ্নিত গরিভার মত হন ডাঙর ধক চোঘোত ন পরে।

আমি যদি আগেত্তুন ধরিনেই আমা লেঘা-লেঘিত চাঙমা ওক্কোরুন বেচগরি লারচার গরি এধঙ সালে পত্থমত্তুন ধরিনেই চাঙমাঘান আলাদা ভাষা ঈজেবে স্বীকৃতি পেই এলুন আ আমা ভাষাগান ভালেদ গরিবাত্যেই নানান বাবদর বলাবলো বেজ পেলঙুন। আজলেহ্ বাংলা ওক্কোরুন আমি যেধকদিন সঙ পুরোপুরি লুঙিহ্ মারি ন পারিবোঙ সেধকদিন সঙ আমার ‘টিলা বাঙাল’ বন্নামানো ন যেব’ আ চাঙমা ভাষাগানো আলাদা ভাষা ঈজেবে স্বীকৃতি ন পেভ’।

আমা ভারদত এক আহ্জারর হাজাহাচ্যে ভাষা আঘে মাত্তর ওক্কোর আঘন্নে বানাহ্ ২০ বাবদরো হম। সিত্তুন বেজভাক ভাষায় দেবনাগরী ওক্কোরুন লারচার গরন আ চিগোন-চাগোন ভাষাগানিত বেজভাক রোমান ওক্কোর লারচার গরাহ্ অহ্য়। অনেকে আবার নিজে নিজে ওক্কোরো বানেয়োন। যেমন, সাঁওতালুনোর ‘আলচিকি’। হন ভাষার ওক্কোর থানা মানে সিয়েন এক্কান ভজমান বার গরি পারে পারা হধা। আমা ওক্কোরুন বানা চাঙমাগুনোর নয় সিগুন ভারদর পুরনি সংস্কৃতির একখান দোল মাজারা। সেনত্তেই সিঘুন বাজেই রাঘানা বানা চাঙমা জাদর নয় গদা ভারদর মানুষ্যুনোর দায়িত্ব আঘে ভিলি আমি মনে গরিই।

এচ্চে আমি চাঙমাঘুন তিন দেঝর নানা বামত ছিদেছিত্যে ওহ্ই আঘিই। দেজফারক, পরিবেশ ফারক, শিক্ষার মাধ্যমর ফারক – ইয়েনিয়ে আমারে ফারক গরার আর’ বেজ গরি। আমা বাংলা ওক্কোরোর লেঘা-লেঘিনি মিজোরাম-অরুনাচলত পড়ি ন পারন আ তারা লেখ্যা রোমান অহ্রগর চাঙমাগানি পড়িলে আমি ভাচ জরেই ন পারিই। আঝলে হন ইক্কো জাদে দি বাবদর অহ্রক হন দিন গঝি লোই ন পারন। আর যদি লন্নে অহ্য় সিয়েন অহ্ব’ তারার নাতদি মরানার সান।

বিজগত নাঙহিন্যে আঘে যে আমা জাত্তো প্রায় ৬০০ বঝর আগে দৈংনাক্যা, আনক্যা, তোঙতোঙ্যা – এ তিন ভাগে ভাক ওহ্ই যেয়ে। হয়েকদিন পরে আমার ভিদিরে হয়ত জনম লভ’ বাংলাদেচ্যে চাঙমা, ভারত্যা চাঙমা, মিজোরাম্যা, অরুনাচল্যা চাঙমা – এ বাবদর আর নুও নুও ধেলা। মনত উধে জনেশ আয়ন চাঙমার কবিতা – ‘পরে বেইল্যাক তেঙেরা,/ মিঝেল-মাজাল এক পাড়াল্যা ভাত পিলে ওল দজোরা।’ আজলে আমার পরর তেঙেরায় দেজ ভাঙালা। আর সে উগুরে যদি আমি এক জনর ভাষ আরেক জনে ন বুঝে পারা গরি ওক্কোরোর তেঙেরা বেড়ি সালেন চাঙমা জাত্তো হাহ্জেইদ্যা গাঝর সান গরি লারে কিন্তু হামাক্কায় গরি মরানার পধত লর দিবো।

একমাত্র অঝাপাত্তোই পারিবো আমারে এ মরনর পধত্তুন ফিরেই আনি। একমাত্র চাঙমা লেঘার রেগাদি পারিলেই মিলি পারিবোঙ আমি দৈংনাক্যা-আনক্যা-তোঙতোঙ্যায়। মিলি পারিবোঙ দেজকুল্যা-অরুনাচল্যা-মিজোরাম্যা-তিবুরাকুল্যায়। সালেই আমি বলবলা গরি নাঙ হোলেই পারিবোঙ – অহ্য় আমি শাক্য জাদর মানুজ – আমি হন জনত্তুন হন হিত্যেদি উনো নয়।

মাাদি,  এপ্রিল, ২০১০, আট্য বঝর, নাদা – ৪৯

CREATING IDENTITY AND UNITY

Chakma Logo.jpgTo preserve our distinct identity and to safeguard unity among us will be the two main challenges in the days to come. Modern time is robbing our identity and making us self-centric monsters cutting out from own society. But it has also gifted us powerful weapons to safeguard our endangered elements which give us distinct identity as Nation and gave us access to deep reached networks for communication among ourselves. Rejuvenation of Chakma Scripts with the help of computer experts and Chakma film production with the help of low-cost handy cams are just two examples how we can use modern technologies to safeguard our identity.

Chakma National Flag

IDENTITY CREATION: Development without distinction is called extinction. So, it is not possible to welcome any kind of development in the cost of our identity. Economic development in the cost of religious identity, political development in the cost of social identity is highly condemnable.  Our fuzzy identity is evident from our decaying and distorted cultural and linguistic wealth. We could not able to emboss our identity on the name of our hills, rivers and villages. We could not stamp our footprints in the schools, hospitals and roads we made. We even failed to adorn our own rich tradition of singing and cooking. So, we all must work reluctantly in order to intact our own identity in every sphere of our life.

Photo1936.jpg

UNITY: History has already devastated us by dividing us in to three groups viz. Anokyes, Tanchangyes and Doinakyes; dividing further into Indian Chakmas, Bangladeshi Chakmas and Burmese Chakmas. Indian Chakmas are also divided into Arunachal hullyes, Mizoram hulyes and Tripura hulyes, and finally we are dividing ourselves in to Buddhist Chakmas and Christian Chakmas. Unity must be prevailed to prevent a doom and it should come from inside. Unity should be started from our own house. If I cannot show brotherhood to my own brother then it is not possible for me to love a member of Doinakye Chakma, whom I never met and far far differences are there compared to differences I am having with my own brother.

215321_1783130656120_6706497_n

Now, let us try to list some small steps we may take which will help us to create identity & unity in our society and we will also attain enough strength to preserve the same:

IN THE FAMILY:

  1. Promote Pinon & Hhadi.
  2. Name your own and relative’s children in Chakma.
  3. Use Chakma words while calling relatives like Hakka, Mujhi etc.
  4. Encourage children to listen into Chakma music and to participate in traditional sports.
  5. Use Chakma scripts in day to day writings and encourage family members also to do so.
  6. Regularly visit Hiyongs with your children, if possible find a place to install Buddha image in a corner of your house. Farek Sunona, at least once in a year will help us to keep our family intact with our own religion.
  7. Try to channelize modern celebrations in our traditional way like Birth Day celebration with Farek Sunona and Picnic with Jumo Hhana with goram & hebang etc.

487461_488114827927807_1522819584_n

IN THE FRIENDS’ CIRCLE:

  1. Promote words like Jhu jhu, Dangu, Siji reit etc.
  2. Encourage discussions on various positive aspects of our society and what could be done to promote those aspects.

945146_488114834594473_2001908350_n.jpg

IN THE ADAM:

  1. Try to strengthen our own judiciary system-Adam, Chagala, Suloani, Rejyo & Raj Panchayet.
  2. To preserve the original Chakma names of villages, rivers, hills and other places and try to record it in Govt. documents.
  3. Put signboard in the entrance & exit points of adam, market, roads, schools, Hiyongs etc. & in front of Harbaris residence in Chakma scripts.
  4. Rename the names of schools, hospitals, markets, roads & lanes in the name of our past respectable personalities and put signboard in Chakma scripts.
  5. Put nameplates in your own residence in Chakma scripts.
  6. Special cares may be taken for smooth running of Schools and Hiyongs as these are the pillars of our adams. Every schools should have school managing committees apart from Govt. sponsored committees (because most of the time, these committees represents only ruling party leaders) in the line we are having Hiyong management committees.
  7. Promote collective help instead of helping someone personally.
  8. Try to create a helping chain, like helping someone in a condition that he may help someone else once his situation improves.
  9. Imprint the view that our schools, our hospitals, our Hiyongs, our rivers, our roads, our forests etc. are our own wealth and our wellbeing depends on the development and preservation of these wealth.

182607_1725780578213_4605995_n.jpg

PERSONAL:

  1. Use WE instead of I.
  2. Never boast of on your deeds rather praise collective achievements.
  3. Always take joint decisions. If meeting is not possible for emergency, take opinions over phone.
  4. Never turndown anyone directly. Always praise other’s suggestions and politely tell him that it will be better if include some points in that or modify the programme in this way.
  5. Always aside the hardest task for yourself.
  6. Develop the quality to accept responsibility for a mistake.

263171_201606733221012_100001150593273_497767_6520444_n

CREATING CULTURAL IDENTITY:

  1. To promote original Chakma tunes viz. Ubhogeet, Jhorageet, Oligeet, Tanyebigeet etc.
  2. To promote traditional musical instrument viz. Dudhuk, Bajhi, Singe, Hengorong etc.
  3. To maintain Chakma ghacchara in Chakma songs.
  4. To maintain Chakmaness in celebration various days, Bijhu festivals, marriage ceremony, picnic etc.
  5. To promote celebration of our own festivals, days and to search for some new days for observation.
  6. To promote traditional games and sports.

Aalam.jpg

ORGANISING THE ORGANISATIONS:

  1. We should promote those organizations whose motto is to create and preserve of distinct identity of the Chakmas and works for unity among all the Chakmas.
  2. Unnecessary creation of new organization should be discouraged, instead we should strengthen/rejuvenate our old organizations. If situation demands, a federation of existing organizations.
  3. A deep rooted organisation having cultural wing, sports wing, students wing, youth wing, women wing, employee wing, judicial wing & development wing may help us to stop mashrooming of organisations in our society and to ensure mass participation towards development process of our own society.
  4. Decision should be taken after thorough consideration. Once a decision is taken there should be no hesitation in action.

Bijhumela LOGO copy3.jpg

GROW WITHIN TO BE A TRUE LEADER:

A leader is said to be one, who-

  • Knows the way, goes the way and shows the way,
  • Inspires others,
  • Follows instructions carefully, there is saying that juniors of a leader treat him alike how he treated his leaders when he was a junior,
  • Respects his fellow workers to earn respect for himself,
  • Has a good judgment,
  • Adoptable to change,
  • Emotionally stable,
  • Looks before leaps,
  • Does not work for self-interest and does not misuse his position for self-interest,
  • Creates leaders,
  • Possess a good character,
  • Has a strong and healthy body and mind,
  • Has a well-controlled tongue & temper,
  • Has a real desire to happy others,
  • Has an innovative mind,
  • Has appetite to improve himself,
  • Loves his work,
  • Always puts extraordinary expertise in an ordinary work,
  • Feels that he should do a task on behalf of his society &
  • Has a strong historical attachment with the good deeds done by the previous leaders of his community. He draws the strength from their deeds and grows to find new ways for the future.

154794_460618008164_595653164_5689583_2086990_n.jpg

ত্রিপুরায় মাতৃভাষায় শিক্ষার হদ্দমুদ্দঃ চাকমা ভাষা প্রেক্ষিত-ফুল সদক চাকমা

Placard-6

গত ১৪ই আগস্ট ২০১২ মহাসাড়ম্বরে উদ্বোধন হয়ে গেল ককবরক ও সংখ্যালঘু ভাষা উন্নয়ণ ডিরেক্টরেটের। এর এক সপ্তাহ আগে অর্থাৎ ৭ই আগস্ট ঘোষণা করা হয়েছিল চাকমা ভাষাকে চাকমা হরফে চালু করার ক্যাবিনেট সিদ্ধান্ত। স্বভাবতই ত্রিপুরাবাসী চাকমা জনগণ আবেগে আপ্লুত। যার ফলে ১৬ই আগস্টের ত্রিপুরা রাজ্য চাকমা হরফ দাবী কমিটির বিশাল বিক্ষোভ মিছিলটি বিজয় মিছিলে (প্রকারান্তরে বামফ্রন্ট সরকারকে অভিনন্দন জানানোর মিছিলে) পরিনত হয়ে গিয়েছিল। এখানে বামফ্রন্টের, বিশেষভাবে মুখ্যমন্ত্রী মানিক সরকারের কূটনীতির প্রশংসা করতেই হয়। জানা যায় ১৬ই আগস্ট মুখ্যমন্ত্রী চাকমা হরফ দাবী কমিটির প্রতিনিধিগণকে চাকমা ভাষা উন্নয়নের সকল প্রকার সাহায্য দান তথা অতি সত্বর চাকমা হরফে পাঠ দানের কাজ শুরু করার আশ্বাস দিয়েছেন। তবে চাকমা ভাষা-ভাষী জনগণ তাদের আন্দোলনের মাধ্যমে কি অর্জণ করেছেন তারা নিজেও জানেন না এবং আমার স্থির বিশ্বাস আন্দোলনকারীগণকে মূখ্যমন্ত্রী সঠিক কি দিয়েছেন তিনি সেটা নিজেও জানেন না। কেন একথা বলছি সে ব্যাপারে পরে আসছি।

সরকারের তথ্য মোতাবেক বর্তমানে ত্রিপুরায় ৯৪৩ টি স্কুলে ককবরক, ৫৮ টি স্কুলে চাকমা, ৪৯ টি স্কুলে হালাম-কুকি, ৩৬ টি স্কুলে বিঞ্চুপ্রিয়া মণিপুরি ও ২৮ টি স্কুলে মণিপুরী ভাষায় পড়ানো হচ্ছে। অর্থাৎ সরকার ত্রিপুরার আদিবাসীদেরকে বা সংখ্যালঘু ভাষার জনগোষ্ঠীদেরকে ১১১৪ টি স্কুলে মাতৃভাষায় শিক্ষা গ্রহণের অধিকার দিয়েছে। কিন্তু মাতৃভাষায় শিক্ষা পাওয়ার অধিকার দানের নামে ককবরক, বিঞ্চুপ্রিয়া মণিপুরী, মণিপুরী ও হালাম-কুকি ভাষা-ভাষীদের কি হচ্ছে জানা না গেলেও চাকমা ভাষায় শিক্ষা দানের নামে যে ছেলে খেলা হচ্ছে তাতে ভবিষ্যতে যে কি ভয়াবহ ফলাফল বয়ে আনবে তা ভগবানই একমাত্র জানেন।

২০০৪ সালের মাতৃভাষা দিবসে পেচারতল অঞ্চলের ৬ টি বিদ্যালয়ে (পরবর্তীতে তাতে আরও ৩ টি বিদ্যালয় যোগ করা হয়) চাকমা ভাষায় শিক্ষাদানের ঘোষণার মাধ্যমে ত্রিপুরাবাসী চাকমা জনগণের মাতৃভাষায় শিক্ষায় অধিকার পাওয়ার যাত্রা শুরু হয়। তা ২০০৭ এর ৬ আগস্ট ২০ টি স্কুলে ও ২০১০ এর ২ মার্চ আরও ২৯ টি স্কুলে সম্প্রসারিত হয়। বর্তমানে মোট ৫৮ টি স্কুলে সরকারী ভাষ্য মোতাবেক চাকমা ভাষায় পাঠদান চলছে।

২০০৪ সালে যখন চাকমা ভাষায় শিক্ষাদানের ঘোষণা করা হয় তখন চাকমা জনপদ গুলিতে কিছুটা হলেও খুশীর হাওয়া বয়ে যায়। কিছুটা বলছি এ কারনে যে তাদের সবার ইচ্ছে ছিল মাতৃভাষাকে নিজস্ব হরফে পাওয়ার। কিন্ত তা করা হয় বাংলা হরফে। যার ফলে অনেকেই তার বিরোধ করতে থাকে। তা সত্তে¡ও কোন কোন মহল থেকে যথেষ্ঠ উৎসাহ দেখানো হয়। হাজার হোক মাতৃভাষা বলে কথা। তা যে কোন হরফেই হোক না কেন। কিন্তু ঘোষণার পরে সত্যি সত্যি বিদ্যালয়ে চালু হওয়ার পর চাকমা জনগণ অবাক হয়ে দেখল মাতৃভাষায় শিক্ষার নামে যেটা দেওয়া হয়েছে সেটা একটা মস্ত ফাঁকি ছাড়া আর কিছু ছিল না।

প্রথমতঃ, চিহ্নিত বিদ্যালয় গুলিতে চাকমা ভাষায় শুধু একটি মাত্র বিষয় চালু করা হল। বলা হল সেই বিদ্যালয়ে পাঠরত চাকমা ছাত্র-ছাত্রীরা ইচ্ছে করলে অতিরিক্ত একটি বিষয় (অর্থাৎ চাকমা) নিতে পারবে।

দ্বিতীয়তঃ, এখানে মাতৃভাষায় শিক্ষার প্রাথমিক শর্তটিই (কারন এখানে শিক্ষার মাধ্যম অন্য ভাষাই থেকে যাচ্ছে) লঙ্ঘিত হল। অধিকন্তু অধিকার পাওয়া জনগোষ্ঠীর কোমলমতি ছেলে-মেয়েদের স্কুলে পা দেওয়ার সঙ্গে সঙ্গে দু’দুটি ভাষার বোঝা বহন করতে বাধ্য করা হল। জানা গেছে ১৬ই আগস্ট সাক্ষাতকারকালে মুখ্যমন্ত্রী সব বিষয় গুলি চাকমা ভাষায় করা অথবা একটি বিষয়েই সীমাবদ্ধ রাখার সিদ্ধান্তটি চাকমা হরফ দাবী কমিটির প্রতিনিধিদের উপর ছেড়ে দিলেও বিষয়ান্তরে তিনি একটি বিষয়ে সীমাবদ্ধ রাখার পক্ষেই সওয়াল করেছেন। অর্থাৎ সোজা কথায় তিনি মাতৃভাষায় শিক্ষার বিপক্ষে রায় দিয়েছেন। উদাহরণ হিসেবে তিনি নাকি ককবরক ভাষায় পাঠরত ছাত্র-ছাত্রীদের উত্তোরত্তর খারাপ ফলাফলের কথা উল্লেখ করেছেন। ককবরক ভাষায় শিক্ষা গ্রহণ করলে নাকি প্রাথমিক বিদ্যালয়ের গন্ডি ডিঙিয়েও (মানে ষষ্ঠ শ্রেণীতে উঠলেও) ছাত্র-ছাত্রীরা নিজের নাম দস্তখত করতে পারে না। এটা যে ত্রিপুরার প্রত্যন্ত অঞ্চলগুলিতে প্রাথমিক শিক্ষার বাস্তবতা তা স্বীকার না করে তিনি দোষ চাপিয়ে দিয়েছেন ককবরক ভাষার উপর। সকল কালের সকল দেশের শিক্ষাবিদদের মতামতকে ফুৎকারে উড়িয়ে দিয়ে তিনি বলতে চেয়েছেন, মাতৃভাষার বদলে অন্য ভাষায় শিক্ষা দিলেই ছাত্র-ছাত্রীরা ভাল শেখে। স্বাধীনতার ৬৬ বছর পরে এই প্রকারের ঔপনিবেশিক মানসিকতা সত্যিই দুঃখজনক। তবে হ্যাঁ, ত্রিপুরার লিঙ্গুয়া ফ্রাঙ্কা বা যোগাযোগের ভাষা হিসেবে বাংলাকে এবং ভারতের কমার্সিয়াল বা উপার্জনের ভাষা হিসেবে ইংরেজিকে আমরা কখনোই অস্বীকার করতে পারবো না। তাই বলে আমরা একটি অবুঝ শিশুকে সে ভাষাগুলি শেখানোর মাধ্যমে তার জীবনের শিক্ষার পর্ব শুরু করতে চাইবো তা কোন শিক্ষাবিদই সমর্থন করবেন না।

তৃতীয়তঃ, চাকমা ভাষা-ভাষী ছাত্র-ছাত্রীদের অতিরিক্ত একটি বিষয় পড়ানোর কারনে তাদের পরীক্ষার ফলাফলের সঙ্গে অন্যান্য ভাষার ছাত্র-ছাত্রীদের পরীক্ষার ফলাফল তুলনা করা দুরূহ হয়ে উঠল। কারন একটি বিষয় বেশী হওয়ার কারনে স্বভাবতঃই চাকমা ছাত্র-ছাত্রীদের প্রাপ্ত মোট নম্বর বেশী হয়ে যাচ্ছিলো। শোনা যায় এ ধরণের অভুতপূর্ব সমস্যার মুখোমুখি হয়ে অনেক চাকমা ভাষায় পঠন-পাঠন করার জন্য চিহ্নিত বিদ্যালয়ের প্রধান শিক্ষক তাঁদের নিজ নিজ বিদ্যালয় পরিদর্শকের দরবারে সমস্যা সমাধানরে দিগনির্দেশের জন্যে উপস্থিত হয়েছিলেন। বলাবাহুল্য, ওঁরা কেউই এই অস্বাভাবিক সমস্যার সমাধান বাতলাতে পারেননি। চতুর্থতঃ, যেহেতু চাকমা বিষয়টিকে প্রথম থেকেই একটি আবশ্যিক বিষয় হিসেবে চালু করা হয়নি এবং পাশাপাশি অন্য সব বিষয় মাতৃভাষার বদলে অন্য আরেকটি ভাষায় শেখানো হচ্ছিল, তাই অনেক চাকমা ছেলে-মেয়ে নিজের ভাষার বিষয়টিকে ধীরে ধীরে একটি অনাবশ্যক বোঝা বলেই মনে করতে থাকলো এবং ত্রিপুরার চাকমা জনগনেরও তথাকথিত মাতৃভাষায় শিক্ষাগ্রহণের মোহ কাটতে থাকলো। তার উপরে আছে নিজস্ব হরফ থাকা সত্তে¡ও অন্য একটি হরফ চাপিয়ে দেওয়ার চাপা ক্ষোভ। এর ফলে দেখা গেল চাকমাদের মাতৃভাষায় শিক্ষা গ্রহণের অধিকার দেওয়ার ৬ বছরের মাথায় ২০১০ সালে যখন আরও ২৯ টি বিদ্যালয়ে চাকমা ভাষায় পঠন-পাঠনের সুযোগ সম্প্রসারণ করা হচ্ছে তখন তথাকথিত মাতৃভাষায় শিক্ষা গ্রহণে কেউ আর উৎসাহী নয়। আজ ২০১২ সালের মাঝামাঝিতে এসে মুখ্যমন্ত্রী যখন সংখ্যালঘু ভাষা গুলির উন্নতির জন্য পৃথক ডিরেক্টরেট গঠণ করছেন, চাকমা ভাষাকে চাকমা হরফে চালু করার কথা ঘোষণা করছেন তখন দুঃখের সঙ্গে বলতে হয় যে সরকার ঘোষিত ৫৮ টি বিদ্যালয়ের কোন বিদ্যালয়েই আর চাকমা বিষয় পড়ানো হয়না।

তার চাইতেও দুঃখজনক ব্যাপার হল যেসব চাকমা ভাষা ও চাকমা সম্প্রদায়ের সঙ্গে সম্পর্কবিহীন সদস্যদের নিয়ে চাকমা ভাষা উন্নয়ন উপদেষ্ঠা কমিটি গঠণ করা হয়েছিল তাদের কেওই এসব সমস্যা নিরসনের উদ্যোগ নেওয়াতো দূরের কথা কোন সমস্যা হচ্ছে কিনা তার খবর নেওয়ারও প্রয়োজন মনে করেননি। শোনা যায় বিদ্যালয়গুলিতে চাকমা ভাষায় সঠিকভাবে পঠন-পাঠন হচ্ছে কিনা তার খোঁজ না রাখার জন্য উপদেষ্ঠা কমিটির সভাপতি বিধায়ক অরুন কুমার চাকমা সহ সকল সদস্যদের বিদ্যালয় শিক্ষামন্ত্রী তপন চক্রবর্তীর কাছে কয়েকবার গালমন্দও শুনতে হয়েছিল। চিহ্নিত বিদ্যালয়গুলি নিয়মিত ভিজিট করতে যাওয়ার জন্য শিক্ষামন্ত্রীনাকি প্রয়োজনবশতঃ যানবাহন দেবারও প্রস্তাব করেছিলেন। কিন্তু এসব স্বঘোষিত চাকমা ভাষা উন্নয়ণকারীদের কেউই সে কথায় কর্ণপাত করেননি। কারণ কমিটিতে কে কে আছে সে হিসেবেই ওনারা কমিটির মূল্যায়ণ করতে অভ্যস্ত কমিটিটি কি কি কাজ করলো সে হিসেবে নয়।

তাই বলছিলাম, আন্দোলনকারীগনকে মুখ্যমন্ত্রী চাকমা ভাষা উন্নয়নের আশ্বাস দিয়েছেন, এর আগেই আগামী শিক্ষা বর্ষ থেকে চাকমা ভাষাকে চাকমা হরফে চালুর ক্যাবিনেট সিদ্ধান্তের কথা ঘোষণা দিয়েছেন, সবই ঠিক আছে। কিন্তু মাতৃভাষায় শিক্ষা গ্রহণের সুয়োগ, যা সরকার ইতিমধ্যেই দিয়ে রেখেছেন তার প্রকৃত বাস্তবায়নে যে যে প্রতিবন্ধকতা গুলি দেখা দিয়েছিল সেগুলির কোন সমাধান সূত্র কি তিনি দিয়েছেন ? সব আন্দোলনকারীই বলবেন, না। তাহলে ? আর খোদ মুখ্যমন্ত্রীকেই যদি সমস্যাগুলির সমাধানের কোন রাস্তা সত্যি সত্যি জিগ্যেস করা হোত তাহলে আমার মনে হয় ওনার সরকারের বিদ্যালয় পরিদর্শকগুলির মতোই তিনিও হতবাক হয়েই চেয়ে থাকতেন।

তিবুরার বিঝুমেলা হন পধে-ফুল সদক শাক্য

Bijhumela LOGO SemiF

আমা তিবুরার চাঙমাগুনোর বেঘত্তুন বেচ বার গরি পারে পারা সম্পত্তিগান অহ্লদে আমার রেজ্য হাবর বিঝুমেলাগান। গদা পিত্তিমির চাঙমাগুনোর একমাত্র বিঝুমেলা ইয়েন। ২০১০ সনত তিবুরা চাঙমা ছাত্র জধার গদা তিবুরার কলেঝর ছাত্রগুন্নোই হজমা গঝিলনা আরম্ভ ওহ্বার আগেধি চের বঝর পর পর অল ইন্ডিয়া চাকমা কালচারেল কনফারেন্সরে বাদ দিলে বিঝুমেলা এল’ এ রেজ্যর চাঙমা গুনোর নাচ-গিত মুচ্চেভার এগাতারা জাগা। তিবুরার চাঙমাগুনোর নুওগরি জাগিবার সলাত্তুনধরি বিসেচগরি ২০০০ সাল সঙ বিঝুমেলা এল’ আমার সাহিত্য-সংস্কৃতি আ বে’ক বাবদর নুও চিন্দে-চেতনা ফগদাঙ গরিভার বেঘত্তুন সোরসোচ্যে নাল। এ বঝর তিবুরার বিঝুমেলা ৪০ বঝরত প’ল (১৯৭৪ সনত মাচমারাত পলিম বিঝুমেলা ওয়ে)। গদা তিবুরার বেঘত্তুন বেচ পুরোনি এ মেলাগানেহ্ আমারে হি দিলো হি নহ্দিলো এক্কেনা তলেই চেভার গরচ আঘে।

সাহিত্য ঃ বানা ইধু নয়, দেচহুলোধো দেঘা জেয়ে বিঝুবোরে মুজুঙে থোনেই আমা চাঙমা সাহিত্যর চিগোন সরাত হয়েক দিনোত্তেই অহ্লেয়ো ঝরঝরানি বারি জায় আবাধাগরি। লেগা থুবেবাত্যেই আহ্দা-আহ্দি, তেঙা-পোঝে তোগা-তোগি, রেত জাগি লেঘা উহ্বোনা – ফুলবিঝু সঙ সাহিত্য হাবিদ্যেঙুনোর নিঝেচ ফেলেবার সরে ন থায়। বিঝুমেলা ফগদাঙ ওহ্বার আগেধি জিঙিরি সিঙিরি আমা বোইভুও বিঝুমেলাত লুঙো পরিবগোই। বিঝুমেলা ন থেয়ে গরি বানা ঘরে ঘরে জার ধগে তে বিঝু পালেদঙ অহ্লেব’ আমি ইয়েনি ন দেলঙন।

সংস্কৃতি ঃ এজাবতসঙ বিঝুমেলাগানেই আমা নাচ-গিদোরে ধরি রাঘেয়ে। তিবুরা চাঙমাগুনে বানেয়ে পলিম নাচ বিঝু নাচ। বিঝুনাজর বলে তিবুরার চাঙমাগুনে ভারদরর আন্দামানত্তুন ধরি সিমলা সঙ এমনকি রাশিয়া সঙ ভঙি এচ্চোন্নোই। ভারদর গাবুচ্যে মিলোনি (যুব উৎসব)-ত চাঙমার বানা এক্কান জিনিচ জাগা পায় – সিয়েন অহ্লদে বিঝু মেলাগান। চাঙমাগুনোর এ জাতীয় নাচ্ছান দাঙর-দিঘোল ওহ্য়ে বিঝুমেলার হরত। সে বাদে তিবুরার বেচভাক ন হোনেই বেক গিত গেয়েগুন হোই পারে বিঝুমেলারে ভর দিনেই উধি এচ্ছোন। বঝরপত্তি নুও নুও গিত জরানা আ সিগুনোত ঘজা বজানা, নুও নুও নাচ বানানায়ো গরা অহ্য় আজলে বিঝুমেলাগানরে ঈদোত রাগেনেই।

চাঙমাগুনোর মধ্যে এগত্তর ঃ জুদো জাদে আমা বিরেত বিরেত তিন/চের পাদার বিঝুমেলার কমিটিগুন দেলে দরান। আমা রেজ্যর বেঘ’ দাঙর দিভ্যে রাচনিতিক জধা-কংগ্রেস আ সিপিএম-র রেজ্য কমিটিগুন আমা বিঝুমেলা জধাগুনো অক্কে হিচ্ছু নয়। এমনো দেঘা জেয়ে, বিঝুমেলা বিদি জেবার একবঝর পরে তে সে মানুচ্য হবর পেয়েধে জে তেয়ো গেল্লে বঝরর বিঝুমেলা কমিটিত এল’। তবে এ ভলকসা আরকানি জধাগুনোর গম সিজেবো অহ্লদে – সিগুন আঝলে বানা কমিটি নয়, তিবুরার গদা মুলুক মুলুক চাঙমাগুনোর সার্ভে রিপোর্ট। ইগুনে আজলে আমা ভিদোরর সদচ্যেগান আ আমার এগত্তরে থেবার ধারাচ্চান ফগদাঙ গরে। আমা বিঝুমেলা কমিটিগুনোত দেরগাঙ, মনুগাঙ, গুমেত, ফেনী, দেন্যো মুলুক, বাঙ্যো মুলুক, লিঘিয়ে, দঝর হাম গরিয়ে, বর অফিসার (তে সমাজর ভালেদর হধা ভাবোক ন ভাবোক), লিগিয়ে, গিত গেয়ে – হাররে বাত দ্যে ন অহ্য়। হয়েক বঝরে তিবুরার বিঝুমেলা কমিটিত অরুনাচল, মিজোরাম, দেচহুল আ আরাকানর চাঙমা মুলুক্কুনোর নাঙো দেভঙ ভিলি আমি আঝা গরির। সে বাদে বিঝুমেলাত সমার বদিবাল্লিত্তে গদা তিবুরাত্তুন দাগা অহ্য় এমনকি সেদামে হুলোদে মিজোরাম, অরুনাচল আ দেচহুলোর জাত ভেয়ুনোরেয়ো বাত্যেনি পাদানি অহ্য়। ইয়েনিয়ে আমা চাঙমা জাদত এগত্তর বারাদে ভজমান এজাল দ্যে ভিলি আমি দায়হাম মারি হোই পারিই।

সরকারর লঘে হুদুম জুরোনি ঃ বঝর সেচ হাজেনেই বিঝুপেক্কো ‘বিঝ’ু ‘বিঝু’ গরি দগরানা আরম্ভ গরিলেই আমার পরানে হোক ন হোক সরকাচ্যে ঘরমুক্যে দুমুরো পরে বিঝুমেলার বলাবল মাগিবেত্যেই। চাঙমা লেঘা দাবি গরিনেই অক্তে অক্তে দেপুতেসন দেনাঘান বাত দিলে আমি চাঙমাঘুন ইক্কো জাত ঈজেবে সরকারর সিধু জেই বজরে এ এক বারই। ইয়োদই আমার জা মাগিবের মাঘিই, মন্ত্রী-তন্ত্রী জারে জারে বাত্যেনি দিবের দিই। আমার আগরির বিদিজেয়ে মুখ্যমন্ত্রী সুনানু নৃপেন চক্রবর্তী ভিলে একবার কাঞ্চনপুর জাদে পধত মাচমারার বিঝুমেলা দেগিনেই ভারি গম পেয়ে আ বিঝুমেলাত্যেই সরকারর বলাবল জাজি দ্যে। সে পরেধি তে বিঝু তাগিনেই সরকারর সুতিয়ো ঘোসনা দ্যে। সে পরেধি তিবুরা সরকারর তক্কিনেই বইমেলা, শিল্পমেলা, বস্ত্রমেলাত্তুন ধরিনেই ইক্কুনুর সরসমেলাসঙ জেদক্কানি মেলা অহ্য় সে ভেক্কানির ধুর ফুরেয়েবো হোই পারিই আমা বিঝুমেলাগানরে। আজলে বিঝুনাচ, বিঝুমেলা আ বিঝুভুও অহ্লদে আমার সরকারর লগে হুদুমোর ইক্কো গোরগোচ্যে নাল।

সেবাদে লোরবো-মিদুঙি জলতুঙি বানানা, ভবচক্র বানানা, বুনো-হাদা, সাহিত্য আ চাঙমা জাদর হাবিলেনি সাজেই-দেঘানা-এ নুও বাবদর চিদেগানি ফগদাঙ গরিভের জু পেয়েই আমি বিঝুমেলার এগেমে। সেনত্যেই বিঝুমেলাগান তিবুরার চাঙমা জাদর উজোনি জেবার এক্কান গঙবলা ন’ এল’ হলে আমি সবায় গালত ন পরিবোঙ।

বিঝুমেলাগানরে সোর গরিভার আরকানি ঃ ইরুক হালর তম্ভাবোই নুও ধগে বিঝুমেলাগানরে সোর গরিভার বাক আরেয়োন। ২০১১ সনর পেজাত্তলর বিঝুমেলাত পলিম বারত্তেই দাঙ্গু সুজয় চাঙমা আ দাঙ্গু কুসুম কান্তি চাঙমার আরকানিত তিবুরার রেজ্য হাবর বিঝুমেলার ইক্কো লোগো বানানি ওয়ে। সে বঝরদই পলিম বারত্তেই এক বঝর আগে সে পর’ বঝরর বিঝুমেলার জাগা ফগদাঙ গরি পারা জেয়ে। সিত্তুন ধরি পত্তি বিঝুমেলার গোচ্যেপোচ্যে দিন তা উল্লো বঝর বিঝুমেলা হুধু পরিবো সিয়েন ফগদাঙ গরা অহ্র। ২০১১ সনর বিঝুমেলার পর পরই বানানি ওয়ে এমএলএ সুনানু অরুন কুমার চাঙমারে সভানানু, সুজয় চাঙমারে হাবিদ্যেঙ আ তন্ময় চাঙমারে ভান্দালি গরিনেই বানানি ওয়ে তিবুরা রেজ্য হাবর বিঝুমেলা রিবেঙ জধা। জিবে ইক্কুনু বিঝুমেলা হুধু পরিবো, বিঝুমেলা হন পধে জেব’ আ বিঝুমেলারে দোলত্তুন দোল গরিবাত্যেই আরকানি জধাগুনোরে সল্লা দিবের হামানি গরি এঝের। বিঝুমেলা রিবেঙ জধায় ২০১২ সনর মাধপ মাচতর আদাম বিজুমেলাত্তুন ধরিনেই গদা চাঙমা বামানি ৮-ভুও বামে ভাক গরিনেই নাচ-গিত-খারার জিদেজিত্যে গরিভার মনঝুক গরা ওয়ে আ পত্তি বামত্যেই উভো গিত, ঝরা গিত, ওলি গিত, তান্যেবি গিত, নুও জোরেয়ে গিত, সুধোম মাক্যে নাচ, নুও বানেয়ে নাচ, ধুদুক বানা, হেহ্ঙগরঙ বানা, বাঝি বানা, সিঙে বানা, পোত্তি হাহ্রা, নাদেঙ হাহ্রা, ঘিলে হাহ্রা, বাদল তাকচানা, ফু তাক চানা – এ পত্তানিত হামাক্কায় ভাকলুও পরিবো ভিলি বান ভিরি দ্যে ওয়ে। সে বাদে ২০১২ সনত বিঝুমেলা রিবেঙ জধা আ আরকানি জধায় এক্কান চাঙমা বাবতা গঝি লোয়োন জিয়েন সে পরেধি তিবুরা চাঙমা ছাত্র জধায়ো চাঙমা বাবতা ইজেবে মানি লোয়ে। ইক্কুনু সিয়েন গদা তিবুরাত চাঙমা বাবতা ইজেবে মানি লধন আ মিজোরামদো সিয়েন গঝি লোভার তেম্মাঙ চলের।

আমার হি গরানা এভ’ সঙ বাগি রোয়ে ঃ তিবুরার বেঘত্তুন পুরোনি আ চাঙমাগুনোর বেঘত্তুন দাঙর আহ্ত্যেরানত এভ’ সঙ সয়সাগর উনো রোই জেয়েগোই। তলে হয়েক্কান নব্ভাচ গোচ্যে উনো আ সিয়েনি আমি হিঙিরি তুনি পারিবোঙ সে পইদেনে তলবিচ তুলি ধরা অহ্ল’ঃ

(১) তিবুরার বিঝুমেলাঘান নাঙে রেজ্য হাবর অহ্লেয়ো হামে রেজ্য হাবর নয় ঃ তিবুরার রেজ্য হাবর বিঝুমেলাঘানত গদা তিবুরাত্তুন বে’ই বে’ই আ অক্তে অক্তে দেচকুল, মিজোরাম আ অরুনাচলত্তুনো নাজিয়ে-গিতগেয়ে দলি দাগানা অহ্লেয়ো বেচভাক চাঙমা বামত্তুন বিঝুমেলাত এনেই সমার বদি ন পাত্তাক্কি। এক হিত্যেধি হন’ হন’ আদামত্তুন তিন-চেরভো দলি বিঝুমেলাত নাজিবের-গিতগেবার জু পেধাক আ ওহ্বোলাদি হন’ হন’ আদামত্তুন এক জনেয়ো জু ন পেদাক। তেঙা-পোঝের পইদেনেয়ো সেজান-জে বামত পরিবো সে বামর মানুচ্চুনো মাধা উগুরেধি বরব’ বোই জেদ’ আ বাগি হলগ’ মাদিয়ানিয়ে থানো ন পেদ’। তেঙা-পোঝে আ নাচ-গিদেধি গদা তিবুরার চাঙমা বামানির সঙ সঙ ভাক জুরোনা হামাক্কায় গরিবেত্যেই ২০১২ সনত্তুন ধরি বিঝুমেলা রিবেঙ জধায় বাক আরেয়ে। আগেরে দেরগাঙ, এহ্দে দেরগাঙ, আগেরে মনুগাঙ, এহ্দে মনুগাঙ, আগেরে গুমেত, এহ্দে গুমেত, ফেনিগাঙ আ তাউন – গদা তিবুরার চাঙমা চাগালানি এ আত্তোভো (এ বঝর ‘মুহুরি গাঙ’ নাঙ দিনেই ইক্কো নুও বাম বানেবার তেম্মাঙ চলের) বামে ভাক গরিনেই পত্তি বামত্তুন সঙ সঙ সাংস্কৃতিক পদত্তেই সঙ সঙ হাবিল ভাক লোবাল্লি জু গরিধে ওয়ে। সেবাদে বামানিরে হোজোলি গরা ওয়ে দলিঘুন বানাদে পত্তি আদামত্তুন হমেধি একজন অহ্লেয়ো জাতে হাবিল ফাগত ভরানি অহ্য়। সে বঝরত্তুন ধরিনেই হরচ-বিরোচ্চুনো পত্তি ভামে সঙ সঙ গরি ভাক গরিবার মনঝুক গরা ওয়ে।

(২) নব্ভাচ গোচ্যে দোল জিনিচ্চানি বিঝুমেলাত উধি ন এজানা ঃ নাঙে রেজ্য হাবর বিঝুমেলা অহ্লেয়ো আমা বিঝুমেলাগানে অক্তে অক্তে আদাম’ হাবর বিঝুমেলাসান হাচ্যেক আ ধক দেঘায়। আমা তিবুরার চাঙমাগুনোর দোলত্তুন দোল বার গরি পারে পারা জিনিচ্চানি ইয়োত থুবেবাল্লিত্তেই আদাম ভিত্তিক জুক দেনা বাত দিনেই বাম ভিত্তিক জুক দেনা আ তারার ভিদিরে জিদেজিত্যে চালেবার আরহানি নেজা ওয়ে। পত্তিবামত্তুন নব্ভাচ গোচ্যে হাবিলে হাবিলে জিদেজিত্যে গরিভার জু গরি দেনায় এবারত তুগুনো হাবর জিনিচ্চানি নিহ্গিলি এভ’ ভিলি হিয়েচ গরা জায়।

(৩) বিঝুমেলার অক্ত-সাঙু ধেমাতালা অহ্না ঃ আগেধি রিনি চেয়েগুনোর হধাদ’ বাত, নিজে আরহানি জধার নানুগুনেই উদো ন পেধাক হন দিন্নোত হন হন আদামত্তুন হয়েন নাচ নাজিবেক্কি, হন হন হাবিলুনে হোয়ভোদরে গিত গেভাক্কি আ সেবাদে আর’ হি হি সে দিন্নোর অক্ত-সাঙু তালিগোত থেব’। অক্তে অক্তে হাবিলর রাধে রেত সম্ভাক ন অহ্দ’দ’ অক্তে অক্তে বে’ক হাবিলুনোরে জু গরি দি ন পারানায় রাক জলি-জালায় জেদাক্কোই। অক্তে অক্তে এমনো দেঘা জেয়ে রেত জেধক বারের সেধক বেচ ওঘির পিঝেদি জেনেই আমি এক্কান নাচ দিবোঙ, মুই ইক্কো গিত গেম্মোই হোনেই পচ্চনি-নানুদাঘির গুত্যে উম উম গরি দোন্নোই। আরেকদাগিয়ে আমা সিয়েন আক্কে দ্যো, ওমুক দাঘি সিয়েন হক্কে দ্যে অহ্ব’, তারা সিয়েন হেত্যেই এভ’সঙ দ্যে ন অহ্ল গরিনেই উম উম গুত্যেঘান ভগলক ভগলক উদুরেই দিবাল্লোই উনোনেই জায়-জুক্কোল গরন্নোই। এ ভেক্কানি সোর গরিবার চেলেহ্ হামাক্কায় আমার বিঝুমেলা রিবেঙ জধায় জে জে আরকানিগানি নেজার সিয়েনি দর’মর’ গরি বলাবত গরধে বলাবল দিবার গরচ আঘে।

(৪) তেঙা-পোঝের জাগুলুক ঃ বিঝুমেলা জনম লোভার দচ বঝর পরত্তুন ধরি, মানে ১৯৮৪ সালত্তুন ধরি তিবুরা সরকারে বিঝুমেলাত তেঙা-পোঝে বলাবল দ্যে ধচ্যে। মাত্তর সে বলাবলর অজন এতই হম জে দ’ সোচ্যে ঘরত একধ’ চোল রানে পারা, পোয়োত ন’ পত্তে ভাতপিলে চরত বাজেগোই। আ সিগুনো এক্কা জনি অক্ত মজিম পা’ জেদ’ তুও সারিলুন। এমনো দেঘা জেয়ে বিঝুমেলার বিলোর তেঙা পাধে পাধে তা উল্লো বঝরর বিঝুমেলা লুহ্ঙেগি। সেনত্যেই জে বামত এক্কা ঝল্লমল্ল মানুচ ঝাগাঝাগা আ নলে মানুচ্চুন এক্কা মুহ্ত ভিচ্ছে ওহ্বাক সে বামানিত বিঝুমেলা গত্তে আরকানিনানুদাঘির চান্দা তুলোধে তুলোধে থেঙত ফজা উধি জায়োই। এ বেসুনজুক্কান হাদেই উদিবেত্যেই ইক্কুনু পত্তি বামে বামে হহ্রচ্চুন ভাক গরানা আ জেধক বেচ পারে নিজেনিভুওত এড থুবেবার আরহানি নেজা অহ্র। এ দ’পল্লা ধিবেবো গমে হাম গোচ্ছে ২০১২ সনর মাধপ মাচতর আদাম বিঝুমেলাভুওত।

(৫) নিজোর আরাঙ সুধোমনি জেদা রাঘেবার বলাবল দি নপারানা ঃ আমা নাচ-গিদ ইক্কুনু আমা আরাঙ নাচ-গিদোত্তুন ভজমান পাজারা-ফারি জেয়েগোই। নাজর ধক্কানি দেলে আ গিত্তুনোর ঘজাগুন সুনিলে অক্তে অক্তে জেন সিগুনোরে চাঙমা জাদর সাদাঙা পুও-সাবা ভিলি মনে অহ্য়। ধুদুক, বাঝি. সিঙে, হেহ্ঙগরঙ বানা আমা জধা নাঙানিত তেঙেরা ঘিরে জেয়ে আ আরাঙ হাহ্রানি দিন দিন আগাসুচ্ছো ওহ্ই জাল্লোই। আমি বাদল হিহ্জি হোই পারিই বিঝুমেলা আমার এ বানিমরা সয়-সম্পত্তিগানি দোকদোক্যে গরিভার হন’ জু গরি দি ন পারে। সেনত্তেই ইক্কুনু চাঙমা জাদর পুরোনি তেবন্যেতপোচ্যে আরাঙ সম্পত্তিগানি লঝা বানেবাত্যেই আ সিয়েনির লঘে আমা নুও বানেয়ে নাচ-গিত্তুনোর রেগা দিবেত্তেই উভো গিত, ঝরা গিত, ওলি গিত, তান্যেবি গিত, নুও জোরেয়ে গিত, সুধোম মাক্যে নাচ, নুও বানেয়ে নাচ, ধুদুক বানা, হেহ্ঙগরঙ বানা, বাঝি বানা, সিঙে বানা, পোত্তি হাহ্রা, নাদেঙ হাহ্রা, ঘিলে হাহ্রা, বাদল তাকচানা আ ফু তাক চানার জিদেজিত্যে বিঝুমেলাত গরিভার বাক আরা ওয়ে।

(৬) বিঝুমেলার আজু-নানু ন থানা ঃ বিঝুমেলাগাররে আমি বেঘে পোচপেই আ বেঘে চে’ই সিয়েন দিনে দিনে জোলজোল্যেত্তুন জোলপোল্যে ওহ্ই উধোক। মাত্তর ফারক ফারক এ উজোনি চিদেগানি এগত্তর গরিভার আ সিয়েনিরে হামত বদলেবাত্তেই আমার হন’ সিঙোবা ন এল’। সেনত্তেই ইক্কুনু বানানি ওয়ে তিবুরা রেজ্য হাবর বিঝুমেলা রিবেঙ জধা। রিবেঙ জধা ইক্কু নুও দমগে বিঝুমেলাগানর হরঙা-হাবিবার ধুর ফুরোর। রিবেঙ জধা ইক্কু চিদে গরের বিঝুমেলাঘান হন পধে গেলে চাঙমা চাদর ভালেদি হামর এক্কান চিমচিম্যে ধার তাগল ওহ্ই উধিবো। সুওত আমি হিঙিরি আনক্যে-দৈনাক্যে-তোঙচোঙ্যে, অরুনাচল্যে-মিজোরাম্যে-তিবুরা হুল্যে-দেচহুল্যে-আরাকান্যে চাঙমা এক তোলোয়োত বঝি জাদর নুও বেল তুলিবোঙ সে চিদে গরের। হন বঝর বিঝুমেলা হন বামত পরিবো সিয়েন আগেত্তুন ধরি তেম্মাঙ গরানা আ সিয়েন হিঙিরি গমে সির জেব’ সে পইদেনে আরকানি জধারে বলাবল দেনা হামান রিবেঙ জধায় ২০১১ সনত তার জনমত্তুন ধরি নিমোনগরি গরিহ্ জার। এ রিবেঙ জধাবোর ইক্কুনু বেগ’ উজুলো তুচ্ছেগান অহ্লদে তার তেঙা-পোঝের রাত। ইয়েন হাদেই উদিবেত্যেই আমার মনে অহ্য় বিঝু নিজেনিহ্ভুও রিবেঙ জধায় নিজো আহ্দত রাগেভার গরচ আঘে। রিবেঙ জধা আ আরহানি জধার ভিদিরে ফিবিলি ফিক্যে অহ্নাআনো অক্তে অক্তে বাঝুক-বাঝাক ওহ্ই উধে। ইয়েনত্তেই মাধপ মাচতর আদাম বিঝুমেলাত রিবেঙ জধার বে’ক মনঝুক্কানি গমে ধুজেই পারা ন জায়। রিবেঙ জধাবোরে আর’ বলবলা গরিবেত্যেই রিবেঙ জধার চাবাঙিগুন আর’ তোকতোক্যে ওহ্বার আ রিবেঙ জধা আহ্দত হিঝু মা লক্খিমার বল থুবেবার হামাক্কায় দরকার।

(৭) বিঝুমেলাঘান অজনমাক্যে দাঙর ন অহ্না ঃ তিবুরার বিঝুমেলাঘান গদা পিত্তিমির চাঙমাগুনোর এগাতারা বিঝুমেলা। দেচহুলোত বিঝু আক্কে আদিবাসী সাংস্কৃতিক উৎসব আ মিজোরামর চাকমা অটোনমাস ডিস্ট্রিক্ট কাউন্সিলর বিঝুর পরে (২৯ এপ্রিল) সিএদিসি দিন পালোনি চাঙমা জাদর সবুল নানুগিরিত ন অহ্য়। সেবাদে সিয়েনি এভ’সঙ নিজো নিজো ময়ালদই ধুজিবান্যে আঘে এভ’সঙ। একমাত্র তিবুরার বিঝুমেলাঘান হধ’গেলে বঝরপত্তি মিজোরাম আ দেচহুলোত্তুন গরবা-হাবিল থুবেবাল্লির এজালে ইক্কুনু ইয়েনরে ইন্টারন্যাশনাল বিঝুমেলা হলে হোই পারা জায়। মাত্তর চাঙমা জাদর একমাত্র এ বিঝুমেলাগানরে জদেপদে ইন্টারনেশন্যাল বানেবার চেলে আমাত্তুন আর’ সয়সাগর আরা হারা পরিবো। অরুনাচল, মিজোরাম, দেচহুল আ আরাকানত্তুন আনক্যে, তোঙচোঙ্যে আ দৈংনাক্যে চাঙমা বঝরপত্তি লাঙেলথিগে ইয়োত সমার বদন্নি পারা তার আরি বানা পরিবো। বানা নাচ-গিদোর হাবিল নয়, বিঝুর তিন্নোদিন রঙে-ধঙে হাদেবার সমারে সমারে আমা বিদিজেয়ে বঝরভুও তলবিচ গরিবেত্যেই আ মুজুঙোর দিনুনোত হন পধে আহ্দিবোঙ সে তেম্মাঙ গরিবেত্যেই পত্তি ময়ালত্তুন চাঙমা জাদর মুলুক মুলুক্কুনোরেয়ো বাত্যেনি দিলে গম অহ্য়। সালে আমা পত্তি বঝরর বিঝুমেলাগানি এক-এক্কান ওয়ার্ল্ড চাকমা কনফারেন্স ওহ্ই উধিবো জিয়েন এজেত্তের দিনুনোত চাঙমা জাত্তোরে এগত্তর গরধে ভজমান বলাবল দিবো।

বেগ’ জেরে আমার এক্কান হধা অনসুর ঈদোত রাঘা পরিবো সিয়েন অহ্লদে আমি বিজুমেলা সোর গরিই, আমা নাচ-গিত সোর গরিই – জিয়েন গত্তঙ সাত আমা আরাঙ ধক্কান জাতে সুওত লেবেদেই থায়। আমার ভেত পা’ পরিবো জে আরাঙ ধক বদলি ভালেত অহ্নাগানরে লুগেই জানা হুও অহ্য়। সেনত্যেই সে ভালেত হন’ ভালেত নয় জিয়েনে আমার আরাঙ ধক্কান মাজারা লুগেই জায়োই। সেভিলি আমি নুও চিদেগানিরে গধা বানিহ্ রাগেলে ন’ অহ্ব’। নুও চিদের পিবির পিবির আহ্বা এবাত্যেই আমি হামাক্কায় আমা ফুগুদি হানাঘুন হুহ্লি রাগেবঙ মাত্তর ঘরর বেরচাগানিহ্ জে’ন দর’মর’ থায় সিয়েন চোক দ্যে পরিবো। আঝা গরা জায় আমা ভিদোরত্তুন হন’ জনে আমা আরাঙ ধগর বেরচাগানির বান সচ গরি ন দিলে জেধক বরব’ বেধ’ সাত সিয়েনি উরেই নি পারিদো নয়।

Chakmamaadi11@ymail.com
https://chakmamaadi.wordpress.com/
http://www.facebook.com/maadi.chakma

PDF version of the article Tiburar Bizumela Hon Podhe